الفضيحة الاولى
فضيحة العزاء ( طازجة من مزارعنا )
اول شيء قولوا من قلبكم
اللهم ارحم ابو صحبتي
هذا يا سيداتي وسادتي
ابو صحبتي توفى
وقلنا احنا البنات لازم نروح نعزيها
وحدة مننا ساكنة بعيد وقالت يا بنات انا ما اقدر اجي غير اليوم بعد المغرب فتالوا انتو كمان عشان نتقابلل وهذي برمزلها بحرف ( ر )
الثانية برمزلها بحرف ( ع ) قالت انا كمان بروح اليوم لان ر تبغى اليوم
اما انا وصحبتي ص قلنا نبغاها يوم ثاني عشان يكون خف العزاء ما فحالنا للبكاء والتبكبك
المهم اتصلنا على ع وقلنالها قامت بسم الله السميع العليم تهزأنا انتو صحباتها لازم تروحوا وبعدين انا و
ر
اليوم بنروح لازم تجوون يعني نكون لوحدنا
المهم سكتنا خوف منها يمه تخلع وقلنا طيب خلاااااص نخرج كلنا بعد المغرب
اتفقنا انا وص اننا نروح مع بعض عشان احنا ما نعرف البيت وامي تعرفه يعني تدلنا
طبعا احنا ما خرجنا بعد المغرب مباشرة تاخرنا شويه لاننا اقرب لبيت العزاء
المهم لما خرجنا ووصلنا البيت قلت لامي قولي لاخوي يجي على الاذان يعني اذان العشاء
لاننا تاخرنا وانا على بالي مابقي شيء على الاذان
المهم دخلنا وعزينا صحبتنا وشويه مرت 5 دقايق ومحد جاء لا ع ولا ر
ومرت كمان 5 دقائق ومحد جاء وصحبتنا واختها يطالعوا فينا (( هذولا وش بهم يحسبونه زواج ))
ومرت كمان 5 دقايق ومحد جاء
وكمان 5 دقايق ومحد جاء وصحبتي واخواتها
عاد انا اقول لصحبتي ص بصوت مسموع يالله شكلها ع ضيعت البيت قالت لنا انها بتجي غريبة (( يعني اياك اعني واسمعي ياجارة))
المهم ومرت كمان 5 دقايق ومحد جاء
وانا وص اتفشلنا
وكمان مرت 5 دقايق ومحد جاء
كذه صارت 30 دقيقة
المهم خلاص طفشنا واتفضحنا واتفشلنا ومسخناها ودنا نمسك ع و ر و
المهم قلنا خلاص يلا نخرج وعمرنا وعسانا ما قابلناهم
واحنا خاريجين ياعيني على البراءة
جات ع بعد ايش وقابلنتا انتو خارجين؟!!!!!
ايوه وخرجنا
ولا تنسوا اننا قلنا لاخوي تعال على اذان العشا
وجاتكم الفضيحة قعدنا في الشارع نستنى اخوي يجي
صرنا مسخرة حتى عند البسوس
بس رايح وبس جاي وكل بس يطالع فينا ولسان حاله يقول
وحرمة داخلة وحرمة خارجة واحنا قاعدين من جدار لجدار نلصق فيه
والسبب في هذا كله ع ور اللي يقولون لازم نتقابل
ومرت 15 دقيقة واحنا ملطوعين في الشارع
اللي هون علينا الامر انه قعدتنا في الشارع اهون من تثقيلتنا على الناس
وقاعدين
نذكر اشكالنا ونضحك وفضيحتنا قدام الملا
المهم بعد مرور تقريبا 30 دقيقة من اللطعة في الشارع اذن العشاء
الله اكبر جاء الفرج
الله اكبر جاء الفرج
الله اكبر جاء الفرج
الله اكبر جاء الفرج
وكل ما جات سيارة
نقول هذا اخوي
وتطلع وحده ثانية
وخلص الاذان ومحد جاء
ااااااااااااااااه يارب استرنا
وشويه الا الرجال ياتون من كل حدب وصوب ليذهبون الى الصلاة
وانا وص لصقنا في الجدار
وشويه الا جاء رجال
وقال تبغون احد اناديه لكم
وصحبتي تقرصني يعني اتكلمي
وانا اصلا مافهمت ايش يقول الاخ
وبعدين صحبتي قالت لا لا لا
قال طيب تبغون تليفون
عشان السيارة تجيكم
وصحبتي تقرصني يعني اتكلمي
وانا زي الهبلا قاعدة اضحك
وقالت صحبتي لا لا لا ذحين السيارة تجي
والمهم بعد طول وقفتن في الشارع وفضيحتن بين اللي يسوى واللي مايسوى
جاءنا الفرج
وجاء اخوي وشويه نزلت امي من السيارة عشان تنادينا
واقولها ذحين خرجنا عشان اذن قلنا نستنى (( اصلا مين سالك )) بس مانبغى ننفضح ونصير مسخرة
المهم لما رجعنا توعدنا ع ور
ولما قلنا لـ ع قاعدة تضحك
هذا اللي فالحة فيه
في يوم من الايام لما كنا في المتوسط
وانا وص راجعين من المدرسة قابلنا اختها
ودخلنا كلنا البقالة نشتري
انا اشتريت خلاص وواقفة قدام الباب
وص ماسكة باب الفريزر لاختها
واختها داخلة جوا بنص جسمها تدور لها ايسكريم
وفجاة
اشوف واحد جايي معوق (( استغفر الله ماقصدي تريقة ولكن انا اخاف منهم ))
فصرت اقول صصصصص صصصصص وصحبتي مستغربة ويش بها ذي تصأصه
صصصص مجنوووووون مجنووووون
والا هو داخل وانتو تعرفوا ابواب البقالات ترجع لحالها
والا صحبتي لما شافته سابت باب الفريزر ودبووووووووووج على راس اختها
وقبل ما يرجع الباب لمكانه انا وص شردنا برا
وذحين اختها ماتدري ويش السالفة
وفجاة تطالع حنبها الا هذا الرجال يشيل شيء من جنبها عاد واااااااه
وفريرة برا البقالة وصاحب البقالة ورانا هاتوا الحساب