فاشله بالطبخ انصحوني

طيب ياحياتي
بحاول افيدك باللي أعرفه

اتركي كتب الطبخ اذا ماتعرفين منها. ، هنا مشاءالله بنات حواء مبدعات يحطون الأكل بالخطوات المصوره كل شي واضح
شوفي بالنسبه للعجينه اعتمدي احدى العجاين اللي هنا

عجينة العشر دقايق رروعه انا احط عليها حليب بودره ملعقتين او٣
دوري العجينه بالنت وبتلاقينها وسويها زي مومكتوبه مع اضافة الحليب لإني اذكر العجينه مافيهاحليب بودره

صلصة البيتزا انا اسويها اكشن بصل واخلط الطماطم بالخلاط على حسب الكميه اللي تبينها مثلا حبتين
وبعدين احطها ع الكشنه مع الماجي والبهارات وملعقه معجون طماطم

بالنسبه للفلفل الرومي قطعيه صغار اوشرايح او طوليا وحطي بعدين ع الصلصله يوم تحطيها ع العجينه وحطي الزيتون الاسود وبعدين الجبن الشيدر اوبكيفك اي نوع

الدجاج انا قد شفت موضوع انه غسليه بمويا وخل عشان الرائحه ودقيق ابيض
وسوي له تتبيله عشان يطلع طعمه حلو

الاخوات هنا رائعات واتمنى يفيدونك أكثر مني
ماحبيت اطلع وانا مارديت عليك

الله يوفقك

رفع

رفع

بالتدريب بتكون طباخه لكن ثقي بشغلك وراح تبدعي
بقولك بعض النقاط المهمه بالطبخ
المعجنات تعتمد ع الوقت اعجنيها مدة طويله يعيني 5د
وماتكون ثقيله خليه رخوه شويات واذا بتخبزيها لازم الفرن يكون حار مره من فوق وتحت تشغليه
والبيتزاء اذا بتحطي عليها الكشنه لازم تكون باره لانه اذا كانت دافيه او حاره تكون عجينه البيتزاء
والكيك لازم تنخلي الدقيق والخليط يكون م خفيف مره والبكنج اخر ي تضيفينه والفرن يكون حار
والرز الماء لايكون كثير مره يدوب يكون مرتفع ويات عن الرز
وجيبي لك اكواب القياس ةالملاعق بعد تبع القياس
والدجاج اذا بتقليه تبيله لمدة4 ساعات
واذا بتقليه تكون النار مش عاليه مررره
واحلا امشي ع المقادير بالضبط




اتمنى قدمت لك شي مفيد

اذا مالك نفسك وتحسين بالاحباط
ومالك في المطبخ مارح تبدعين ابداا
لازم تكوني مشتهيه وطاقاتك ايجايه ورح ينعكس على الاكل
بالنسبه لك احسك تتقرفين كثير
وشكلك ما تعودتي على الطبخ من صغرك
عموما
تقطيع الدجاج محسوبتك لي 13 سنه متزوجه واكثر ولا اجيها
زوجي يقطعها وانا اغسلها بمويه بارده وملللح كثييير واشيل الجلد لاني اكرهه الا اذا بحمرها اخليه
المعجنات
عجينة العشر دقايق رائعه للاقماع وطريقه الاقماع سهله والحشوه اي شيئ تونه فلافل جبن لبنه شاورما اي شيئ تحبينه
واما عجينة خلية النحل طريقتي تطلع جدا لذيذه كانها من برا
علبه زبادي
4 ملاعق حليب مجفف
4 ملاعق سكر
ملعقه بيكنج باودر
ملعقة خميره فوريه
ونص كوب زيت
وكوب ونص مويه
تخلطينه بالمضرب اليدوي
ثم تضيفي اربع اكواب طحين ابيض وتعجنين والكوب الخامس تضيفي منه قدر احتياجك لحد ماتتماسك العجينه معاك وما تلصق باطراف الوعاء اللي عجنتي فيه
واستمري اعجني لحد عشر دقايق واتركيها تتخمر ساعه ونص
ثم اعجنيها واحشيها وصفيها بصينيه مدهونه وامسحي على وجهها بحليب سايل ابو قوس او اي نوع واتركيها كمان تتخمر بالصينيه المدة ربع ساعه الى 20 دقيقه
ثم اخبزيها على حرارة 180 مده 20 الى 30 دقيقه حسب فرنك
ولما تطلع وهي حاره صبي عليها عسل
وممكن تحشيها مارس وتقلبيها بالقرفه
وتصفيها ولما تطلع من الفرن تصبي عليها كيري ونستله
جدا لذيذه
البيتزا الصوص انا غالبا استخدم صوص جاهز
او كتسب وصلصه ومايونيز وشطه وبهارات ايطاليه واكمل بالمقادير