فزعتكم يااااا بنات الرياااااض والخليج والعرب تكفووووون

مرحبا يا بنات احلى منتدى..... هاذي اول مشاركه لي اتمنى تفيدوني الله يجزاكم خير

اللي خلاني اسجل واطرح مشكلتي في المنتدى تعاونكم وافادة بعضكم لبعض وانشالله تفيدوني بمشكلتي اللي اعاني منها وهي ..

كان شعري طويل حيل لدرجة انه يجلس معي في الارض وكنت سمينه شوي فكرت
انزل من وزني وفجاه طاح شعري بدرجه ما تتصورونه لدرجة فروت الراس بانت

عالجت بالزيوت ولا فاد رحت من مستشفى الى مستشفى واخر دكتور وصف لي بخاخ

اسمه ريقن وحبوب propecia

البخاخ طلع شعر ليما وقفت طاح كل اللي طلع وزياده الين بينت صلعتي والحبوب زيد شعر في جسمي وجهي ..صرت بشنبات وحركات ..

نفسيتي جدا تعبت حتى من دراسه وقفت الاقي احراجات من صديقاتي ..

ولاحب اروح مناسبات . فكرت بزراعه كلهم طلبوا مبالغ جدا خياليه .. تحطمت اكثر

ونصحتني وحده الله يجزها خير بمركز في الرياض اسمه ايما عندهم ابر فرنسيه
تغرز في المناطق الشعر الخفيف
وانا بصراحه مابي اغامر مره ثالثه واخسر اكثر وتتعب نفسيتي اكثر من عقب ماكان شعري تحت وركي صار فوق اذني تكفون اللي عنده فكره عن هالموضوع تتكرم وتفيد وبدعيلها ماحيت او جتى تعطيني حل ..

واسفه على الاطاله من حر مافيني طولت واتمنى قبولي معكم في مشار كه هالمنتدى

وشكرا :44: