والله تستاهلين ياطواري
ابعطيك طريقة خياااال امي معروفة فيها وكثير يشترون منها

خذي الطريقة وادعيلي

أول شي جيبي الليمون ونظفيه واغسليه زين
وبعدين حطيه في قدر وولعي عليه النار اذا بدا يفور طفي عنه لاتخلينه يفور هي فورة وحدة بس
بعدين خليه في القدر الين يبرد
وبعد كذا خذي الليمون والمويه لاتكبينها بنحتاجها بعدين
قطعي الليمون بالنص يعني مو مره يدوب بس مكان تحشين فيه
والحشوة عبارة عن عصفر اكيد تعرفينه+ملح خشن+حبة سوداء تسوينهن خلطة مع بعض
بعدين تبدين تحشين
تاخذين جزء بسيط من الحشوة وتحطينه بقاع العلبه اللي بتخللين فيها
شوي بس بحدود فنجان قهوة لاتكثرين عشان مايصير مالح
وبعدين ابدي رصي الليمون حطي طبقة ليمون وطبقة فلفل اخضر حار
وهكذا بعد مايمتلي ارجعي خذي موية الليمون اللي سلقتي فيها واغمري العلبة للآخر وصبي فوقها فنجان زيت زيتون
وخليها كم يوم برى تقريبا ثلاث ايام خصوصا ان الجو حار
بعد كذا دخليه الثلاجة
وعساه بالعافية

لاتحطين خل لان الملح كافي انه يحفظه لك

وعساه بالعافية عليك

تسلمين الله يخلي لك امك
انا سويته الحين بطريقه اختي ام اسومه

بس حبيت اسألها طيب اللي فوق ماجاها عصيرليمون وشلون بيستوي؟

هلا حبيبتي

بيستوي اهم شي انك ضاغطته .... وبينزل مويته وترتفع الميه وبتشوفي

يمكن اليوم تصير المويه بنص المرطبان


علمينا وش يصير..

هلا هلا ام اسومه
اي والله ارتفعت المويه وانا كل شوي اطل عليها من الوناسه
تسلم يدينك
وان شالله ااذا نضج ذوقتك انتي والحبايب منه بالمنتدى

الحمد لله وان شاء الله تذوقي احلى مخلل

وشهيتيني يمكن بكره اشتري وسووي