ياليت تخبروني وش الفرق بين
مجمع العربيد و
العربيد بلازا و
العربيد غالري
واذا مختلفين فهل هم قريبين من بعض ؟

فيه محل اسمه ((القليني)) واللي يبيع فيه اسمه شنوده واشتهر بهالاسم صارو يسمون المحل شنوده

رووووووعه عنده خام عجيب غريب == قطع قماش
مارحت له شخصيا لكن بنات خالي لا راحو للكويت لازم يمرونه
وشفت اقمشتهم فعلا حلوه وغريبه ورخيصه
المتر بدينار بدينار ونص بس لاشفتي الخام ماتقولين ذا سعره

الوصف //

قريب من مجمع سلمان الدبوس بالفحيحيل


في عمارة اجمل ومطعم قيصر


,,,,,,,,,,,,,,,,,

تقدرين تسوين بحث في قوقل وشوفي سوالف البنات عنه


...

شكرا لك اختي اوركيد على الافاده
ياليت تعطيني افضل اسواق الجمله للملافع واغطية الشعر الداخليه والدراريع القصيره والطويله
وايش الفرق بين العربيد بلازا
والعربيد غاليري
ومجمع العربيد
وشكررررا اختي لك :26:

ياقلبي من زمان مارحت للكويت ولا ادل

بس خالتي وبنات خالي دايم يروحون

خالتي مررره ذوق ماتشتري جلابياتها الامن مجمع الحمرا بالفروانيه بس ماعرف وش اسم المحل
جلابياته مره حلوه بــ7 دنانير يعني مية ريال


,,,,,

العربيد اذكر امي قد راحت له وخذت جلابيات منه يقدر يفصل لك بعد يوم او يومين يخلصها
وتقدرين تشترين منه من الموجود ويفصل مره ثانيه للزباين بحكم انك سعوديه
انتي قولي انا من السعوديه ويراعيك

,,,,,,

ماعتقد خالتي تدل سوق الملافع

بس تقول في المباركيه محل ماله لوحه (لانها تبي تعرف اسمه )يبيع شيال على دينار دينارين بس تجنن
قوتش وشانيل وحركات حلوه الشيله قيمتها مايقل عن 70 -- 80 --100 بالسعوديه
روعه هي خذت كميه وحسبها له بدينار للوحده وجابتهم هدايا فخمه بس ماقالت انهم بدينار الا بعدين


,,,,,

بالنسبه للملافع مادري وش قصدك الحجابات يعني ماعتقد تدلها لاننا مانلبسها


الدراريع القصيره تقول باغلب المجمعات يسمونها ميني جلابيه او ميني دراعه

,,,,,,,,,,,,,,,,,

سوق المحاميد اللي في الفحيحيل كبير وفيه كل ابو شي ملابس واغراض بيت
ومفارش للسرير واشياء كثيره


اذا تبين ابو دينار او دينار ونص <<<بجامات لاسنزا بدينارين
وعنده ملابس رجاليه ترنقات وسبورتات خذيت لزوجي انجن عليها ورخيصه مررررره
وملابس اطفال وحتى بجامات نسائيه وقطنيات حلوه للبيت
تلقينه بسوق في سرداب تحت بالدور الارضي في مجمع النقره الشمالي والجنوبي
مجمعين يفصل بينهم جسر تمشين فيه وتحتك تمر السيارت شارع يعني

ترى خبري فيه قديم من 5 سنين بس للحين في بالي يجنن
اكثر سوق شريت منه النقره و سوق المحاميد
يعني هدايا وملابس بيت وترنقات حلوووووه


,,,,,,,,,,,,,,,,


وخبرينا بعد ماتجين عن اللي اكتشفتيه عشان نستفيد يمكن الله يكتب لنا روحه للكويت

...

,,,
وحياك الله

هلا فيج حبيبتي ضيفه بالكويت عندج مشاغل الحريم احلي واكشخ وعندج هيلتون الرقعي
وهيلتون المنقف دايما فيهم معارض للحريم وشغلات غريبه لدراريع وقمصان قصيره
بس الفروانيه مافيها شغلات غريبه يمكن تلاقين جم وحده بس علي حسب الاذواق
والمباركيه بس حق التمشي وسوق قديم وقهاوي ومطاعم وسلامتج واي شي تبينه انا موجوده