هلا ام ميثا

شفت موضوعك امس انك تبي تتطلقين ؟؟؟!!!!


وسعي صدرك ....... لاتنسين الحمل والضغط النفسي.....



اقري قرآن وصلي واشتكي لرب العالمين



ولا تنسين سهام الليل



تحياتي

الزيــــــزفون

،،الزيزفون،،،

شو أسوي ياختي هالمرة ظلمه فاق كل الحدود صارله 10 أيام ساكت عني لا ويصارخ بأعلى صوت ويرض البيبان ماشي احترام وأنا ما أتحمل هالتصرفات بصراحة

ويطلع ويسير كل مكان بدون ما يقول حتى تبون شي محتاجين شي!
حاجيات البيت ما يدريبها لأنه ما يكلمني ولا أنا أرضى أنزل نفسي له وبعدين أحس ان الحل الوحيد لمشاكلي وياه الطلاق لأنه يبا يلغيني وأنا مب من النوع اللي أرضى أكون عالهامش عشان أقبل انه يلغيني بعد
قمت حطيته جدام الأمر الواقع وتصرفت كأني مطلقة أطلع وأدخل بدون شور لأنه هو لغى لغة الحوار وفضل الهجر ويوم شافني جيه ثار وقام يضغط علي بالأطفال يعني يحبسهم عنده ويصيحهم لأنهم يبوني أنا بالرغم من انه يغريهم بالحلاوة
لكنهم يبوني لأنهم مؤخراً بعد ما تغيرت معاملته قاموا يخافون منه
وقلبي تم يتقطع على ولدي والبنت بعد يصيحون وهو قافل الباب عليهم يبا يستميلهم بس على منو .. على أمهم

المهم ولدي بعد ما هلك من الصياح وطفر منه أبوه أطلق سراحه بس ما خلى لعنه ما لعنه هالياهل المسكين والبنت نزلها وهي راقدة بيوعها :( تخيلوا من كثر ما صاحت قامت تناشق
وهو طالع من غرفتي كسر الرسيفر وقال يوم بتطلعين بدون شور كل شي بكسره في البيت


وأنا ساكته وحاضنه ولدي
ولكن في قلبي أقول ليش بالله أشاور اللي أعتبره طلقني (لأنه هجرني لا كلام ولا حتى يدخل الغرفة اللي أكون فيها يعني يعاملني معاملة المطلقة)


وبعدين سار فوق

ورجع بعد شوي يراضي ولده ويرشيه بالحلاوة لكن الولد ماخد موقف طول الوقت يقول:"حيوان بابا"

عرفتوا ليش أقولكم ما يصلح زوج ولا أب
والولد يشهد
ها ينفع اب اللي ما رام يكسر راسي أنا يوم تغايظ مني قام يتشطر على اليهال يبا يقطع قلبي عليهم
اللي ما يعرف يتناقش بدون زعيق وبدون ما يطلع عن الموضوع وبدون ما يسكت شوي ويسمع الطرف الثاني

اسمحيلي يا اختي انتي مالك اي نيه اصلاح ولا تبين الامور تستقر بينكم ولا انتي تحاولين
تحلين المشاكل بالعكس كل مشكله تكبرينها تزيدين النار حطب

ثم ان ولدك يقول عن ابيه (((حيوان))) ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ تعلمين لو وحده ثانيه
مطلقه ولا عيالها شافوا ابوهم طول عمرهم اذا واحد من عيالها قال عن خادمه حيوانه تظربه
على فمه لكي لايعيدها .. هالمره ابوه ؟ احد يربي عياله على كره ابوهم ؟ اليوم يقول عن
ابيه حيوان بكره يقولك ويقول لغيرك

اتقي الله زوجك ان كان مقصر فتصرفاتك تخليه يقصر زياده مافيه اي تشجيع على حل المشكله

السلام عليج اختي

و الله اني مقدرة ظروفج وايد .. انا مب معرسة بس حاسة بج و حاسة باللي تعانينه

ريلج مبين عليه كان مدلل من اهله وايد ..
و هذي مشكلة :( ما ادري احس جذيه ,,
على العموم انااشوف انج تكلمين حد من اهله خصوصا اللي تحسين ان لهم تأثير عليه

مثلا الام او الاب .. او اخت يحبها و يحترم رايها
لان حياة مثل هذي ما تطاق
يعني قولي لهم على الاقل هو شو يريد مني و فاله طيب
انا ما اريد اعاند معاه بس بعد انا لي حقوق
و حرام اننا بعد ما يبنا هالاولاد الحلوين نخرب ما بينا على هالمشاكل
و انتي بعد يا اختي لا تحاولين تكونين وايد متشددة معاه
حاولي تراوينه انج تحترمينه و ما تبين تغايظينه
ادري قاهرنج بس انتي خلج دوم على حق و محد يقدر يمسك عليج اي غلط
بعدين ,, خلي سالفة الزعل لان هذي نقطة ضعف عنده صدقيني و لو انه مب مهتم جان ما تضايق و طلع و خلاج مقهورة .. لكن كونه يتصرف هالشكل
معناه انه يبغي يثبت شي .. يبغي يثبت انه الريُال في البيت ,, انزين و هذا حقه
فاهمتني اختي ؟؟ لاتعاندين خذيه بالسياسة ,,
بصراحة ما عندي افكار الحين لكن توني اقرأ الموضوع و تضايقت عشانج
اما اليهال يحليلهم شو هاللي قاعد يسوويه الله يهديه انشالله
اتمنى لج كل خير و الله يا رب ييسر امورج

أنا عندي نفس المشكلة صارلي متزوجة3سنوات ولم أعمل مع أني معي شهادة جامعية لكن زوجي لا يحب المرأة العاملة وأشعر بملل ورتابة وروتين راح يموتني...ماذا افعل؟؟؟