الله يحفظلك زوجك ولايفرقكم ويرزقكم الذريه الصالحه

اخوكي قليل ادب يستاهل

هو حر ويلبس زوجته الي يبي
بس هي مي حره وتلبس الي تبي
لو زوجها الي ضربها لو قلت له اكلمه كان قلتوا مايصير يضربك مهما سويتي وعفشك وبيت اهلك عشان يتربي

+1

يابنتي ترى انتي السبب في اشعال فتيل الفتنة بين زوجك واهلك ...
المفروض راعيتي حقوقك وحقوق زوجك وحقوق اهلك كل على حدة ،،، لا ضرر ولا ضرار
نبدا بالزوج / هو كريم الخلق والخصال وسمح لك تروحين لأهلك لدرجة تباتين عندهم اسبوع عشان اختك وهو هناك مرزوع لحاله .. اذا اخوك استنكر عليك ليش تعلمينه بكل تحركاتك وليش يخاف عليك منا ... ليش تحولينها حرب وهوشه مع اخوك عشانه وهو ياغافل لك الله !!!!! كذا شبكتي عداوه بينهم
كان خذتي الامر ببساطة اكثر وقلتي انا احبه واسولف معه واعطيه اخباري وهو بعد ترى يسولف لي عن كل روحاته وجياته ،، عشان نضل متواصلين مع بعض مو عشان خايف علي منكم ،، وانه ما قصر الله يجزاه خير تاركني عند اختي هالاسبوع
وممكن تبينين محاسنه قدامهم ،، كان قلتي هو يحب اهلي ويحبكمرويشكر فيكم ( هذي تطفي اذا في قلوبهم غيرة او كره له )
بالذكاء الإجتماعي تستطيع الزوجة تخلق جو عائلي اسري ومحبه بين اهلها وزوجها


بالنسبة لأمك واخوانك طلبت من اخوانك يتكلمون معك !!! وش كان قصدها ؟ هل في خاطرها شي عليه
ايضا كان اخذتي الموضوع بحكمة اكثر وسياسة .. لو حتى اخوك عصب ورفع صوته انتي بهدوء ولاااازم تحترمين اخوك خصوصا كبير ومتزوج ،. ولا تتطرقين لزوجته مثل ما انك ماتبين احد يذكر زوجك بسوء هو ما يبي احد يذكر زوجته بسوء ...
كل اللي عليك تقنعينهم انك انتي وزوجك متفاهمين وهو يخبك واجد واني لابسة عباية بقناعة تامه نسأل الله ان يثبتنا على دينه ونها لله مو لزوجي وان العبايات المنتشوة هالايام ضيقة وملونه ماعي حجاب هذي زينه ( بدون ما ترمين على احد )
وذكريهم ،، للذكرى فقط انك هنا لك اسبوع تاركته ومهتمة باهلك وانك متعبة حالك من تنظيف وعشا عشانكم وانتم تقلبونها ضدي وضد زوجي ليش ؟ لو مان منعني عنكم كان اقول يحق لكم
واقنعيهم انكم انكم اهلي وعزوتي وسندي وصدقوني انا مستانسة مع زوجي ونحب بعضنا الله لا يغير علينا واني لو ماكان معي زين كان لجأت لكم لكن تطمنوا مرررة ... واتممنى ان مخد يتدخل او يحاول يفرقنا


اخيرا / وهذا اسوأ تصرف سويتيه انك اتصلتي على زوجك وانتي معصبة يجي ياخذك وخريتي الاولي والتالي ،،، اشعلتي الفتيل وانتي الضحيه
كان صبرتي لبكرة تهدأ النفسية ،،، وخبيتي عنه المشكله من اساسها ،،،
يعني من الاساس انتي ساكنه بنفس ديرة اهلك ليش تجلسين اسبوع متواصل ؟؟
يمفي تحين عند اختك فترة غياب اخوانك من العصر لبعد العشا ،،، او من العشاء وتباتين عندها والصبح ترجعين بيتك

الحين الي صار صار انتي غلطتي وهو غلط وبلحظه غضب دخل بينكم الشيطان
معليه اعتذري لاخوكي عشان امك مو عشانه
وبعد كذه كوني روحي زوريهم ولا تجيبي سيره زوجك
نصيحه لا تخسري اهلك ولا زوجك
وربي يرزقكم الذريه الصالحه