هلا ام نونا وكل عام وانت بخير اما عن العيد الحمدلله مستعدين له من كل ناحيه ههههههه انت شلونك والعيال وام دحومي اختفت الله يسهل امورها اما عن التصوير انا كنت مصوره كل واحد بروحه ومسحته حسيتهم كثير من السنع الواجد الحلا للقهوه ترى هو كرات صغيره مدري شفيه التصوير قلبهم شكبرهم اسمه بروفت رولز
كوب وربع ماء كوب طحين نص كوب زبده - فانيلا- 3 بيضات انا احط ثنتين احسه كافي وانتو براحتكم قليل من السكر- رشه ملح
اغلي الماء والسكر والزبد وارفعيه من النار وحطي الطحين وانخليه اول وحركيه بالملعقه الخشبيه ورديه شوي مع وضع الفانيلا والملح وارفعيه عن النار الى ان يبرد جيدا وحطي البيض وبعدين تسوينه كور صغيره وبالفرن وتطلعينهم وتحشينهم بالكريمه

هذي السلطهhttp://forum.hawaaworld.com/showthread.php?t=293684
والي بعده للغمامه معروف والمعجنات للاخت شمس واقسمهم نصهم بحقت اتلكب كيك ونص فطاير عاديه وحشوات مشكله الجبن بالبقدونس او النعناع السبانخ النقانق والكرافت جبن الموزيرلا شرائح مع الاوريغانوا وبيتزا والمعكرونه هذي
معكرونه لذيذه
المقادير
معكرونه مسلوقه
دجاج مفروم
جبن مبشور موزاريلا
خضار منوعه اللي تبينه
بقدونس مفروم
جبن كرافت السائل حجم 240
علبتين قشطه
3 ملاعق مايونيز

الطريقه
عقب ماسلقنا المعكرونه بشويه ملح
نحط المعكرونه بصينيه الفرن ونخلط معاها نص بياله شاي زيت وملعقه صغيره كموون ونرشها بشويه جبن مبشور ونخلطهم ونخليهم على حنب

نقطع الخضار الى احجاج صغيره او شرايح اللي تبينه انا اقطعهم صغار
وعقب نحمسهم بشويه زيت على النار لين مالخضار تذوب

نوزعها على المعكرونه

نجي للدجاج
نفرم بصل وثوم مدقوق ونحمسهم بشويه زيت ونحط عقب الدجاج المفروم وملح وبهارات وكمون
ولين مايتلطون عدل نضيفهم فوق المعكرونه والخضار
ونساوي السطح

وعقب نخلط الجبن والقشطه والمايونيز والبقدونس وشويه جبن مبشور مع بعض ونضيف عليهم البقدونس واقل من فنجان ماي
ونصب الخليط على وجه الصينيه ونرشها بشويه جبن مبشور وندخلها الفرن وهذا الرابط
http://forum.hawaaworld.com/showthread.php?t=389851
اما السمبوسه عاديه بعجينه السويتز احطها باللبن او البيض وطحين واقليها
كيكه التيراميسو لدردشه وهذا الرابط http://forum.hawaaworld.com/showthread.php?t=227575&page=100&pp=10

دويمه كيف قطعتي طبق الغمامه اللي بالتوست انا لما اجي اقطعه يخرب ويطلع غير مرتب واللي اشوفه عندك ما شاء الله مرتب وتمام التمام

هلا اختي انا اسويها بكثره اقصصها كذي ما تخرب معاي يمكن تقصصيها واهي حاره حيل جربي تبرد شوي انا اقصصها حاره عادي واقصصها بسكينه كبيره مو صغيره ان شاء افدتك بشى واهم شى كثره البقصمات هي الي تخليها تتماسك اعذريني اختي هذا الي اعرفه

ياعيني عليك يام نونا ماشاء الله انا اسويه بعض المرات ينجح ومرات ينهرس اقصد الخضار وقمت ما اسوي المحشي كل شغلك ما عليه كلام والله الله يبارك فيك