فضفضه.................

السلام عليكم
شهر مبارك ع الجميع
حابه افضفض لكم لاني محتاجه احد يسمعني تعبت ونفسيتي زززفت
اتوفى زوجي الله يرحمه وانا في العشرينات ودحين داخله الثلاثين ياجماعه حاسه بهم هد حيلي تعبت الي بعمري سفرات وجيات وزوج شايل الهم معاك وانا محبوسه انا وعيالي لي كم سنه اصبر نفسي وأقول بتحمل واربي عيالي لحالي لاكن تمر علي أوقات أتمنى زوجي حي يابنات الي متزوجه لاتتمشكل مع زوجها على أي شي ترا وربي كل أمور الدنيا تاااافهه وماتحسين بكدا لا لما تجلسين انتي وعيالك بحسره لما تتشحدي احد يوصلك مشوار ولما احدد يتمنن عليك بخدمه او تنجبرين تروحي مع سواق ماتعرفيه وانتي ترجفين من الخوف ومجبووووره تتحملين عشان عيالك تقدمو لي كثير لاكن رفضت عشان عيالي أخاف اجيب لهم زوج ام يكرههم حياتهم راح عمري لا انا قادره انسى زوجي ولا انا قادره أعيش واسعد نفسي والله مافتكر اني ضحكت من قلب ولا شي صار يسعدني وربي حتى ضحكي صار بدون إحساس السعاده عايشه مهمشه لا نامو عيالي نمت ولصحو صحيت وبس على التلفزيون او النت الكل تغير معاي اهلي صحباتي بعد ماترملت اتغيرو مادري خايفين على ازواجهم مادري كيف بيفكرون! محد صار يهتم الاهل بيتحملو سنه اثنين بعدين طفشو من طلباتي انا عيالي صرت اغلب اغراضي اروح مع السواق كان زوجي معيشني احلى حياه يكفي انه كان يسمعني ويحس فيني لما اشكيله دحين اضرب راسي بسابع جدار محد سئل في ابكي والله محد يدري عني صرت عصبيه اهلي اعصب عليهم لما احد يغلط على أولاد برغم انهم بس اثنين واكبرهم خمس سنوات لاكن اهلي ماصارو يتحملون شقاوتهم محد بيتحملهم زي ابوهم وامهم دحين بشقه لحالي طبعا اهلي قالو روحي بشقه لحالك انه افظل لك ولعيالك وانا عارفه انهم تعبو مني انا واطفالي وما الومهم بزمن هذا كل واحد يادوب متحمل نفسه كيف بيتحملونا حاولت اشغل نفسي لي كم سنه مللللليت تعبت حتى لما اهتم بنفسي بخار وكريمات مكياج والبس أقول ليش من بيدري عني الي كنت اهمه ويحب يمدح شكلي وكشختي رااااح عندي فراغ عاااطفي فيني غصه وصرررخه وضيقه والله تعبت للأسف مو حاسه احد معاي لا اهل ولا صحبات ليت الغالي يرجع لبيع كل البشر عشانه .... الله يرحمه