غنم عواطف مربعات

سلام عليكم وصبحكن الله بالخير يا حريم
اوووووووووووووووووووووووووووووو يا دافع البلا يا كثر الرسايل الي وصلتن منكن الله سلمكن ويسلم كل من سألت عني بغيبتي والله يسلم كل من سألت عني برا المنتدى لغيبتي
وتدرون وصلن رسايل كثيره تطلب مني طبخات البدو
والله لهدرجة صارن بنات حواء بدوييايييه ( هههههه يا حليلكن ابشرن والله بالتمن والبقل والمرقوق والهريس والعييشيه والصبيب والغفيص والباقيات
اقول
اقول

حبيت اني اليوم أسلم عليكن وأعلمكن وش سبب هالغيبات
والله كثير سألني وينتس يا عواطف وين هالغيبات وحشتينا

يا بعد حيي وميييتي انتن هالوجية اعلمكن وس السالفه

السالفة ونتن سالمايه انتن تخبرن الايام الى راحن ما شاء الله ايام ربيع والارض مربعه والغنم مبسوطايه
رحنا وطلعنا وخذينا عفشنا ندور الربيع لغنمي والله أن الغنم مبسطة والعشب للربكة والتخييم امممممممم والذبايححححححح اوفففففففف تشهيت
كل يوم اسرح بغنمي واحلبها
والله يابعد حيي أن الغنم يالله تمشي يعني تفاحج من كبر الديد ( الضرع ممتلي حليب ) والله يعين أم بقشيه كل يوم وهي تحلب من هالغنم وتبقل وتمخض يما تقطعت يدياتها

لكن الى أحلى من هذا يمنه جاء الليل سمرنا أنا وجارتي المصرقعه على الدلة والتمر والزبدة ويالله حش بخلق الله يما ينتصف الليل
وننام ويا جاء الصبح فكيت الشبك عن الغنم وطلقتها ترعا من العشب وكل يوم كذا حول شهر ونص
والحين اوووووو رجعنا يم البيت والدنيا عفيس اووووف
رحت انظف وارتب
اشوا خلصت والحين طلعت توي ابسلم عليكم

الظاهر كلامي يبيله ترجمية