بعطيك شوربتي المعتمدة والسهله...جدا...
الكميه تختلف ..
اولا سوي كشنه . وهاتي دجاجه شيلي الجلد منها وقطعيها..
وحطيها على الكشنه. وقلبيها.. وحطي بهاراتك والماجي
بس اذا بتحطي ملح قللي الكميه.. وحطي مويه اللي تكفي لنضج الدجاج.


خوذي نصف مقدار المرق وحطيه بالخلاط بعد مايبرد شوي ..وحطي 9 ملاعق شوربه وخليها تخلط لين تذوب تماما
ورجعيها على القدر اللي فيه الدجاج وخليها تطبخ نص ساعه واذا احتاجت مويه زيزي مقدار كوب مويه..


يعني الماء اضيفيه حسب الحاجه مو تحطي مويه وتتوهقي..
والافضل جربي الطريقه من الحين لين تضبط معك..


موفقه..

زيدي شوفان لين تثقل معاك ولو تكتلت جيبي خلاط الكيك او البيض واخلطيها وهي عالنار يروح منها التكتل ,,

خيتو انا اسويها في قدر الضغط
اكشن البصل و الثوم لين يتكرمل و اضيف الطماط المطحون طحن ناعم في الخلاط ضروري و الماجي و اللحم المغسول و اخليها تتسبك خمس دقائق و اضيف المويه و في الخلاط احط 9 ملاعق شوفان و مويه اخلطها لين تصير نااااعمهاكثر المويه فيه الخلاط
و احطها بالقدر تكون نص القدر او اكثر بشويه مو كثر لانها بتطفر و اضغطها لما ياشر انقص النار و احسب لها ساعه او ساعه الا ربع هالشربه جدا لذيييييييذه بشكل كل يمدحها و يسال عن الطريقه جربيها و ادعي لي