آآآآآآآآآه بس ...

مارح افرش سفرتي و افرج علي اللي يسوى و اللي مااايسوووى

كل اللي اقووله

الله كريييييييييييييييم يابناااااااات

آآآآآآآآآآآآآآآآآآآآآآآآآه بــــــــــــــــــــس ,,أقسم بالله كانك تتكلمين عني

الله يفرجها علينا ,,

موضوع جه في وقته.. صار لي فترة ابي افضفض و ما يصير عندي وقت..

انا مشاكلي مشاكل.. تارستني من راسي لرجولي.. لكن لا تخافون بافضفض لكم عن المشكلة اللي احس انها بالفعل قلبت حياتي فوق تحت و غيرتني 360 درجة...

مشكلتي اني تزوجت من برى ديرتي.. في ديرة ما اعرف فيها اي احد غير اهل زوجي و بس.. ما باطولها عليكم.. من قبل لا اتزوج و انا حاسة انه اهل زوجي كارهيني و كان لهم كم موقف يعورون القلب معاي دلوا على هالشيء... بس انا كنت امشي علشان خاطر زوجي.. و اللي الحمدلله هو الوحيد اللي بقى لي حاليا بعد الله... حاولت المستحيل و ما خليت اي شيء ما سويته عشان بس اكسبهم لكن الظاهر انهم كانوا مقررين و صاادرين الحكم و منتهين من الموضوع من زمان..

ما لكم بالطويلة.. طبعا علاقة بهالشكل كان لازم تنتهي بالقطيعة التامة في النهاية... :(

اللي صار يا بنات احس ان تجربتي الفاشلة مع اهل زوجي هزتني بقوة من داخلي... غيرتني وااايد وااايد عن قبل... ما اعرف ليش؟؟!! مع انها مو اول مشكلة تمر علي في حياتي.. مريت بمشاكل كثيره من قبل منها انفصال امي و ابوي.. بس و الله و الله ما قط اثرت علي كثر مشكلتي مع اهل زوجي...

يمكن لاني في غربة... يمكن لان عندي مشاكل كبيرة جدا و معقدة في غربتي و اللي بسببها مو قادرة اشوف اهلي و ناسي من اول ما تزوجت :( و المصيبة اهل زوجي عارفين كل مشاكلي... و كأني ناقصتهم هم بعد...

ما تتخيلون يا بنات اشكثر اتألم لما اتذكر روحي قبل شلون كنت.. كنت بشوشة و الابتسامة ما تفارق ويهي.. و الله القعدات كانت ما تحلو الا بوجود ام جاورس فيها... و كانوا يطلبوني طلب بالاسم... و معظم صديقاتي كانوا ما يصدقون اني عندي مشاكل عائلية لراسي.. بس هم كنت على طول سعيدة و فرحانة.. هذا غير ان كل الناس كانت تلجأ لي في حل مشاكلها و احس اني كنت اقرب لربي بوااايد.. مو نفس الحين ادعي و قلبي مو معاي..اصلي و انا في دنيا ثاااانية... احس روحي مشوشة و ضايعة و في ملكوت غيررر....

المشكلة يا بنات انه معظم الناس اللي يعرفوني من قبل الزواج.. عبالهم اني للحين مثل قبل.. عبالهم اني بعدني ام جاورس البشوشة الضحوكة حلالة المشاكل... هذا غير ان بعضهم ماخذيني قدوة ما ادري على شنو...

احس اهل زوجي شوهوني من داخل.. صرت مشوهه و فقدت جمال روحي.. احسهم خذوا مني شيء جميل و حلووووو ... و عطوني بداله شيء كريه ما اعرف اوصفه... هذا غير القولون اللي ذابحني ليل و نهار بسببهم.. :( و الله احس اني كبرت و صرت كأني عجووووز عمري 80 سنة من الهم و الغم اللي انا فيه...

صرت منطوية و انعزالية و ما احب الناس... كله قاعدة في بيتي .. احس الوحدة قاعدة تاكلني و تنهشني و انا مو بيدي شيء.. عكس قبل .. كنت اكثر وحدة في اخواتي لي صديقات و معارف كثيرين... لما نطلع مكان ما تشوفون ام جاورس الا تسلم على هذي و تحيي ذيك و تسأل عن هذي ..كنت احب الزيارات و القعدات و شوفة الناس.. كنت غير غير بكل معنى الكلمة.. صرت شخص ثاااني...

استغرب شلون كل الناس اللي مروا علي في حياتي حبوني و تعلقوا فيني .. حتى اذا حد شافني مرة وحدة بس .. ما ينساني ابدا .. الا اهل زوجي.. من قبل لا يعرفوني كانوا كارهيني... :( حتى ما انسى تعليق وحدة من صديقاتي قاعدة تسألني عن علاقتي بأهل زوجي و انا سكت ما رديت و لا علقت.. بس هي كملت و قالت لي : أكيددددد يموتون عليج و الا فيه عاقل في هالدنيا ما يموت في ام جاورس... آآآآآآآآآآآآه يا بنات و الله كان ودي اخذها من يدها و اوديها لاهل زوجي عشان يسمعون راي الناس فيني من الناس نفسهم مو مني..... :(

آآآآآآآآه يا بنات ...احس اني فقدت السعادة.. شلون اكون سعيدة و انا كله محبوسة بين اربع جدران؟؟... و حتى اذا اطلع ما اروح عند احد و اكون على طول خايفة لا يطلع حد من اهل زوجي في ويهي :(.. ما عندي ربع و لا صديقات... ما اعرف اي حد في الديرة.. و الديرة اللي احنا فيها صعب جدا جدا انج تكونين علاقات فيها .. صرت انتظر زيارة اهلي او صديقاتي لي مثل الطفل اللي ينتظر شوفة امه بعد غياب.. و يا ليتهم يطولون :( كلها يوم او يومين او بالكثير اسبوع و يخلوني..

ابي اعرف يا بنات... شلون استرجع شخصيتي الاولانية؟؟؟ ابي ارجع اضحك من قلبي و اساعد الناس ( مو مثل الحين ما لي خلق اي احد) ... ابي استرجع جمال روحي.. روحي كانت جميلة و الحين تشوهت.. تهقون اقدر ارجعها مثل قبل؟؟

دايما اقرر اني ابدي الاستغفار و الدعاء ... و بالفعل ابدي لكن ما ادري شنو ينزل علي و اكسل... الحين بديت مرة ثانية...و الله يسهل علي و اقدر اروح لاهلي... و الله انه زوجي من كثر المشاكل اللي صارت صار حتى ما عنده مانع انه يروح يعيش معاي في ديرتي لانه خلاص غسل يده من اهله :( بس ادعوا لنا يا بنات... و الله محتاجة دعوة كل وحدة فيكم...

حتى لو ما كتبتوا لي دعوة او تعليق... بس تكفون ادعوا لي في داخلكم... و مو بس لما تقرون الموضوع.. اتمنى تذكروني في صلاتكم و دعاؤكم دايما ..

و الله يفرجها علي و على كل الخوات اللي في ضيقة...

ام جاورس مدام زوجك راضي يعيش معك عند اهلك وش تنتظرين روحي قوليله الفكره روحي لاهلك وعيشي بديرتك

عند اهلك وناسك وش مجلسك بين اربع جدران والله الحقي عمرك قبل لايجيك مرض اقوى من القولون

اقل شي تكونين مرتاحه بين اهلك وناسك

ذكرت لج اختي.. عندنا مشاكل لازم نحلها عشان نقدر نطلع و نستقر في ديرتي.. :44:

لا تنسيني في دعاج حبيبتي...

موفقة ،،