رشا & :

الحريم دايما يمسكو طرف العلم ويدرعمون هي ماقالت بيتي حوسه مو نظيف ولا قالت لبسي مبهذل هي طلبت طريقة ترتيب حوسة اغراض جلستهم من مخاد والعاب ومكنسه وغيرها ع العموم االله يعينك ويوسع عليك وعلى كل مسلمه المكنسه والمنشر اذا في المطبخ فيه مكان حطيها فيه المنشر طبقيه وحطيه ورى الباب باب المطبخ او غرفة النوم وحطيه قبل العصر والملابس رتبيها في الدلاب او حطيها في سله وفي ركن في غرفة النوم والمكنسه في المطبخ حاولي تسوي لها مكان باي طريقه اما قهوتكم وشاهيكم والكاسات وغيرها دخليها المطبخ حطيها في طشت صغير وحطي عليها مويه او بدون وحطيها على جنب ووالعاب بنتك حطي في ركن الصاله سله حلو شكلها وقريب العصر ارمي الالعاب فيها وخلي مع بنتك لعبه وحده ولبسيها قبل العصر ومشطي شعرها وعطريها والمخاد حطيها على السرير بطريقه مرتبه والجوالات والشواحن خلي سلة على رف وارفعي الجوالات وشاحناتها فيها اما اللاب قفليه وحطيه على الكمودينا او التسريحة وسوي قهوتك عند صلاة العصر وانتي تصلي ركبي على غلايه القهوة وعند اكلكم ويوم تتقهوو جيبي سفرة وسط فيه سفر اشكالها حلوه تنباع حتى ماييوسخ المكان

الحريم دايما يمسكو طرف العلم ويدرعمون هي ماقالت بيتي حوسه مو نظيف ولا قالت لبسي مبهذل هي طلبت...