فضيحـــــــــتي بين الطــــــــــــــــــالبات

ومو اي فضيحه والله يا فشلي خخخخخخخخخ


سمعت عن نسيت حتى اسمه
<<<- -- قال ابلى قال


ذيك الطريقه اللي تجيبن شوكلاته مكشوفه وشوكلاته مفتوحه وتوزعينها بين الطالبات وتشوفين وش يختارون


وتربطين بعدها بالحجاب والستر ووووو


المهم جبت شوكلاته غاليه ودخلت على بنات في حصه احتياط وصدقت حالي اني معلمه
وزعت الشكولاته



الله .. ايه ده .. مش ممكن


البنات اخذوا الشكولاته المكشوفه


لا لا يمكن لان شكلها مغري شوي ؟؟؟


يمكن لاني جايبتها من سعد الدين خخخخخخخخخخخخخ

ياربي الحين وش اسوي وش اربط وش اخربط



قالو البنات وش المناسبه يا ابلى ؟؟

قلت عشان العام الدراسي الجديد خخخخخخخخخخخخخ
المفروض هم يجبون مو انا






طيب اليوم الثاني قلت يا بنت لا تستسلمين

جربي بس بتغير شوي في الخطه




جبت شوكلاته غاليه مغلفه
وجبت شكولاته خايسه مرررره اللي كنك تقرضين سكر مكشوفه
لا وبعد شهبا

قلت اما بتغري هالبنات هالشكولاته المكشوفه والله ماتغري ولا الـــبس ( الكتوه على قوله حليمه ) خخخخخخخخخخخخخ




رحت للمساعده
<<<<--- معذبه المساعده


قلت مافيه حصه احتياط


قالت الا عند ثالث ثانوي الحصه الفلانيه وتقلعي عني انتي وقشك مره ثانيه ابرسل لك الدفتر خخخخخخخخخخخ





دخلت الحصه



وبديت اوزع الشكولاته وانا قلبي يرجد من هالطالبات خخخخخخ كبار ويخوفون وطولهم فوق 170 وانا وش حليلي زين ان تعديت 155



بديت اوزع وادور واوزع ابتسامات مثل البلهاء



يالهوي .. ايه ده ... مش ممكن .. لا مش ممكن حقيقي .. الحب الحقيقي
<<<<-- خبط راسها




وش ذا وجع .. ايه اخذوا شكولاته مكشوفه


يمال الغنيمه يعني اني ماني مشفوحه وماعمري شفت شوكلاته الغاليه
ياخذون هالخايس ويحطونه على الطاولات




ادري ادري يابنات مايحتاج تقولون وش المناسبه .. المناسبه ان اخوي جاب بنت

<<<<<<<<<<- ----- ماعندها اخوان عيال خخخخخخخخخخ




ايه تصريفه الله المستعان











:06: