فرفشه مصريه==المقامات الرمضانيه

السلام عليكم

حبايبى انا عضوه جديده جايبه لكم شويه فرفشه مصرى
تعرفوا المقامات
المقامات عباره عن شعر بس ظريف اوى
دى مقامه من اللى كانت بتتنشر زمان فى جريده اخبار اليوم كاتبها المهندس ياسر قطامش

يالا شوفوها ولو عجبتكم اجيبلكم واحده تانيه

الديك و الياميش و الاساتك

قال الشاعر الطائش العائش على الهامش :
كلما تعكر مزاجى , وجدت شفائى و علاجى , عند صديقى "ابى ناجى" شاعر المدائح و الأهاجى, و فى ليله من ليالى الانس, اسمعته معارضتى لامرئ القيس

قفا نبك من ذكر الغلاء المشعلل فلست اراه عن قريب سينجلي
بدكان درويش ارى كل حاجتى و لكن بأسعار تفوق تخــيلــى
امر عـلــــيه كل يــــوم و ليـــل و لما يجنى قادما كم " يبص لى "
يقول تعال الان يا عم كى ترى زبيبا و جوز الهند بيضاء فللى
و عندى من اللوز اللذيذ زكائب و تين جميل من دمش و موصل
و مازال يغرينى بكل طريقه فقلت له رحماك يا " ابن القرندلى"

فقال الله الله و كاد يستلقى على قفاه, من كثره الضحك و الكركره قال و الله انك لمسخره , و لكن خد عندك يا اذعر لتعلم من فينا الاشعر

يا صاحبى لا تشتهى الياميشا يكفيك ان الخبز ليس دشيشا
اللوز و الجوز الجميل لغيرنا فأحمد الهك ان اكلت قريشا
و احذر من الحاتى تمر امامه بدل الكباب ستاكل التلطيشا
لا حق عندك ان تشم اريجه قد يندهون لمثلك الشاويشا

فقلت و اشمعنى انا اتحمل الفقر و الضنى, بينما على سبيل المثال ارى صديقى عبد العال الذى خاب فى المدرسه كون ثروه كويسه , و لانه فى كل شئ سالك استطاع ان يجمع الاساتك و كانما كتب الهم و التعب على من ادركتهم حرفه الادب , فقال
ان كان يملأ بالأساتك خزنه و ترى مرتبك الهزيل قروشا
فاربأ بنفسك ان يغرك جاهل يقتات تبنا او يلوك حشيشا
و اكتب كما شئت القصيد روائعا و تغن و ابن من الخيال عروشا
يا من تحب من الحياه فلوسها انى لأبصر كل ذالك فشوشا

اعجبنى شعره الشيك و انتفضت كالديك صائحا " كاك كوك لا فض فوك"


بس انتهت المقامه اتمنى تكون عجبتكم
المقامه الجايه بعنوان الرغايه فى رمضان
متخافوش الرغايه دى مش انا
يا سلام
اختكم الهام