طالبة رضا الرحمان @talb_rda_alrhman
عضوة جديدة
غشيم غي المغازل
المهم وانا في عز النوم والسعااابيل الا فجأة .......رن التليفووووووووون....وطبعا تلفوننا شايل ابوي منه كل الارقام....موب مخلي الا الرقمين تسعه والثمانيه....يعني مالك إلا تدق على الشرطه ولا الدفاع المدني وغيره مافيه......المهم اني رفعت السماعه واقوول نعم... الا وذاك الصوت اللي يرد الروح ....صوت بنت....واخوكم اذا سمع صوت بنت اوجعه بطنه وانوااااع الاسهاااال....وقالت الووو.... انا ما عادعرفت وش اقول انشلت براطمي وطلعت كني ياسر عرفات ...ال ال ال ال ال الووو...قالت ....مين معاي..؟؟ قلت: معاك انا...((صراحة جواب يدل على ذكاااائك!!)) وهي اللي تضحك...وانا قلبي احسه موب طبيعي قالبها سامري واستنزل عندي الكبد و البنكرياس..... انواع الربكه....وقالت لي: سوسو موجوده..؟؟ قلت لها: ما ينفع حوحو..؟؟ قالت مين حوحو؟؟ قلت: هذا اسم الدلع حق الحماراللي هو انا..!! وضحكت للمره الثانيه على التوالي... وقالت: يؤ يؤ شكلي غلطانه...طيب آسفه..قلت لها: لا عادي .. لا شكر على واجب((دايم اسمع هالكلمه..وجالس احترري الفرصه اني اقولها)).. وقفلت السماعه...تصدقون ما ادري وش صار فيني... حسيت بقشعريره في جسمي ...وان ودي اروح وانبطح في الحوش ...واكتب قصيده هجائيه...لا يكوووووون هذا الحب اللي يقولووووووووووووووووون........
((يلعن ابو الحب اللي تعرفه يالضفدع..!!)) عاد انا ماني متعود على البنات لأن ماشاء الله بيتنا فيه خمس طعشر رجال اللي هم انا واخواني وابووي وامي(( الله يخلف على ابوك واميمتك هذا وانت اكبراخوانك عليه العوض ومنه العوض))
المهم...يعني انا واخواني ما شفنا بنت ابد ..وهذا اللي سبب لنا عقده تسمى عقدة الفيسلوجيه..((من وين جت ذي؟!)) المهم..اني قررت اتعرف على بنات ...بس فيه مشكله وحده هي اني ما عندي اسلوب ابد..((يعني وقفت على الاسلوب..يلعن ابوك انت عندك الف مشكله مو مشكله بس..واهمها مشكلة وجهك اللي كنه لوحة انتبه امامك نقطة تفتيش..!!)) الوكاد اني ما لقيت قدامي الا واحد من العيال اسمه عبدووووووووش... معرووووف ان البنات ما يعووقون معاه... وانا اللي اللقط مفتاح سيارتي واروووح له الوكااااد...اني رحت لعبدوش ...وعلمته بوضعي وان امنيتي في الحياة اتعرف على بنت قبل ما اموووت((اخسس يالشايب..!!)) فقال لي ...السالفه بسيطه ...اذا بغيت البنت تجيك حسسها انها احسن وحده بالعالم ...قلت له ....يعني كيف ...يعني انا قصدي انك تحسسها بأنوثتها وان ما فيه بنت غيرها في العالم...قلت له... برضه ما فهمت...يعني تبيني اذبح كل البنات واخليها لحاله..!!((يا عيني على الذكاااااء الخارق)) !!! وهو اللي يمووه علي برجله ويمحطني بيده على جبهتي ..وقال لي ...شوف انت ياحمار....وماراح تفهم إلا بالدرووس العمليه.. ويطلع جواله ويدق .وقال لي ...شوف أنا هالحين بكلم وحده وتعلم.. قلت له ..طيب.. وكلم وقال ....هلا حياتي هلا عمري هلا روحي ...أنا لؤي حبيبك وجنونك((الحمدلله على العقل...يلعن ابوك وين لؤي معه والله لو اشووف وجهه في احسن الأحوال بعد ما اعطيه غير اسم جعفر .. قال ايش قال لؤي...!!)) وقام يقول لها .. احبك واموت فيك...انا بدونك مثل البيت بدون حاره..مثل التلفيون بدون حراره..مثل السواق بدون سياره... انا البنزين وانتي الشراره...انا الشارع وانتي الاناره.. انا الرومنسيه وانتي الاثاره... انا مبنى التجاره العالمي وانتي الطياره ((قسم بالله اني بغيت اضمه وابوسه يوم سمعت كلامه..حسيت بشعور غريب يلعن ابليسه لو يكلم جدار كان ذاب ))المهم خلص المكالمه ...والتفت لي ...وقال لي ....يالله دورك باعطيك رقم بنت وكلمها...وقول لها نفس كلامي قلت له بكل خجل: طيب وهو اللي يدق على بنت ويعطيني الجوال عشان أكلمها ((والله من الفراغه ما لقوا شي يسونه ما غير يدقدقون على بنات خلق الله ويغازلونهم)) المهم وانا اللي اقول الووو ويوم سمعت الصوت ضاعت علومي ...ونسيت كل الكلام ...وقلت لها!! بابا فين..!! وما حسيت ألا بذيك الجزمه اللي لازقه في مقفاي ... وقال لي.. قول نفس الكلام اللي قلته يالثوووور وانااللي اقول لها...هلا حياتي هلا روحي هلا تعالي...وقالت : طيب وبعدين... قلت لها !! انا بدونك مثل الكيبورد بدون فاره..مثل التقاطع بدون اشاره... مثل الحمار بدون حماره... مثل السلطه بدون خياره..انا محترف وانتي نظام لاعاره(والله ذكرني بناس يموتووووووووون بكرة القدم الله يذكرهم بالخير) المهم نرجع للأخ ...... انا الولاعه وانتي السيجاره..... انا الددسن وانتي الغماره... انا الصرصوروانتي البياره(طلع على حقيقته الله يقرفه) انااا طوووووط طوووووط طوووط طووط ......قفلت الخط بوجهي.... قال عبدوش: وش فيك؟؟؟ قلت له ابد الخط مشغول (يلعن أم النصب كل ذا الكلام آخر شي الخط مشغول صدق انك ما تعرف تصرف ) وما دريت إلاوعبدوش مطلع لوح فيه مسامير ودبجني فيه الين قلت للعنز يا خاله...المهم اني رجعت البيت ودماني تصب وماليه وجهي من كثر الطق اللي جاني من عبدوش لدرجة ان اللي يشوفني ما يعرفني ...طالع كني مسابقة.....من صاحب هذه الصوره..... اللي يحطونها بالمجلات... وانا اللي ادخل البيت بشويش عشان ما يشوفني احد واطلع غرفتي واسكر الباب وانام ....وفي عز النوم .....دق جرس التليفون وارفع السماعه .....إلا وهي نفس البنت اللي كلمتني اول مره( ما تحسون هالايام البنات هم اللي يلاحقون العيال إلا اللي يجون عند مدرستنا هذوليك حاله مستعصيه الله يشفيهم يارب ) المهم نرجع لاخونا في الله يقول...... قلت: نعم....قالت سوسو موجوده؟؟ قلت لها شوفي بيتنا كله شباب... ومافيه احد يبدأ اسمه بحرف السين............انا واخواني كلنا اسمنا خالد........وما فيه الا اخوي الصغير فهد هو اللي اسمه نايف ونناديه عبدالرحمن....((وش عنده عادل إمام))؟؟؟
والله تبعت من الكتابه انتظر ردودكم واذا لقيت تفاعل منكم اوعدكم اكملها لكم يوم الخميس يالله بااااااااااي .......
3
723
يلزم عليك تسجيل الدخول أولًا لكتابة تعليق.
الصفحة الأخيرة
حلوه بس قريتها من قبل