فضفضة زوجة ملانه

السلام عليكم ....

والله أنا من زمان وأنا أفكر في الحياة الزوجية الأسرية كيف ماشية في البيوت ؟؟؟ أنا تربيت في بيت شبه مفكك أمي كانت دايماً مشغولة بالدراسة أولاً وبعدين بعملها وأبوي بالربع والسفرات وآخيرا بالزوجة الثانية الي خطفته :icon33:
وخايفة وايد أتعرض لنفس اللي تعرضت له أمي لأن زوجي شخصيته مثل شخصية أبوي والحمدلله ان شخصيتي تختلف تماماً عن أمي أحس ان لو كنت مثلها لكان من زمان تزوج علي :(

أنا متزوجة ما صار لي 3 سنين وحملت في ثاني شهر من بداية زواجي على طول.. ولدي ألحين عمره سنة و 11 شهر يعني في شهر 6 بيكمل سنتين وأنا حملت ببنتي يوم كان عمره 3 شهور يعني الفرق بينهم سنه بس وعمر بنتي ألحين 10 شهور ولكن حياتي الزوجيه ممله ورتيبه ما أحس اني زوجة مع اني أحاول قد ما أقدر أغير من أطباع زوجي لكن ما فيه فايدة
زوجي من البيت للدوام ومن الدوام للغدا وللنوم وقبل ما نوعى كلنا نلقاه طلع قبل العصر ومن العصر لين 10 في الليل ما نشوفه يقضي كل وقته في القهوه مع الأصحاب ولما يرد بس إطفاء الأنوار والنوم مرة ثانية وهذا الكلام يومياً يعني العادة
ولو يوم طلعنا وياه نطلع غصباً عنه ويكون متضايج ودايما صامت وإذ تكلم بيضارب يقرفني في الطلعه والعيشه كلها :angry:
مع ان زوجي مرح وايد ويا ربعه ويحب الشلل ويحب يتعرف على الناس ومايحب يتم وحيد أبداً لكن يفضل الربع على الأهل حتى أهله ما يزورهم إلا أسبوعياً ومغصوب بعد ....
في البدايه كنا نتضارب وايد بسبب حياته اللي لا تمت إلى الأسرة بصلة لكن ألحين يأست :( أحس اني عايشه على هامش حياته مادري عنه أي شي وشو يفكر ويخطط دايماً أتفاجأ أو أعرف أخباره من برع .. آخر من يعلم


خبروني انتوا عنكم

أولاً من متى انتو متزوجين؟ وكم عندكم أولاد وكم أعمارهم؟؟
شو بروجرام زوجج اليومي؟
متى يوعى وشو يسوي طول اليوم مثلاً بعد الدوام؟
هل يجلس كفاية في البيت وإذا جلس في شو يقضي وقته؟
هل يلاعب الأطفال ويخصص لهم عالأقل ساعه كاملة؟
إذا كان يطلع من البيت بعد الغدا متى يطلع؟ دايماً ولا أحياناً؟؟ ووين يسير؟ ومتى يرد؟
هل يتعشا معاج والأولاد؟
هل يخبرج بكل صغيرة وكبيرة وين سار ووين يا ومنو شاف وشو يبا يسوي باجر؟
وإذا بغيتيه يوديج مكان يوديج بطيب خاطر ولا يتذمر؟
وشو هي نقاط الإتفاق والإختلاف بينكم؟
وأكبر خلاف بينكم كان بسبب شو؟