عيالي يقطعون قلبي يحسبون كلمة بابا اسم !! يقولو لاخوي الكبير بابا يسمعون عياله وعبالهم اسمه يقولو بابا جاء اموت الف مره صرت ما ابغا اشوف احد ولا اروح لاحد عشان ما حس بنقص وان انا عيالي فيه شي ناقصنا لا خرجات ولا جيات حتى اهلي لما اروح معاهم مشوار كانا طالعين على ظهورهم العيال لايسسون شقاوه بسياره اسكتو ازعجتونا لاتلمسون شي غير أحيان يصارخون عليهم واحيان اروح معاهم عشان عيالي يغيرون جو واحيان ما اخرجهم يجلسون على الشباك يتفرجوون بناس أشياء كثيرررر هذا الي قلته نقطه من بحر الحزن الي اعيشه بعد وفاة زوجي الله يرحمه

الله يفرج همك

بعمري😢
حزنت والله لك بس الله يبعت لك ابن حلال
ياختي تفااااائلي وربك كريم
وبعدين الرجال غير الحريم فيهم رحمه وخوف من الله ونصيحه تزوجي قبل يكبرون عيالك علشان يتعودون على عمهم ومهما كانت عيوبه بسيطه تحمليها المهم وجود رجال
واستغلي سنك ونفسك علشان هذا سلاحك الي تقدرين بيه تكسبين قلب زوجك ان شاء الله جربي منتي خسرانه
وبعدين وش بيسوي بهم بيذبحهم مثلا ؟؟
شيلي الافكار ذي وجربي والله يوفقك

وعليكم السلام ورحمه الله وبركاته
الله يكون بعونك ويفرجها عليك بهالشهر الفضيل ويرحم زوجك
ويطرح لك البركه بعيالك وتفرحي فيهم ان شاء الله ... حبيبتي
المشكله فيك انت مو بالناس ولا اهلك ولا احد الكل عنده مسؤليات
وبيت والتزامات ووقفوا معك سنه سنتين واللي مقدور عليه وانت
حابه تعيشي على ذكرى زوجك الله يرحمه ويرحم امواتنا واموات
المسلمين اجمعين .. ايش تبغيهم يسووا على قولك تقدموا لك كثير
وانت رافضه والسبب اولادك عادهم صغار الله بيرزقك اللي يخاف
الله فيك وفيهم ليش تسدي كل باب ينفتح لك وترد الخير !! استخيري
اطلبي الله وراح تفرج ليش حارمه نفسك وعيالك من كل شي وجالسه
تلطمي وتبكي اهدي وفكري زين واستخيري رب العالمين وماخاب من
استخار .. راجعي حساباتك والحياة ماهى طلعات وسفريات وزيارات
الحياة الفه ومحبه وتراحم وخير بين الزوجين وانت قافله هالباب على
نفسك وبس حتى اهلك يبونك تتزوجي محد مضايق منك ولا من عيالك
هذا قدرك بالحياة بس يمكن مضايقهم موضوع رفضك واصرارك انك
تعيشي الحزن وراح تتعبي كثير وهذه بدايتها انك جالسه تشوفي الكل
بعد عنك صرتي مهمله وتطلبي الاهتمام اجل فكري وشغلي مخك واستخيري
والله يرسل لك ابن الحلال اللي يسعدك ويعوضك انت وعيالك بالخير .. ولا
تزعلي من كلامي احيانا نحتاج احد يقسى علينا عشان نعرف مصلحتنا والعمر
يمضي ودامك صغيرة اتزوجي وتوكلي على الله .. موفقه يارب




" الحمدلله الذي هو بـ العز مذكور وبـ الفخر
مشهور وعلى السراء والضراء مشكور "

حبيبتي لازم تتزرجين صدقيني الرجال موب مثل الحريم انتي بتكونين معاهم طول وقتك مابيقدر يسوي لهم شي انتي حساسه زياده عن اللزوم عااادي اذا اهلك قالو لاطفالك ازعاج او لاتخربون مافيها شي لاتتحسسين من كل شي كل الاطفال اشقياء وبعدين احمدي ربك الف مره اهلك اعطوك شقه مستقله الف وحده تتمنى تعيش لحالها هيا وعيال وتستقل بنفسها بدون واحد او وحده فوقها تتامر وتنافخ وذا بيتي ومدري وش اهلك ناس محترمين وطيبين ويحبونك وخلوك ع راحتك مو عشان يبغىن الفكه منك لا لانهم واثقين فيك ولانهم يبغونك تعيشين مرتاحه وتاخذين راحتك لاتفكرين انك مثقله عليهم انتي وعيالك شيلي هالتفكير من راسك وتزوجي ياقلبي ادا جاك واحد كفو ترا العمر يمشي بسرعه بكره يكبرون عيالك اللي ضحيتي عشانهم ويتزوجون وينشغلون