كيفكم يا حوائيات عساكم بخير أن شاء الله ,
القصة يا طويلات العمر أنا مسجلة هنيا من فترة وما جاء في بالي أنزل شي , لكن أمس وبعد ما بديت الطبخ
ووصلت لنص الطبخة ............طولتها قلت خليني اصور الاساسيات وانزلها يمكن اي وحدة تعجبها الطريقة وتطبقها......,,>>ماخذة بنفسها مقلب
لكن ولله الحمد انا طباخة بشهادة الكل زوجي وعيالي واهلي ولله الحمد
طيب نبدا على بركة الله
اول شي نجهز الحشوة
دجاجة كاملة مسلوقة ومقطعة ومخلية من العظم
3 طماطم وسط مقطعة صغير
جزرتين مبشورة
2 فلفل رومي مقطع صغير
1 راس فلفل حار مقطع بالبذر صغير
2 بصل حجم كبير مقطع جوانح
3 فصوص ثوم مقطع صغير
3 حبات بطاطس مقطع مكعبات ومقلي
اول شي نبدا على بركة الله نشوح البصل على نار مرة هادية لين يقلب لونه ويصير شفاف وبعدين نحط عليه الثوم
(ماصورت الجزء هذا)
بعدين نحط عليه الجزر المبشور ونقلبه 10 دقايق وبعدين نحط عليه الفلفل الرومي لأن الجزر شوي ما يلين ويرطب بسرعة
وبعدين نضيف عليه البهارات المشكلة ( ملح +فلفل اسود+كسبرة ناشفة +كمون وليمون اسود +وانا اضيف من عندي +ورسشتر صوص+صوي صوص الثقيلة مو الخفيفة (يعطيها طعم جنان)
ونغطي عليه ونخليه ربع ساعة حتى تتشرب كل المكونات الموية والطعم
في هذا الوقت خذي موية سلق الدجاجة وانا اسلقها وما احط عليها غير فلفل حار وهيل وفلفل اسود غير مطحون
المهم صفي الموية من الفلفل والهيل وحطي عليها ملعقتين ملح + ملعقة كبيرة زيت
وحطي عليها الكمية اللي تبغيها من المكرونة
وارفعيها على النار واسلقي المكرونة لمدة عشر دقايق فقط لا غير لين تصير لينة وبعدي صفيها زين من المرقة حطيها بصفاية لين تروح المرقة ( ماصورت الخطوة هذي لكن لا حقا ان شاء الله اضمن كل الوصفات الصور)
في هذا الوقت الحشوة تكون جاهزة وناشفة
نمسك المكرونة نخلطها مع 4 ملاعق كبيرة جبنة سايلة +4 ملاعق مايونيز وانا افضل الحار
نفرد نصف الكمية في الصينية ونحط عليها الحشوة وبعدين نحط النصف الثاني من المكرونة
في اثناء سلق المكرونة والحشوة سويت البشاميل
4 كاسات حليب +4 ملاعق دقيق+ملعقة صغيرة فلفل اسود+ماجي +ملح
واخلطها بالخلاط الكهربائي مزبوط واحطها على النار واعلي النار عليها مع التقليب المستمر ويكون التقليب بجهة وحدة بس يعني ماتغيرين من اليمين لليسار او من اليسار لليمين
ولما تشوفيها بدت تغلي وطي النار مع الاستمرار بالتقليب حي عليها نصف لوح زبدة (ياسلام على اللمعة وعلى الريحة والطعم)
لما تصير ثقيلة وتشوفيها خلاص تناسبك انا عني احبها تكون ثقيلة مرة طفي النار
حطي البشاميل على وجه المعكرونة لأن زوجي ما يحبه مخلوط مع كامل المكرونة فأنا ازبط الوجه بس
"]
دخليها الفرن نصف ساعة وتكوني محميته من اول على 200 درجة من فوق وتحت مو بس من فوق
لما تخرجيها حتكون بالشكل هذا وعلينا وعليكم بالعافية
وترا السر كله بالحشوة