انا يا اختي نفسج تعبانه وهلكانه....
بدون خدامة عندي 4 حلوين مبتدئين بحرف a
,ولماّ كنت بالديرة كان عندي خدامتين
والحين ظروف الغربه(دراسة زوجي)
ما عندي احد بروحي حايسه اشتغل بالبيت
وخاصة ان عندي بنتي 6 سنوات (ذوي الاحتياجات الخاصة)
لا تستطيع ان تنفع نفسها ابداً.....
والبيت ما يخلص من الشغل
اذا لقيتولي حل بلغوني...
الله المستعان

بسم الله الرحمن الرحيم
الصراحه فديت قلوبكن ريحتن قلبي الله يريح قلووووووبكن ويسعد حالكن ويجعل ازواجكن يموتوا فيكن ولا يستغنوا عنكن ابد
شكر خاص للي قالن برنامجهن اليومي لانهن افادني كثيييييييييير
الله يطول بعمركن جميع
وعندي ملاحظه للاخت الغاليه الي قالت عندها فلبينيه واثيوبيه وتترك اطفالها عندهن لاجل تروح سينيما ولا سوق
حبيبتي ما منهن امان قدامي بوجه ومن وراش بوجه ثاني يوم انتي امهم ما قادره تتحمليهم
اذن هن الاغراب الي اكثرهن منعدمات الضمير ولاحساس بيشوفولك اطفالك
لا تخليهم .........لا تخليهم ....... لا تخليهم
حتى اذا كان المقابل انج تقعدي عندهم ولا تروحي اي مشان
عالعموم تسلمن اخواتي الحبيبات على كل كلمه حلوه ونستني وعطتني الامل اني اقدر اعيش دون شغاله
الله يحفظنا ويحفظكم من شرورهن ويعطينا خيرهن يارب
ودمتن بصحه وسعاده وسرور

صباح الخير على احلى بنات
حبيبتى دعاء الخير انا اعتقد انك تقصدينى
اختى انا موظفه يعنى لازم اتكون عندي خدامه ولا وين احط العيال؟؟؟
وبعدين انا مو كل يوم اروح سينما ولا مطعم يمكن بالشهر مره
وبعدين نحن الموظفات شغل الصبح والظهر مذاكره مع العيال وتعشينهم وترقدينهم وبعدين لازم شوى الواحد يتفيج حق ريله ويطلع معاه او نسهربالبيت
ولازم اتبعدين العيال عن الزوج شوى ولا بيطفش وبيروح يسهر فى القهاوى مع الشباب
هذا الكلام عن نفسى .
واحب اقولك ان مب كل الخدامات نفس الشى الدنيا بعدها فيها خير انا خدامتى معاى من عشر سنوات وما راحت عند اهلها الا مرتين وتروح شهر بس وزوجها متوفى يعنى ماعندها حد واحنا مثل اهلها حتى هلى كلهم ايحبونها ويوم اولد فى الاربعين مسكينه لازم تقعد معاى مع انها عمرها مسكينه 46 سنه وتموت بعيالى
ومشكوره حبيبتى على النصيحه بس الظاهر انك فهمتينى غلط

بنت ابوها الله يسخر لك ويكفيك شرهم..
وبالنسبه للأخت صاحبة الموضوع..
نقدر نستغني عن الشغالات..بالتنظيم.
اما اللي بتنام للظهر وتبي كل شي تمام << مثلي
فهذي لابد بتتعب نفسيتها. :(

مسألة وجود شغاله في البيت أو عدم وجودها يعتمد بالدرجه الأولى على مدع قناعتك انتي ... وزوجك ايضا... يعني اذا كنت ما تحبين وجود خادمه معك في البيت وزوجك بعد وكنتوا اثنينكم مقتنعين بالفكره صدقيني راح تمشي امورك في البيت ولا احسن منه ... صحيح احيانا يتراكم عليك الشغل خاصة اذا كان في مناسبات خاصه مثلا فرح او عيد أو غيره .... لكن سرعان ما ترجع الأمور عاديه وطبيعيه ويرجع البيت مرتب ونظيف ... وأنا اتكلم عن تجربه مش كلام وبس!!