اخيرا لقيت اللي افضفض لهم -- من بعدربي ---



قصتي تصلح فيلم هندي درجة اولى



انا متزوجة من 15 سنة وعندي 4 اطفال

3 يناموا معاي باغرفة === لوقت كتابة هذا الرد----


تزوجت وسكنت في غرفة في بيت ابوه ومن غير حمام وبقيت ع هالحال 4 سنين

وكل مرة اقوله خلنا نطلع ابغي اخذ راحتي مب قادرة اخذ راحتي حتى اذا بسير الحمام - عزكم الل- لازم امر ع الصالة وطبعا لازم حد من اهله يكون قاعد فيها

وكلما اقوله نطلع يقول زين وبدور شقة وبنطلع ولكنه ياكل بعقلي حلاوة ولا يسوي شيء صبرت وقال اصبري لحد ما الاسكان الحكومي يعطينا بيت او فلوس وصبرت


وبعدها اخوه اشترى بيت وطلع وخذنا غرفته لانفيها حمام وقعدنا فيها تقريبا 8 سنين

ونفس الكلام والادهى ان باب الغرفة يطل ع الصالة يعني اذا كنت في غرفتي وع سريري اكون مكشوفة لكل اهل البيت


وقال اصبري وخلينا نتنتظر الاسكان وصبرت لاني كنت ادرس وقلت بشتغل وبساعده وبنبني بيت العمر اللي العمر خلص ولا شفناه


وصار لي 6 سنوات متخرجةو لالقيت وظيفة


بعدها اخوه اللي اصغر تساعد هو وزوجته واشتروا بيت قديم وسكنوا فيه

طبعا هالفترة كلها مشاكل بين عيالي وعيال اخوه و زوجة اخوه ما كانت تقصر بالكلام اللي يسم


وصبرت والصبر مل مني وكنت ابكي عند زوجي واشتكي له الحال لكنه كان يقول اصبري هم بيطلعون قلت له ليش هم يطلعون ليش نحن ما نطلع

وصار وطلعوا هم لان ظروفهم احسن منا

وطبعا فضت غرفتهم اللي هي بالاساس مجلس رجال وهي كبيرة جدا وجانبية

في البداية رفضت اسكن فيها وطالبته ببيت خاص ونفس الموال وصبرت

ورضيت بالواقع المرير وسكنت بالغرفة وغرفتي القديمة خليتها لاولادي


وتطلقت اخته وجت وسكنت معانا طبعا مافي غرفة فاضية لها

فغصبا عنا فضينا غرفة اولا دي عشان اخته واولادها يقعدوا فيها

واخته الله يسامحها حساسة جدا تزعل من اي شيء وع اي شيء

اذا واحد من عيالي قال كلمة حتى لو طفل ترد عليه بعشر و

تضرب عيالي وانا ساكتة ما ابغي مشاكل

لان امه وابوه - ماشاء الله ناس طيبين ويحبوني ويحبون عيالي --

فعشان خاطرهم انا اسكت عنها وابكي لحالي واشتكي لزوجي ويقول هذي وحدة عقلها صغير

سافرنا في الصيف لصلالة وجت معانا وطول الوقت تحن وتزن ولا يعجبها شي ابدا

والمصيبة خلوها معاي في نفس الفيلا و اخوه الاكبر سكن في شقة ثانية وبعيدة

قلت لزوجي في خاطري شوية استقلالية وخصوصية

وطبعا يوميا مشاكل الاطفال ما تخلص بين ولدها وولدي

الى وقت الرجوع للبلاد ولدها ضرب بنتي فقمت وضربته انا ع الخفيف

فنطت وقالت ليش ضربتي ولدي قلت لها انتي تضربين عيالي بكل قوتك وانا ما اقول شيء

قالت لا انتي ضربتي ولدي وقامت تزاعج وتضرب ولدها وتسبه وتدعي عليه ----للعم ولدها عمره 5 سنين بس ما يحب يقعد عنده كل يحب يسير عند عماته لانهم ما يضربونه ويدلعونه ---


المهم ياطويلات العمر ركبت السيارة وانا اصيح واقول لزوجي اول ما نوصل البلاد تدور لك ع بيت لاني تعبت بصراحة

وابغي استقل وطبعا نفس موال الاسكان


والله كل يوم تضرب بنتي وولدي الصغار 2و 4 سنوات


بس شكله زوجي ما بياخذ له بيت الا اذا انا سويت مشاكل مع اخته والا غير هذا ما لي امل في الاستقلالية


دعواتكم ان الله يفرجها علينا ببيت وارتاح

متندمه اني ماشديت حيلي في السنوات الاولى من الجامعه والحين اكلتها عدل :(

الحين سنه رابعه وماراح اتخرج الا السنه الجايه والله في قلبي حسرهـ :(


الله يفرج همي يارب وهم كل مسـلمه ..

الله يوفقكم ادعولي بالوظيفه محتاجتها ووالله اللي يشوف مصايب غيره تهون عليه مصيبته الله يهونها علي وعليكم يااخواتي

يااخت خفيفة دم انا من اليوم وطالع اعتبرينى صديقتك واكثر واتشرف بان اكون صديقتك

صباااااااااااااااااااح الخير

ماعليش اخواتي ماقدرت ادخل اليوم لانى مشغوله شوى


مااقدر اقول لكم الا الله الله بالصبر والاستغفار والحمدلله على كل حااااااااااااااااااااااااااااااااال


يااااااااااااااااااااااااااااااارب تسهل امورهم وتوفقهم دنيا واخره