بسم الله الرحمن الرحيم
قبل كل شي انا مقصره بحق هالقسم الي استفدت منه كثير فجيت اليوم ابشركم
بفرج ربي لي الله يفرجها على كل محتاجه
بنات قريت عن الاستغفار بهالمنتدى كثيير وكنت احيان اقول بنفسي بنات حواء بكل ركن يكتبون كثري الاستغفار
لو وحده كتبت مشكله ماديه قالو كثري استغفار لو مشكلة حمل او مع زوج او حموله قالو كثري استغفار
لو تكتب الكيكه ماضبطت معي قالو كثري استغفار:hahaha: بصراحه كنت احسهم يبالغون جهل مني
لكن
الشهر الي فات انزنقت ماديا لدرجه ضاق فيها صدري وتازمت نفسيتي
فكنت استغفر عشان ربي يوسع صدري ومايبين علي الضيقه لاني ماحب أضيق صدر امي التعبانه:44:
المهم يابنات عندي سبحه فيها 500 وصرت استغفر فيها كثير وعشان ماكون اتبعت بدعه كنت استغفر بيد
واحرك السبحه باليد الثانيه
النتائج ماتصدقون كيف انحلت أموري..
اولها كنت عارضه ساعتي للبيع وبنفس الوقت كنت ابي ساعه السها قدام الخلق
جتني وحده الله يوسع عليها بالدنيا والاخره ويفرجها عليها اشترت ساعتي ونقصت فلوسها فعطتني ساعتها القديمه
مع انها كانت بفوق الالف وماركه عالميه لكن عطتني اياها كفرق سعر وحسبتها باقل من ال500
طبعا هي ماتعرف ظروفي ولاكان اهدتني اياها:35:
2/زوجي كان رافض أغير جوالي مع انه خربان بنفس الاسبوع صديقتي الغاليه جابتلي جوال هديه مع اني ماشكيت لها ان جوالي خربان لكن طقت براسها تجيب لي هديه بمناسبة اول راتب لها.
قريبتي شرت جوالي الكسره ب350 فاسددت بها دين علي.
والغرييب جدا والي ماني مصدقته زوجي جالس على النت يتصفح حسابه فجئه قالي ترا حولت لك فلوس:42:شكله كان يجرب التحويل عن طرق النت:hahaha:
مع انه مهزئني على تطير المصروف ومتوعد انه مراح يعطيني الشهر الجاي الا مبلغ وقدره:44:
والاجمل من كل ماسبق العطر الي نفسي فيه كان ب400 وبحياتي ماشريت بهالمبلغ عطر
سافرت اختي الله يرزقها الجنه ويسعدها فجابته لي هديه
وبالاخير نظارتي منكسره من شهرين وماقدرت اطلع اصلحها لان طويل العمر برضو متوعد لو خربت ماراح يصلحها
واذ به يتكرم يوديني للمحل ويصلحها بدون تهزيئ ولا هواش ولا محاضره اني مهمله:35: يالله يابنات كل هالي صار لاني داومت بس كم يوم على الأستغفار
باقي شي واحد ان وزني يخف وتكون تحققت لي كل الاشياء الحلوه الي بخاطري
طووولت عليكم بالهذر بس حابه أوصل لكم انه بالاستغفار راحه عجييبه سبحان الله حزنك وضيقتك تروح
حتى لو ماتيسرت امورك تلقين لذته وراحته تملاء روحك
عودو أنفسكم تستغفرون والله انه حل لكل مايواجهكم من صعوبات الحياة
اسفه على الاسلوب المبسط بس ماحب الفلسفه بالفصحى احب الكلام من القلب للقلب
باقي الله يرزق بنيتي الكوخ الي تتمناه من قلب على قولتها لاني صرفت الفلوس بضروريات وباقي عندي لها 500
يارب القى بها كوخ عشان تحس اني صادقه يوم اقولها استغفري يرزقك الله كل الي تتمنين
البنات الحلوات بقولكم زي ماقلت لصغيرتي أستغفرو يرزقكم ربكم كل الي بخاطركم...
يارب يسعد الجميع ويحقق مناهم
أستغفر الله عدد ماكان ومايكون وعدد الحركات والسكون
استغفر الله لي وللمسلمين والمسلمات الاحياء منهم والاموات
أستغفر الله الذي لاالاه الاهو الحي القيوم وأتوب اليه
مشاعل الودعاني @mshaaal_alodaaany
محررة برونزية
يلزم عليك تسجيل الدخول أولًا لكتابة تعليق.
بـــــــــــارك اللـــــــــــــــه فيــــــــــك عزيـــــزتــــي
وفــــــي طــــــرحـــك الهـــــــــــادف القــــــــــــــــيم
تنبيـــــــــــــه وتـــــــــــــــذكـــــــــــ ير مهـــــــــــــــــــم
جعـــــــــــــله الله في مــــــــــوازيـــن حســـــناتــــــك
ووفـــقـــــــك لـــــــــما يحـــــــــــبه ويـــــرضــــــــــــاه
أختــــــكـــــم " أم ريـــــــــــــــــــــــــم"
وفــــــي طــــــرحـــك الهـــــــــــادف القــــــــــــــــيم
تنبيـــــــــــــه وتـــــــــــــــذكـــــــــــ ير مهـــــــــــــــــــم
جعـــــــــــــله الله في مــــــــــوازيـــن حســـــناتــــــك
ووفـــقـــــــك لـــــــــما يحـــــــــــبه ويـــــرضــــــــــــاه
أختــــــكـــــم " أم ريـــــــــــــــــــــــــم"
الله يبارك فيك وفي بنتك وحياتك يارب
بس الكوخ اول مره اشوف كذا اعرف اكواخ صغيره يلعبون عرايسهم فيه
هو اصلا كم سعره
وبنتك كم عمرها
الله يحفظها لك يارب
بس الكوخ اول مره اشوف كذا اعرف اكواخ صغيره يلعبون عرايسهم فيه
هو اصلا كم سعره
وبنتك كم عمرها
الله يحفظها لك يارب
الصفحة الأخيرة
استغفر الله لي و للمسلمين و المسلمات الاحياء منهم والاموات
أستغفر الله الذي لا اله الا هو الحي القيوم و أتوب اليه