وياليت تفيديني اختي وين الاقي الشايع للعطور في الكويت
وشكررررا لك

الشايع للعطور له افرع بكل الكويت دخلي على هالرابط http://afkar.com.kw/ar_KUWAIT.htm

و الله ماني جهراوية ما أعرف أسواقهم
بس قريباتي السعوديات لما زارونا راحوا الجهراء ( الخيمة مول و سوق الوافي ) و شروا بدل للعروس حلوة حيل و رخيصة
سوق الجهراء أرخص من باقي الأسواق

يبعد عن العاصمة ساعة أو أقل بشوي

اقتبست لج من منتدى ثاني هالمعلومات عن أسواق الجهراء
انا جهراويه وراح اقولكم عن كل المجمعات اللي اهناك .
قبل ما كان في ولا شي حلو بالجهراء بس من جم سنه افتحوا الخيمه مول ويسمونه الجهراوين سوق الوافي او مركز التوفير لان فيه مركز سلطان الجمله وفيها محلات واايد بس ما فيه ماركات عالميه يعني فيه بيضون وبرنس ومحلات حلوه انا عن نفسي اشتري منهم مثل المنصور للمكياج وعروس البحر وغيره والطابق الثاني في كيدز لاند ومطاعم ومحلات لالعاب الفيديو والبلاي ستيشن..

ومن فتره السنعوسي فتح سليل الجهرا مكان حلو وعائلي اهو مو كبير حييل فيه سنتر بوينت وستبس ونوران وجم محل مو حافظه اساميهم بس هم مو ذاك الزود وطبعا في كافيهات وفي صاله كبيره نوعا ما لطفل المستقبل وقبالها مطاعم ماكدونالدز وباستا وكنتاكي وبره في بحيره فيها وزات تركبين فيها هذي يحبونها الصغار وااايد ومطعم لبناني.. وفي حديقة الجهراء الترفيهه تابعة لمرح لاند هم حلوه بس مو كبيره وااايد يعني اضغر من حولي بارك بشوي وما فيها صالات مغلقه..

وفي المنار مول مجمع حليو من 3 طوابق الطابق الثالث فيه طفل المستقل ومطاعم وباجي الطوابق كلها محلات منها ريفا وزهور الريف والحفار وتوب شيك ومحلات تبيع ملابس سهره..

وفي بعد العالميه مول هم مو كبير حييل وهالمجمع ما احبه لانه ممل احلى ما فيه المطاعم اللي فوق...

واوتاد كله محلات الشايع نكست ميلانو مذركير وبي اتش اس بيكوكس الشايع للعطور جاشنمال نعومي ايفانس مكياجي وبرنس جويسسز
وغيره وفي ستاربكس ودانكن دونتس وفي محلات عبي منها الفيصليه والحلوه وحنانين,,


ومن الاسواق المشهوره هناك مجمع واره هالسوق من الاسواق القديمه وفيه خام بالسرداب وخامهم حلو وفي خياطين فوق ومحلات للكلف
وعندنا بعد القيصريه القديمه بس هذيل ما اعدهم سوقه لانهم دايما زحمه وما فيها اشياء تسوى يعني كلها اسواق شعبية...


وبس هذا اللي اذكره واللي تبي شي انا حاضره وحياكم الله بالجهرا و****لله اكون افدتكم ...

بس على فكره صج سوقتنا واجد بس مع هذا انا ما استغنى عن المجمعات اللي برا الجهرا لان اكثر المحلات مو موجوده عندنا واذا كانت عندنا تكون ستوكات
****لله ما اكون ضيقة خلقكم بالمعلومه الاخيره بس هذا لصج مو دايما بس غالبا

حياج الله بالكويت
عاد الأسبوع اللي طاف الجو بارد
الحين الصبح حر و العصر بعد الساعة 3 الجو حيل حلو

عاد نبي التقرير عن زيارتج للكويت

الله يوفقك اختي دنيا واخره على الافاده الجميله والرائعه
ماشاءالله الاسواق عندكم كثيره ومتنوعه وانا رحلتي قصيره مره
عطيني ترشيحك للمجموعه الي عطيتيني
ماعليك امر ياليت تعطيني افضل اسواق الجمله للملافع واغطية الشعر الداخليه والدراريع القصيره والطويله
وشكررررا اختي لك :26:
معليش احس كثرت عليك الاسئله بس تحمليني شوي

الله يعافيك اختي ابي ردك
لاني خلاص مسافره وابي اوفر وقت في اللف
معليش احس كثرت عليك الاسئله بس تحمليني شوي

ماجاني رد
بليييز ابي مساعده
تشكرات