السلام عليكم
اتمنى انكم تكونوا بخير
اكتب لكم القرار اللى اتخذه زوجى بعد معاناة 12 سنه فى جو اسرى ملىء بالضغوط
على مختلف معانيها؟؟؟
وانا تزوجته عند اخوانه وامه ولهذا اليوم وانتم عارفين شلون كل وحده تبى حريتها وبيتها اللى تاخذ فيه راحتها فى كل شى خصوصا انى اتغطى عن حميانى وهذا الشى اللى مضايقنى
طبعا ظروف زوجى هى اللى خلتنا لهذا اليوم نسكن معاهم بتسالونى ماعندج بيت اقولكم بلى عندى بس ماجره من اول ماشراه يعنى من سبع سنوات وماجمع منهم شى يعنى فلوس الاجار راحت لاهله المهم
قررنا اننانسكن مع حماى اللى طلع بيته بس قولو وين فى الدور الثالث انا وافقت بحكم الكبت اللى اعانيه لو بالمريخ راح ارضى بس كان شرطى انه لمده سنتين لحد ماتتعدل اوضاعنا
اليوم جانى وقالى قراره والله يابنات كانه حكم على بالسجن ؟؟؟
قالى قررت اسكن مع اخوى عشر سنوات لما اتقاعد انا هنى صدمت لاسباب كثيره منها
الدور الثالث مافيه مصعد كهربائى وهذا يتعب خصوصا عيالى كل يوم طالعين ورايحين للمدارس واغراضنا اللى كل ماجبنا شى راح نتعنا
الشقه اللى ابى اسكنها يدوب تكفينى وانا عندى اربع اطفال حتى مخزن مافيه ولاغرفه للشغاله كل هالسنين شلون بقضيها انتو تخيلوا انفسكم فى هالموقف
ارجوكم بنات حواء انتم غاليات على قلبى ولو لا هذا ماشكيت همى لكم ابيكم تشاركونى حيرتى مابى تهونون على ابى كلام يدخل العقل
لاتلومونى بنات انا انطلر كل هالسنين علشان ادخل بيتى واتوسع فيه يعنى اظل طول عمرى من حكره لين حكره
ارجوكم ابى تفاعل وابى اللى تدخل تقول رايها ولو راى بسيط
وشاكره لكم تعاونكم
احب بلادى @ahb_blad
عضوة فعالة
يلزم عليك تسجيل الدخول أولًا لكتابة تعليق.
حبيبتي حاولي مع زوجك واضغطي عليه ما يجوز العناء هذا
خصوصا انك متغطية , أنا احيانا لما ما اقدر اقنعة اخلي اصدقائة يكلمونه بدون ما يعرف اني انا مخبرهم_عن طريق زوجاتهم_ مثلا يقولون له :/ وين رح تسكن ؟؟ مافي احلى من البيت المستقل...وكذا
ولا تنسي الدعاء
خصوصا انك متغطية , أنا احيانا لما ما اقدر اقنعة اخلي اصدقائة يكلمونه بدون ما يعرف اني انا مخبرهم_عن طريق زوجاتهم_ مثلا يقولون له :/ وين رح تسكن ؟؟ مافي احلى من البيت المستقل...وكذا
ولا تنسي الدعاء
مشكوره اختى اريامو ويعطيج العافيه على المرور
حبيبتى كانت عندنا ظروف ولازلنا يعنى بالعربى ماعندنا اللى نسكن فيه او ناثث على احسن مستوا الا بقروض والقروض كلها ربا
والله كريم
حبيبتى كانت عندنا ظروف ولازلنا يعنى بالعربى ماعندنا اللى نسكن فيه او ناثث على احسن مستوا الا بقروض والقروض كلها ربا
والله كريم
هلا اختى صعبه والله تسكنين ببيت ضيق مدام عندك بيت ملك طلعو المستاجرين منه واسكنوه انتم واثثوة حبه حبه واذا ماتقدرون تسوون كذا مالك الا تصبرين العمر يمشي واهم شي سعادتكم شوفيني انا ساكنه في الدرو الثالث وبدون لفت واتعودت صح انه تعب بس لازم الوحدة تصبر مع زوجها وربي يوفقك
الصفحة الأخيرة
بس اللي مستغربه منه انه عندكم بيت وتتلعوزون بالسكنه عند الغير ليش؟؟؟؟
انا اقولج حسسي زوجك بانك على ثقه من انه يقدر يتحمل مسؤلية بيت بروحه بدون ما يعتمد على اهله او اخوه
الله يصبرج ويريحج