فضفضة ثلاثينيه

السلام عليكم

بنات يمكن يكون كلامي ملخبط شوي بس تحملونن شوي ميخالف
الحين الزواج قسمه ونصيب لكن البنات اللي تعدن الثلاثين وهن ماانخطبن ابد رغم انهن مثل كل البنات اللي تزوجن يعني ممكن تكون عين قويه ؟؟ يعني وحدتن سليمه معافاه والحمدلله شكل مقبول
وكنها محجوبه عن الانظار طيب ليش 😥😥
والله ي خواتي قمت اوسوس بعمري مهوب معقوله الناس موب شايفيني لهدرجه!!
عارفه بعضكن بتقولي احمدي ربك ع العافيه وادرسي توظفي اشغلي نفسك وووو

مهما البنت انشغلت ف النهايه تبي تتزوج وتعف نفسها تبي تكون زوجه وام 💔💔

وابي اسألكن واحلفكن بالله انكن تقولن الحقيقه
شلون نظرتكن للبنت اللي كبرت ومابعد اعرست ؟ اذا جت سيرتها بسوالفكن تقولن عاد ذي مسكينه عانس للحين مااعرست ؟
لان امي كذا وخالاتي وكل قرايبي وشهوله مسكينه؟ ليش كل هالتحطيم ؟!

طيب شيلوا كلمة عانس موب ذنبنا انو للحين ماتزوجنا وانا ماازعل اذا سمعتها من وحدتن كبيره
عتبي ع المتعلمه الفاهمه وتقول هالكلمه