والله من زمااااااااااااااان عنكم من بدت الدراسة وأنا في عالم آخر
صدق إنه مايهنان لازم اشقر عليكم كل يوم حتى لو عندي اشغال الدنيا بس ماافضى اكتب موضوع
يالله ارد كان عندي رد وإن ماصار عندي أويق هم أطلع <<<<<وأنا اقول من اللي يصبخ بالبيبان
المهم ندخل بالموضوع
ياناس من بدأ رمضان وانا كل يوم اروح أصلي<<<بتعلمكم إنها مطوعة
بس تراي ماروح للمسجد اللي نطح بيتنا (( نطح يعني امام))
لا مايهنان إلا أروح للراجحي ولو مايحصلي ماصلي<<<استغفر الله حشا تقديس ذا
بس لا تلومونن بيني وبين الهبدان عشرة عمر<<<بدت تخور المرة
من يوم أنا بالمتوسط وأنا أصلي معه ولا أرضى بالبديل إلا بالسديس أو الشريم يعني اروح لمكة أفهموه عاد<<<<الله من قل الملح اخلصي علينا وش عندس
شوفوا أنا كل يوم الساعة 7ونص تقريبا تعلن الخطوط العربية السعودية آل فلانيه(منيب قايلة عايلتنا) عن إقلاع رحلتها المتوجهه لمسجد الراجحي والمشكلة ميب هنا عادي من سنين وحنا نروح لكن المشكلة بعد مانطلع من المسجد لازم وحنا بالسيارة نشوف بيوت ونشوف عماير ونشوف بقالات ونشوف محطات<<<<ياشين البزارة بس بقى شوي وناصل للزبدة
ونشوف ناس ونشوف وإشارات ونشوف قطارارات<<<<لا هذي كذبه عاد
وكل هذا اللي نشوفه عادي اللي موب عادي إننا نشوف سيارات !!!!
لحظة موب سيارات بوضع طبيعي لالالالالالا
يعني كل يوم نمر على جمع غفير من السيارات((ترى ذا الجملة متعوب عليها))
أول مرة طارت بوهتنا
وثاني مرة تعجبنا
وثالث مرة استغربنا
<<<كأن استغربنا قريبة من تعجبنا بس عادي مشوه لي هالمرةورابع مرة مصلت عاد ملينا من هالوضع وش قصة العالم!!وش قصة السيارات!!
والغريب تعودنا دايم على السواقين((المقصود من يسوق السيارة هنود أوسعودين أو من أي جنسية)) الغريب دايم في فوضى وكلن يحاول يصير الأول
وكلن يسقط على الثاني واللي جاي من أقصى اليمين رايح لأقصى اليسار((هالجملة لاطشتها من اخواني ))واللي يشتم واللي يسب تخبرون مايحتاج اشرح أكثرالمهم تعودنا على منظر االفوضى في الشوارع
لكن مارأيته هذه الأيام فاجأني السيارات ورا بعض وتقريبا يمكن حول 20 سيارة و صافات طااااااااابور ((أثبتي أنك معلمة))
وبنظام تام وإذا مشت السيارة الأولى جت اللي بعدها
والغريب مافيه وحدة تسقط على الثانية خشة السيارة بذنب السيارة اللي قدامها والله شي عجيب من متى ذا النظام!!!
ولا فيه احد طفشان والا يسب أو يلعن أناظر وجيه السواقين((الله لايعاقبني)) وقد بدت عليهم علامات الرضا<<<إخس على هالجملة والله منتيب سهلة بس من وين لاطشتها شكلها من رواية
المهم قلت لازم أعرف ليش صافين وش ينتظرون وش اللي منظمهم الإشارة بكبرها مانظمتهم حتى المرور
حطوا كميرات عند الإشارت عله وعسى يتنظمون ومافيه فايدة والله لو يجي الملك
بكبره ينظمهم ما ينتظمون<<<<<كني دخلت بالسياسةأقولكم تتبعنا السيارات من آخر سيارة لأول سيارة وش طلع!!!!
طبعا إذا عرف السبب بطل العجب<<<<<عاد هذي ما سرقتها أعرفها منذ مبطي
أثر كل ذا الطابور على صرافه وحدة وتقل بالرياض ماهنا غير ذا الصرافة!!!
بس وش القصة ياناس لا تصير الفلوس بتقضي وحنا ماندري<<<<حلوة الفلوس بتقضي جازت لي
بس من جد ماحناب حول رواتب كان نقول عادي
بس تونا ببداية الشهر والناس واقفة سرا على الصرافة
ترى لو المشهد شفته يوم أو يومين كان عادي لا اكثر من اسبوع والعالم صافة وش القصة!!!
لا يكون العيد
عامل عمايله بالناسمعقوله كل ذولاك يسحبون فلوس بيتقضون للعيد!!!
أشوا اني متقضية بشعبان والا كان ماقدرت أسحب قروشي<<<<<أحلى ياغنيه
عاد لاتصدقون تراي منتفه يكفي إني بمدرسة أهليه
المهم أنا قررت ارفع دعوى على البنوك وأبي اصواتكم معي
بنخيرهم عدة خيارات
يا إما إنهم يحطون عند كل مسجد صرافة أو يخلون الصرافة الوحدة لها أربع وجيه يعني من جميع الجهات تصرف أو .............<<<<عاد اللي بقوله هالحين هو المهم
أو يسوون لنا توصيل صرافه <<<<< والله اختراع رهيب
وش يظرهم لاحط كل فرع لبنك سيارة فيها صرافه وحنا نزهم عليهم ونسوي اشتراك مثل المطاعم ويجون لمنا عند البيت ونفتح لهم الكارج ويدخلون ومايردنا إلا المحفظة نطلع البطاقة وندعسه((ندعسه يعمي نلفزة ونلفزة يعني ندخله)) بالجخير وهمن نحط المبلغ اللي نبي همن تكب لنا قورش
وإن شاء الله ذا الصرافة مهيب مكلفتن عليهم
هذولا راعين البقالات وهم ضعيفين ويوصلون وش عاد البنوك اللي تشتغل بالفوس
اصلا يعني تبيع فلوس وتشتري الفوس<<<< عقب ذي غسلت إديني منتسالمهم لا تحسبونن جايبتن هالحكي من فراغ لا والله العالم تطورت وتحضرت وحنا صاجين ((بالعولمة))<<<معليش يمكن الكلمة خاشة عرض بس أحس ودي اقوله أحس هالكلمة ما يقوله إلا المثقف
أقولكم عاد ياحلوات ترى العالم راحت وخلتكم وانتم مازلتم تزاحمون عند الصراف لا ولو تدرون من اللي تطور قبلكم لاتحسبونها أمريكا الله يدمرها<<<<رجعت للسياسة
لا مهيب أمريكا ولا عروبا((على قولة أم تأبط شرا))
ولا هيب اليابان ديرة الإختراعات
لا ديرتن حولنا بس إنها تحتنا شوي
تدرون منهي!!!!!
{{{{اليمن}}}}
شوفوا وش اخترعت الله يخلف علينا
شفتوا الإختراع ((أهوالات))
أهوالات: كلمة تعني التعجب من الأمر يعني إذا تعجبتي من أي شي وخاصة الإختراعات الحديثة تقولين أهوالات وتكفيك عن أي كلمة وتعبر عن كل اللي بخاطرك
شفتوا أهل اليمن وش سووا لحريمهم نحلت مشكلتهم يعني لو تبي تطلب من البقالة ورجله مهوب به ولا معه فلوس ماتعوق معه تزهم على الصرافة وتجي عنده وتسحب همن تزهم على البقالة وتجي لمه لا تلبس عباته ولا تدور أحد يمن عليه يوديه تسحب فلوس
وحنا ياعمري أحيانا نجي بنطلب عشا من برا وينقص ريال علينا ونحوس ندور بالبيت لوهلل ما نلقى واخرتها نكنسل الطلب موب كله فقر لا فلوسنا بالبنك الله يجيركم تعرفون لو الراتب موب بالبنك كان قبل يمر عليه يومين وهو قاضي خصوصا هالمطاعم لعبت بقروشنا لعب مير أشوا جا رمضان يفطمنا عن هالمطاعم شوي
بس من جد مدري متى بيسووونه عندنا بس عاد حنا نبي حريم يعني اللي يسوق سوكيرتي ومعه زوجته تدخل معه عشان تصير محرم ومنها تنحل مشكلتنا وتنحل مشكلة البطالة للرجال والنساء<<<والله حليتيها يامعلمة
ولا وش رايكم مهيب فكرة!!!!؟؟؟
عاد يسد قضى قرقي طلعت حق شهر كامل
مع السلامة
بس فكروا بلإختراع زين وصدقون تراه مشرع ناجح 100%
موضوع رايق
وصورة معبرة خخخخخخخخخ
الله لايحرمنا من طلتك يامعلمتنا