بنات الواحــــــــــــه لعيونكم غيرنا الـlook ..... وأبى أبربر على روسكم في موضوع ماله شغل بهوايتى المحببه اللى الله لايحرمكم من مشاهديتها على صفحات الواحه
المووووووووهم....قبل فتره غبت أنا وكتكوته هانم عن الواحه ..... ورحت أنا وياها في رحله مال أمها داعــــــــــــــى ..... فقررت أنى أقص عليكم اللى صار في ذى الرحله المبرووووكه....
في يوم من الأسابيع كنت قاعده عند كتكوووته في بيتها نتابع فلم عن أفريقيا .... طبعن الهانم تموت في أفريقيا ... وطاريها وأنا بحكم الصداقه متحمله الفلم ومتحمله أبو دم خفيف.........؟؟
هذا الله مير يسلمكم ولد الهانم الصغير
عاد ذابحه الدلع.... الله يخليه لأميمته أن شاء الله....طبعن كتكوته مندمجه مع الفلم وعلكتها على قولت شموووخه طاع طيع.....وأنا أعصابي منهاره من أبووو دم خفيف كتكوت الصغير....ياجماعه أبلشنى مره حاذفنى بنعال ومنحاش ومره يطلعلى السانه
من بعيد ويحط رجله ..... وأنا دخنت من القهر...والمشكله الورع مستانس هو وفيسه شايفنى مدخنه وجايزله الوضع.... وبينى وبينكم كنت أتمنى لو الحقه بس مستحيه من كتكوته اللى ماجابت خبري أنا وياااه مندمجه مع الفلم الله يخلف.........والله وأستعمل معه السياسه...وأقوله : تعال حبيبي تبي حلاوه ....أبيه يجينى ثم والله لفقع وجهه بكف يطير ريشه<<..... ياويلى من كتكوته لاقرت ذا الكلام
بس والله ذكى ذا الورع عيا يجينى......الموووووهم قلت أنا ورانى منخش ورا الباب هاثم أصيده ...... وأقوم وأنفذ هالفكره والبدله ورا الباب..... شوى إلا هو جايب معاه حديده وزنها طن يبي يحذفها على <<..... أعنبو أبليسه مزحـــــــه يدخل العنايه المركزه
والله وأنا اللى القطـــــــــــه من رقبته إلا عويناته تقل أعيون هندى ماسكينه الجوازات ..... وتونى رافعتن يدى أبفقع خشته ..... إلا كتكوته تصيح غلووووووو..
وأنا اللى ينخرش قلبي قلت: عزالله رحت وطى لابالله أنمسح فينى المنتدى وتصيبنى أم الركب
وأنا اللى أفك الورع وبصوت يرتجف من الروووعه قلت: نعم عمتى <<....أبووووك يالشروووود قالت كتكوته: أنتى لين الحين مصدقه أنى رضعت مع أبوتس لايأمى هذاك أخوى.... وقعدت تقص على القصه اللى دابلتن تسبدى من عرفت الدنيا وجدتى تقولها.....بعد ماخلصت المعلقه التاريخيه أستوعبت أنهامافهمت أنا ليش قلتلها عمتى وماشافت اللى كنت ماسكته في يدى وبلعت العاااافيه وتمالكة نفسي وصحت فيها: وشهوله تصيحين بأسمى قالولتس صمخه مسمع<<.... أخـــــس يالشجاعه وأنا بنت أبوى....
قالت: جتنى فكره وشرايتس نروح لأفريقيا..... والله ملينا الكويت المدينه الدوادمى النعيريه <<...يازين ديـــــــــرة خوالى
خلينا هالمره نغير وشرايتس..............؟؟؟؟ خلاص طفشناااا ياهووووو <<.... حلوه ياهوووووه.....
طبعن أنا فكيت خشتى قلت : والله الفله روحى قدام يأمـــــــــى وأعنبوووو وراى <<.... أسلوب عربجيه مامن أنوثه مير الله يخلف.........
والله وأطمر للبيت وأجمع أغراضي وأجى مشوته ماسحتن الطبلووون واللى أدوس على شي قام يون...... وأناظر أتحتى إلا هذا رجل جدتى حبيبه <<...وحده راضعه مع أبوى والثانيه جدتى أقول ياروووحى يالبزره ......
قالت جدتى حبيبه : وجععععععععع أنتى عميا ماشفتينى ؟؟؟ وأنا اللى أسرح بفكرى ساعه إلا جدتى تصيح: غلوووووو وأنا اللى أطمر من الخرعه قالت : وشفيتس........؟؟؟ قالت : ماش مير قاعده أتذكر أنا وين شفتتس........ وهى الله تلقط الغضاره اللى وزانها وتكمخنيبها على خشتى....<< الغضاره هى معدن يوضع به الماء مدرى وش تسمونها......
وأنا اللى أمسح مكان الصفقه وأعلم جدتى حبيبه أنى مسافره .... قالت: ياعلتس ماتشوفين شر يابعدى .... وهى تمسك طرف شيلتها المربوط وهى تفكه وطلع منه فليسات وهى تعطينياها..قالت: جيبيلى ياوليدى زمزم والبازى وسعى خاطرتس أبه........ يازين جدتى عبالها كلمن سافر راح مكه <<.... الله يعمرتس يامكه..........
قلت: أبشري من عيونى....والله وأرفع رجلى عن رجلها<<.... ياحظها الأشهب كل هالوقت وأنتى واطيتها الله يرحم رجلها غدت ملـــــــــــح
وأطلع إلا هذى كتكوته تحترينى في الدستن التسعه وسبعين حقتها........ ودار بيننا هذا الحواااار..............كتكوته: يالله ياغلوووو تأخرنا ..... عاد أنا فاتحتن خشتي من هول المنظر قلت: نبي نروح في سيارتس ذي اللى كنها قوطى بيبسي......قالت: ياحول وش فيها يأم العذاريب؟؟؟؟؟ قلت وش فيها إلا وش مافيها والله لو نروح على رجلينا أبرك منها........... وقبل ماكمل شرح موضوعى أنسحبت من شوشتى ونرميت وسط ذا القوطى .... وأنطلقنا وقعدت الهانم طول الطريق تنصب على وتقولى شلون أبو الشباب باع الغنم اللى شراها من أبوى علشان يصرف عليها .... قلت: لوأنه باعتس وصرف على الغنم أشواله..... وهى اللى تفقع وجهى بمخمس لازلت أعانى منه حتى كتابة هذه السطور.....
الوكاد أنه وبينما حنا نمشي بأقصي سرعه لددسن وهى 20 كيلو في اليوم وصلنا أفريقيا بعد 7 شهور من المشي التواصل.....
بكـــــــــره أكمل أن شاء الله تعبت
:42::42::42:
اخيرا ياغلووووووو انتصف رمضان وتو شياطينتس تربط
مدري ليشفي هاالمقطع جا على بالي ولد اختي <<<<<<جالد بنتي اليوم الين صارت تقل دجاجتن منتفه يابعد امها
خخخخخخخخخخخخ
ماعليه شرهه دام امه متابعه لافلام افريقيا
هههههههههههههههههههههههاي:23:
ابووووووووووك ياالخوف جاك من اقوى منك ياغلوووووووو
وربي مت من الضحك على هالمقطع <<<<<بعدين مهوب جدتس متوفيه من ذي
بس لاتنسينا من الي بتوسعين خاطرتس به
يالله عاااااااااااااااااد ياغلووووووو كملي يعني يوم صار lookجديد سويتي زحمه والتكمله بكره