غصه بقلبي وضيقه والسبب😪

بنات انا مو متزوجة عمري صار 42 نفسيتي تعبت لما اشوف خواتي يجون زيارة هم وعيالهم وحريم خواني وبناتهم وبنت اخوي اصغر مني متزوجة مو مصدقه نفسها عندها عيال بدون إحساسها بي تدلع
عيالها وانا نفسيتي زفت ومالي خلق لهم وإذا قعدوا بس يضحكون وانا منظر جالسه وقلبي هم 😩😩
والله ي بنات انا ما فرحت نفس البنات من صغري ابوي عصبي وشديد بس يفشلني كل ما اكبر اسمع رفيقاتي وقريباتي طلعات وسفرات وانا دموع وأترجى ابوي لو بس مره نسافر يرفض وامي مسكينه شخصيتها ضعيفه عند ابوي ابوي مسيطر علينا وكبرت وبسرعه تزوجوا خواتي وانا ظليت البطه السودة أقولهم ارتحتوا من عُقد ابوي وكبرت وطاحت أغلى خواتي وأصغرنا بالمرض الخبيث وانا احتسب الأجر عند ربي كنت انا مقيمه معها بالمستشفى وكل ما تألم ابكي بألم 😭😭😭😭 لما توفت ورديت بحزن على فراقها كانت هي الوحيدة الله يرحمها تشجعني وتريحني 😭 وعدت السنين وكل سنه تمر علي أتفاءل وأقول هالسنه يجي نصيبي وأصير ام وانشغل بيتي وعيالي وتروح وانا نفس ما كنت والله أني ما بي امدح نفسي انا غير عن خواتي مهتمه بجسمي وفيني حياء وجمالي متوسط
بس الحمدلله على كل حال
وآخر شي تدرون بنات والله ما عندي احد يتفرغ يوديني لو الجمعيه واحد يقول لثاني ما لهم خلق وأما خواتي شي ثاني كل وحده مرتاحة وعندها سايق وعيال يسوقون فوق هذا أصير نفس المسكينه واجيهم بأسلوب عشان بس اطلع لو مره بالشهر وشنو ردودهم شنو تبين مو فاضيه هذا ردهم بدون لا يحسون بظروفي وابلعها واسكت
كل يوم هذا حالتي دموع لدرجه أقول لامي شنو ناقصني انا ليييه ما جا النصيب تحت رحمة ابوي
متى يدخلون حريم ويصير النصيب
وافتك من منة خواتي واخواني 😭😭😭😭😭
تكفون بنات لا تجرحوني بالكلام من عندها كلمه طيبه او نصيحه او تريح قلبي تقول واللي مو عاجبها لا تكتب كلمه سلبيه طلبتكم
دعواتكم لي جزاكم الله خير