الله يهدي بعض الأهالي والأخوان ...ذكرتيني بأختي كانت مرتاحه مع زوجها ...وأخواني كان يتدخلون بحياتها ويروحون بيتها بغياب زوجها ...وويسبون زوجها ويسمعونها كلام مثل السم ويطلعون...بس أختي كانت ضعيفه ماترد عليهم بحرف مجرد مايطلعون من عندها تنهار وتنزل دموعها.....بس الحين الحمدالله انشغلو بحريمهم وعيالهم وماحد صار يتدخل بحياتها.........أنتي صح غلطتي بكلمتك ع خوك كانت قويه المفروض ماتقولينها ولو كان غلطان ....بس يمكن خرجت منك بالحظة غضب....انا اشوف أنك تعتذري عن كلمتك له ....وقولي له رجاء لاعد تدخل بحياتي هذي حياتي الخاصه وانا ماشكيت لأحد ...ومرتاحه مع زوجي ...واذا صار تقصير من زوجي او عاملني بسؤ تأكد مستحيل ارضا الذل ...وبجيكم ع طول

صحيح كلمتك كبيره بس اخوك يستاهلها وقح ويبغى يخرب عليك حياتك
بس لو انا كنت مكانك وعارفه نواياهم كان طنشتهم وااخليهم يتكلمو وماارد عليهم
خلاص وصلو اهلك بالسلامه اتصل على زوجي وااقوم بهدوء اروح بيتي بدون مااكبر المشكله وانقلها لزوجي
عموما خلاص طنشي واخوك الي ضربك طنشيه وخليك رسميه معاه ولاتاخذي وتعطي معاه
واذا زرتي اهلك ياريت هو مايكون موجود ولا تطولي عندهم
ونصيحه بلاش تكثري من مدح زوجك قدامهم او قدام اي احد زوجي سوا زوجي
مايقصر زوجي عمل !! ماله داعي ذكر محاسنه في الطالعه والنازل

قولي لو جيت أشتكيت انه مقصر معي ومبهذلني لكم الحق ف أي تصرف تتخذونه .. بس أنا راضية ب حياتي ومبسوطة ومو من حقكم تفرضون رأيكم علي .. وبالنسبة لكلمتك مهما كانت ف هي ردة فعل طبيعية بسبب كلام أخوك وضغطه عليك .. واذا الوالدة م راح ترضى عنك إلا ب اعتذارك لأخوك ف اعتذري وأحتسبي الأجر .. الله يهدي النفوس ويصلح شانكم

دامك مرتاحة مع زوجك فالحمدالله
أهلك مهما تكلمو اسمعي من أذن وطلعي من الثانية خليهم يبربرو لحد م يشبعو بس لاتآخذي بكلامهم أبدا
زوجك دامه محترمك فله كل الاحترام والتقدير
حاولي تمسكي اعصابك قدام اخوانك دامه بس كلام خليهم يتكلمو لين بكرة اهم شي انك انتي تحترميه ولاعليك من كلامهم
واخوانك لاتدققي بكل كلامهم وترادديهم حاولي تكوني الأعقل بينهم
ولاتنسيي تحسبي حساب انك ممكن بأي لحظة تحتاجيهم عشان كذا اقلك اسمعي بإذن وطلعي من الثانية
لاتحاولي تخلقي عداوات بينكم بسبب تصرفاتهم حاولي تطنشي كلامهم لأنه مجرد كلام
غلطتي غلط كبير لما اعترفتي لزوجك باللي صار مهما بلغت طيبة زوجك اللي يصير بينك وبين أهلك يبقى سر مايطلع... لأنه بمرور الايام ممكن هالنقطة تكون كرت ضدك
حاليا حاولي تضبطي صورة أهلك وانه اللي صار اول مرة يصير واخوك ندمان كثير
اهلك لاتخسريهم وكذلك زوجك
حاولي تليني قلوبهم لبعض والتصرفات اللي مات عجبك من اهلك كأنك ماشفتيها
لاتدققي بكلام اخوانك وتردي الكلمة بكلمة حاولي تعيشي ع مبدأ طنش مايزعجك لكي تعش مرتاح البال
حاولي تهدي الأمور بينك وبين اهلك ذولا اهلك مالك غنى عنهم
والله يصلح لكم الحال ويرزقكم الذرية الصالحة🌹

اهم شي اخوك حاولي تراضين معه وانتي لازم تمدحين حياتك انتبهي انتي بالبدايه متدرين مع الوقت خلي اعتمادك على الله مو على زوجك كثير تغيروا هاذي نقطه وثاني شي حاولي زوجك مايتكلم ابد على اهلك ولاتسمعين كلامه مايحترموني لا قولي بالعكس يمدحونك بس انت حساس ...واخوك اصلن مدري وش دخله اذا ارسلتي وماارسلتي صراحه ملقوف ولاغيور ....