اللهم بلغنا رمضان ونحن والامه الاسلاميه بخير وتقبل منا وفرج لاخواننا في سوريا
لي فتره وانا احاول اضبط فطاير زي فطاير المطاعم ما احب العجين الكثير الله لا يغير علينا
والحمد لله ضبطتها وجت على طلبي مقرمشه ورقيقه ولذيذه
المقادير •••
علبة زبادي
ملعقه خميره
ثلاث ملاعق حليب جاف
ثلاث ملاعق زبده
3 ملاعق صغيره نشاء
غطاء خل ابيض
ثلاث ارباع فنجال سكر
شويات ملح
كاس وربع ماء دافي
تخلط ويضاف الدقيق بالتدريج وما تكون لينه حيل
تخمر لمده نص ساعه
تكور وتفرد على دقيق و حاولت انها تكون رقيقه وتحشى وتسفط على الجوانب
الحشوه على حسب الذوق وانتم ابدعوا
حطيت جبنه بيضاء و بقدونس
و الثانيه جبن شرايح
وناويه المره الثانيه ان شاء الله برمضان
جبن شيدر و فلفل حار
وحطيتها على الصاج وتحمرت من تحت حطيتهن على اطراف الصاج عشان ما يحترقن
واخر شي بالفرن من فوق
اذا اعجبك موضوعي
دعواتك للمسلمين بالنصر والفرج العاجل
خاصه ان هالفطاير من ارض الشام الله ينصرهم
اللهم ان أردت بقوم فتنه فخُذني اليك غير مفتونه بحسن ختام