فتاه تصرخ مطلوب حي او ميت؟؟؟؟؟؟؟؟؟؟ وياليته كان ميت اريح لها..

الأسرة والمجتمع

هذي حكاية واقع كل فتاه بالاخص خليجيه وبالاخص؟؟؟؟؟
اختلطت ببنات كثيرين واغلبهم صديقاتي والاحظ انه امنيتهم وحده وهي ابغى اتزوج واسألهم وانا مستغربه لانها تقولها من قلبها ترد عليه وتقول خلاص طفشت من ابويه واخواني ليه؟؟
كل واحد فيهم يفرض رايه عليه ويتحكم وين اروح وايش البس.. طبعا ليه؟؟
كذا كيفهم..
واذا قلت لهم ابروح ازور صديقاتي يقولون لا اذا اتزوجتي خلي زوجك يوديك ليه؟؟
كذا مالنا نفس ومافي داعي للزيارات طيب انا ماقلت كل يوم قلت مثلا في الشهرين مره .. وطبعا لا..
وتليفون طبعا لا ليه؟؟؟
عيب مافي بنات يكلمون بالتليفون..
طيب ..
المهم كل حياتها غثى في غثى ..
ولا بعد امها ما تخليها تغير في شعرها ولا أي لبس تلبسه يعني كل شي يخصها وفي حياتها يتحكمون فيه..يشوفون انها اشياء عاديه لكن بالنسبه لها ابدا ماهو عادي تحس انها ماهي ملك لنفسها..
والمسكينه ماتدري؟؟؟
انها بتتزوج واحد يعقدها اكثر واكثر..
وفرحانه تحسب انها بتصير حرة النفس مادريت انها ما خرجت من معتقل الا طبت في الثاني…
انا ماقصدت الحريه الفاضحه او فك الحبل على الغارب زي ما يقولون بس الله فضل الامور الوسط لكن احنا ما عندنا وسط.. هم يستغربون من حياتي مع اني اشوفها يعني والحمد لله كل شي بحدود اعتقد لو اني عايشه هذي العيشه حقتهم طبعا لاتمرد وبقوه..

والله اعرف بنات ماتشتري شي من اختيارها اخوها هو الي يروح يشتري لها ليه طيب وش فيها ما تروح والله سجن..
وحده قريبه لي تقول ان البنت من يوم ماتنولد تصير في سجن واذا اتزوجت خرجت من سجن اهلها لسجن الزوج..
يا حسره على هذي الحياه ما عمرها اتخذت قرار من نفسها لازم يتدخلون ويغيرونه على حسب مايبغون..
البسي على كيفنا.. كلي الاكل الي نبغاه وطبعا هي الي مسويته..ما تخرجين الا في النادر ومتى يجي هذا النادر..اتكلمي بالطريقه الفلانيه لانها ماهي عاجبتنا .. لا تضحكين الا بشويش ايش بيقولون الناس عنا ماربيتم بنتكم..لا تحطين هذا الماكياج بايخ مايعجبنى ولو بدون كان احسن..شعرك ليش تقصينه ماله داعي ولونه خليه زي ماهو..
وطبعا الاولاد العكس ليييييييييييه؟؟؟؟؟ لانه ولــــــــــــــــد..
ارجو انكم قبل ماتردون تفكرون زين وطبعا مو كل بنت مر عليها كذا بس يجيلها شوي منه..
اختكم.
انا ذكرت اشياء بسيطه وما خفي كان اعظم بس جبت اتفه الاشياء لانه راح يلحقها اشياء اكبر واكثر..
10
2K

هذا الموضوع مغلق.

عزيزة
عزيزة
غاليتي غدي
اسمحي لي اقول لك انه هؤلاء البنات ما عندهم سالفة ابداً أي حجر واي سجن
هل حياتها عند اهلها تعتبر سجن ..هل خوف اهلها وحرصهم عليها يعتبر حجر عليهم
هذا تفكير غير سليم ،،، والله ياغدي احنا تربينا افضل تربية على يدي الوالدة وغيري كثير
الفتاة الصغيرة او التي في سن المراهقة ماالداعي لوضع الاحمر والاصفر على وجهها لمن تتزين
الها زوج ،، ولمن تصبغ شعرها او تقصه اسمحي لي انهن فارغات
نحن لم نعرف الاشياء هذه الا عندما تزوجنا ... وكان شيء جميل وله طعم اخر ان نتعرف
على اشياء كانت ممنوعة علينا بحكم اننا مازلنا فتيات ولم نتزوج ،،،كما ان الفتاة المحرومة من هذه الاشياء عندما تتزوج تبدأ في الابداع والتفنن في استخدام هذه الاشياء لان غريزة الانثى هي التي تدفعها للابتكار واكتشاف الاشياء الجديدة ،،،بعكس من كانت تعمل هذه الاشياء قبل الزواج فأنها عندما تتزوج تبدأ في الملل من كثرة استخدامها للمكياج وتأتيها فترة تحس فيها بالبلادة وهذا كلام واقعي وسألت فيه احدى الفتيات كنت اعرفها من قبل ان تتزوج .... زمان كنا نستطيع ان نعرف اذا كانت هذه متزوجة ام لا ،،،اما الان والله لاافرق بين الفتاة والمرأة المتزوجة اصبحن الفتيات يسابقن المتزوجات في الزينة ويمكن اكثر ...وصدقيني ياغدي انا لاتعجبني ابداً الفتاة التي تجاري المتزوجات ابداً .. وبناتي سأربيهم بنفس طريقتي التي تربيت عليها حتى لو اعترضن لان تربيتنا هي الصحيحة ولن تفلحوا في اقناعي ابداً ان الوالدة كانت على خطأ بل هي صح 100% فنحن لم نكن محرومين من أي شيء ابداً كل وسائل الراحة وكل مانطلبه متوفر لنا ماذا نريد اكثر من هذا وما فائدة الاحمر والاخضر هل سيغير مني او يضيف لي شيء جديد ابداً بل منظر الفتاة البريئة ذات النظرة الخجولة والحياء الباديء على وجهها واحمرار خديها عند الخجل هذا ما يعجبني وافضل من ستين الف لون الطخ به وجهي او قصة غريبة لاتتوافق مع شكلي ولكن لان فلانه قصت هذه القصة ولازم اقصها
ما اجمل الفتاة عندما تعيش سنها الحقيقي بدون رتوش او خداع وانت ياغدي رأيتي بعينك كيف ان فتيات صغيرات جدا وهن يضعن الحمرة على الشفايف والكحل واحمر الخدود وتسريحة الشعر التي تنافس بها الكبار اسألك بالله كيف كان منظرهن؟؟؟!!!!!!!1
اما الهاتف وما ادراك ما الهاتف فأنه وسيلة غير نافعة للفتيات ولااحبذ استخدامهن له الا للضرورة كسؤالها عن واجب او نحوه فقط لاغير واضع تحتها الف خط،،،، قد تقولي حرام عليك ايش هذا ،،،،كبت وقهر واقول لك كانت معها منذ الصباح الي الظهر وقالوا مافيه الكفاية في المدرسة وكل يوم وهن مع بعض فلماذا الهاتف ...انه لم يوضع الا لضرورة ...والحمدلله بناتي لايحبون التحدث كثيراً بالهاتف ولو اتصلت احداهن فإن ابنتي تقول لي اعتذري منها ياماما وقولي اني نايمة فاطلب منها ان تحدثها يمكن تكون محتاجة لواجب او سؤال عن درس واذا كان مجرد دردشة فأعتذري منها بلباقة وبذلك ارتحت والحمدلله .
ونأتي لحكاية الولد ...ليش البنت تقارن نفسها بالولد كلاً له طريقة في العيش والله سبحانه وتعالى هيأ لكل منهم الحياة التي تناسبه ( لااقصد انه يخرج ويدشر على كيفه ) لا ،،،لكن ما تتوقعي انه الولد يقعد في البيت والبنت هي اللي تخرج ...الولد يجب ان تعلميه من صغره انه رجل وتربين فيه هذا الشيء ويجب ان يختلط بأصحاب معروف عنهم انهم صحبة صالحة له وهنا يأتي دور الاب في السؤال عن اصحاب ابنه ومع من يمشي بعكس البنت التي تكون والدتها هي المسؤولة عنها وعن السؤال عن صديقاتها ،،،،،،، والله الموضوع طويل جداً ويبغاله قعدة لكن هذا اللي قدرت اكتبه وكان بودي اسهب في موضوع الاولاد لكن لن اكون طماعة وسأعطي المجال لغيري واتمنى من الجميع اعطائنا ارآءهم القيمة التي لن نستغى عنها
واذا كنتي تعتبري هذه الاشياء التي ذكرتيها تافهة فأنا اعتبرها من اهم الاشياء في تربية البنت
شكرا لك ياعسل
ذكـرى
ذكـرى
لا فض فوك يا عزوز على الدرر اللي ذكرتيها
وانا اؤيد رايك وبشده لأن كلامك هو الصح والمفروض اننا نربي بناتنا على انه فيه فرق بين البنت والمرأه المتزوجه فبالله عليكم اذا جربت البنت كل اشياء الزينه هل يبقى لها شيء بعد الزواج او هل يصبح له طعم بالعكس راح تشعر بالملل لأنه لا يوجد شيء جديد في حياتها واراء ايضاَ انه ما فيه داعي ان البنت اللي تكون في المرحله المتوسطه او الثانويه انها تروح للسوق ليه اذا كان ذوق امها زين خلاص تعتمد عليها في كل شيء وما في داعي للهجوله في الأسواق انا مثلاَ ربتني امي على نفس الأشياء اللي ذكرتيها ولم اتجراء في يوم واقول لها هذا مهب زين غيريه بل هي تفصل على ذوقها وانا اللبس حتى اذا شفت عند وحده من زميلاتي شيء اعجبني اقول لها اوصافه وتروح هي تشتريلي اياه وكانت تمنعني اني احط اي شيء من المكياج او اني اقص شعري او اخرج من البيت بس من المدرسه للبيت ولا روحات ولا جيات وكنت عادي متقبله الأمر ولا حسيت في يوم من الأيام اني في سجن ولا شيء بل على العكس لكن يوم تزوجت اخذت راحتي في كل شيء واصبح كله جديد علي لأني ما جربت منه شيء واذكر موقف صار لي اول ما تزوجت ذهبت انا وزوجي محل للذهب واعجبتني اسوره فقلت للبائع بكم هذه فقال استني اخرجها واوزنها لك قلت له لا ما فيه داعي قول لي سعرها بس وجلس يضحك الرجال قال ما تدرين ان الذهب ينباع بالوزن والله اني تفشلت وخصوصاَ الفشيله جات قدام زوجي لأن ما عمري رحت للسوق ولا ادري عن شيء فيه
لكن الحين الوضع تغير اخواتي ما خذين راحتهم اكثر مني يروحون اسواق وزيارات وما يعجبهم الأ ذوقهم بس والشعر كل يوم شكل ويوم اقول لأمي ليش تخلينهم ما خذين راحتهم كذا وش بيبقاء لهم بعد الزواج كل شيء سووه تقول لي انتي جيلك تغير خلاص الحين مستحيل اقول لهم لا ولكن بحدود .
لكن انا معزمه انشاء الله على اني اربي بناتي على نفس ما تربيت عليه ولا يهمني اذا تغير الجيل او لا واهم شيء اني اهيء لهم كل شيء يبونه ولا احرمهم من شيء نفسهم فيه والله يعيننا على التربيه ويوفقنا الى ما يحب ويرضى ....... اللهم آمين
عزيزة
عزيزة
غاليتي ذكرى
ذكرت نقطة يمكن اختلف فيها معاك
وهي ذهاب البنت للسوق....مادمتي معاها فماالذي يمنع ذهابها
بل العكس ياذكرى اذا اخذتي بنتك معك للسوق فهذا يعلمها الاعتماد على النفس في اختيار اللبس الذي تريده مع ابدأ رأيك لها ان كان يناسبها او لا لكن ان تمنعيها فهذا لن يكون في صالحها ولعل الذي مر بك اكبر دليل على ذلك
فالفتاة في هذا السن تحب ان يكون لها شخصيتها المستقلة في الملبس
فأتركي لها الحرية في اختيار ما يعجبها ويناسبها وصدقيني البنت في هذا السن يكون ذوقها مرهف جداً وراقي لابعد حد وتحب الالوان الناعمة
وبالنسبة لي احب ان اخذ رأيي ابنتي فيما البسه انا شخصياً لان ذوقها حلو مرة كما اني لااحب ان تواجه ابنتي ما واجهته انا شخصياً حيث اني لم اكن احب الذهاب مع امي للسوق على كثر محاولتها لي وكنت اعتمد عليها وعلى اختي الكبيرة في اختيار ما يناسبني وعندما تزوجت تعبت جدا في روحتي للسوق واختيار ما يناسبني
وبالنسبة للخروج من البيت اذا كانت برفقتك فما الذي يمنع
حاولي ان تتعرفي على ام احدى صديقاتها المقربة منها جداً واذهبي معها وهذه فرصة انها تنفس عن نفسها قليل لان مهما كان النفس تمل سريعاً وتحتاج للترويح
........................
اسمحي لي ياغدي ان انقل موضوعك لقسم الاسرة ليشارك فيه اكبر قدر من الامهات ويبدو ارآهم
غدي كولكشن
غدي كولكشن
عمري عزيزه.. كلامك درر والله انك صادقه.. اقولك على شي شفته واندهشت..
العام الماضي شفت بنت من قرايبنا والله طفله في السن والشكل. المهم بع سنه حضرنا زواج وشفتها والله ايش شفت نفس الشكل بس لو تشوفين البس والماكياج والله انا اندهشت كيف امها تسمحلها تلبس لبس وحده متزوجه حتىيعني لبس ماله داعي ضيق والفتحه؟ يعني خابصه نفسها..
وصدقيني بناتك وبنات تعرفينهم يوم اشوفهم احس بالطفوله وبرائة ايام زمان من حياء وادب ومنظرهم يدل على التربيه..
والله انا ماحطيت الروج الايوم دخلت الكليه حتى بالقوه امي وافقت بعد يعني ما ما اترجيتها وفهمتها.. ولا أي روج احط لازم يكون مناسب ..
والله اشوف بنات يفجعوني طبعا روجهم لونه اسود او اخضر يعني الوان تقرف.او الشعر تصبغه بالوان ما تناسبها ولا تناسب المجتمع الي هي فيه او البيئه.. يالله كل ما شافت شي لبخته على راسها.
اختي ذكرى بالنسبه لخرجة الاسواق مافيها شي بالعكس اذا كانت معاك او مع ابوها وبعدين الاسلام دين الحريه.. صح يوم اني صغيره في الابتدائي ما كانت امي تا خذ رأيي بس انها تشوف اذا كنت مرتاحه له او لا يعني تاخذني بعض المرات..
بالعكس مافيها شي ..وبعدين اتخيلي وحده ما كتبلها ربي واتزوجت تقعد طول عمرها تنتظر ما تسوي شي لين ما يجي الزوج..
طيب تبدأ من السن المعقول يعني انت عارفه مرحلة الشباب هي المرحله الي تبدأ البنت تهتم من شكلها وهذي غريزه تحاول تسوي
اشياء تزينها..
brother_online
brother_online
طحت عليكووووووووووووو وش تقولوووووون...
غدي وش دعوة ، ترى مافي سجن ولا شيء ، صحيح إن البيت عباره عن زنزانات متفرقه معموله على أحسن طراز والشبابيك من الحديد الصلب ( تعرفين أخاف عليكي من البعبع ) وكمان الباب من الحديد المقوى بمادة (السوليموجاتين ) وهي ماده جداً قوية تصيب من يحاول فتح الباب بدون إذني بالصرع المزمن، وهذا لأنك تحبين التغيير والتجديد في تصميم البيت فقلت في نفسي يواد إعمل حاجه عمرها ماصارت .

لله درك يا عزيزه