فضفضه واتمنى منكم الدعاء لي

السلام عليكم كيفكم وحشني المنتدى من زمان عنه
المهم .....
انا متضايقه جدا ومو حابه افضفض لناس اعرفهم عشان الشماته وعشان انا عارفه اني ماراح استفيد من كلامهم شي والموضوع كله مجرد فضفضه
انا متزوجه من 12 سنه مشكلتي الاساسيه والي اكتشفتها من بدايه الزواج وانا حامل بشهر ان زوجي خاين طبعا شي صعب انك تشوفين زوجك الي تموتين فيه يخون ويكلم غيرك وكانت صدمه عمري والي توالت بعدها الصدمات لحد ماصار الوضع بالنسبه لي خلال السنوات هذي كلها عادي خارجيا اما داخليا سبب لي فجوات بالعلاقه وصرت اكرههه كره ولا احب انام معه ابدا ولا استمتع اساسا طبعا صبرت عليه عشان عيالي مو حابه تدمر حياتهم ويتعذبون مع زوجه اب وعشان انا حياتي معاهم ولهم وزوجي شلته من حياتي لسنوات كثيره وتناسيت الخيانه عشان بس اقدر اعيش بدون مشاكل .. انا الحين نفسيتي في الخضيض ربيع عمري راح وانا استنى يحن عليا والا يعطيني وجه او حتى اي شي منه يحسنني اني انثى محتاجه لكلام نابع من القلب بس المشكله اني ماصرت اصدقه مهما يقول ومرت السنين وانا مرات انهار فيها ومرات اقوم على رجولي عشان عيالي الي قاهرني الحين انه على علاقه بوحده متزوجه ويطلع معها وكانه زوجها وكلام غزل في الواتس وكل البرامج الحديثه هي موجوده في عقله وعلى طول يفكر فيها ومرتاح معها جدا بالمقابل انا بس يشوفني يعطيني طاقه سلبيه تنكد عليا اليوم كله دايم يهزئني ويسب حتى قدام الناس والمشكله مو فيني بس هو مذا يستمتع باذلالي معه صرت احس اني انسانه ميته دمر حياتي ومستقبلي ونفسيتي وكل هذا الضغط ياثر على عيالي كان لما يهزئني ارد عليه ونختمها بمشاكل ومن يسكت الثاني بس حسيت ان عيالي تاثروا فبطلت اتكلم وصرت اسكت واتالم من جووووا وبعد مايجي يتعذر مني افهمه ان الي يصير غلط وان لازم يتعامل معي باحترام واخلاق لكن مافي فايده احسه كارهني وقاعد يعبر عن الي بداخله كل يوم مشاكل وضغوط وتهزي لدرجه اني صرت اتمنى اني اخونه واجرحه نفس ماجرحني ومنها اقلها اسمع كلام حلو حتى لو كذب بس بعدها اعرف ان الطريق هذا غلط واتعوذ من الشيطان السالفه كلها لو بيدي كان تطلقت من زمان لان عندي كل الاثباتات انه يخون بس مابغا عيالي يعيشون مشتتين بدون اب او ام بس انا كمان ايش ذنبي اني اعيش مع انسان وصخ زيه بعض الاحيان انهار وابكي وودي اهج من البيت كله طبعا الي تكلمه انا كلمته ومافي فايده رافضه تماما انها تبعد رغم انها تنكر انها على علاقه معه بس كل الصور والرسائل تثبت العكس انا تعبت منهم بس ماقول الا حسبي الله ونعم الوكيل فيها
ادعولي تكفون ان ربي يريح قلبي ويرجع زوجي لي ويهديه ويصبرني على مابلاني
طبعا الكلام مو مرتب لان انا اصلا اكتب وانا اشوف كل حياتي معه وكانها شريط فيديو ويمر قدامي