غريبه

السلام عليكم ورحمة الله وبركاته
ادري موضوعي بيزعل كثيرررررر منكم بس لازم اقوله
يا حريم ليش انتو متعبين حالكم كذا
الي تدور هدايا لزوجها والي تحط شمع ومدري ايش ولا تدور وش تلبس والي تخرب وجهى بالمكياج كل يوم والي تضحك الين كشرتها تتشقق
والله سالفه تضحك
بالله كل وحده تدور نصايح عشان زوجها يموت فيها تقولي هو يطامر من منتدى لمنتدى ومن كتاب لكتاب عشان يحبها؟
والي تلبس وتتزين وتلطخ وجهى مكياج زوجك وش يلبس في البيت غير سروال وفنيله واذا تطور لبس جلبيه (قلبيه) عاد مدري وش تسمونها
والي تحط شمع وانوار رمنسيه وتخمد عيالها من العصر وش ردت فعل زوجك يضحك شوي وبينه وبين نفسه يقول الحمد لله والشكر وبنهايه يعطيكي ظهره وينام :42:
والي تدور هديه اوكي معكم يهدونا هدايه بعض الاحيان لكن والله ما يكسر راسه بتفكير
والحيره:30:
والي تقول انها ما تجمل جسمها الا لزوجها وادري ان الدين يوصينى ان نتزين لهم هو وش يحط بجسمهم كريمات لا تقولون رجال فيه كثير يحط على الاقل نيفيا عشان جسمه ما يبان انه مبيض ومكشح بعد الدش

على سالفه الجو الرمنسي والشمع قد مره طلعتي عند ناس ورجعتي لقيت زوجك حاط جو شاعري لك ويستناك:42:

ايه نسيت والي تكتب كلمات حلوه وشعر وتعطيه وحااااله من الرمنسيه هو وش يرد عليكي كلكم فاهمين:30:

ونجي للرقص الي شوي بتصيح عشان ما تعرف ترقص ولا الي قطمت وصطها برقص هو وش سوى قام يرقصلك مره؟؟؟ انا زوجي يقولي ارقصي ولا مره رقصت استحي:o

ولا الي تفكر وقت النفاس وش تطلع تعبل وتجنن عشانه ليه هو يفكر اذا مرض لا سمح الله او اي وقت كيف يطلع جميل بنظرك؟؟؟؟؟

وبسسسسسسس والتعليق والاضافه منكم


لا تزعلون اوكي بس انا اقول الحقيقه