جولانار (^_^) :

السلام عليكم ماشاء الله تبارك الرحمن منظرها رووووووووووعه تبارك الخالق كأنها جاهزه واعتقد تصلح بعد للتوست والصمون شكلها هش ماشاء الله مشكوره على الوصفه ماقصرتي بميزان اعمالج

السلام عليكم ماشاء الله تبارك الرحمن منظرها رووووووووووعه تبارك الخالق كأنها جاهزه واعتقد تصلح...

امة الخالق :

السلام عليكم ورحمة الله وبركاته شوف يا ستي بالنسبه للزبده تبقي بين البينين يعني مش مثلجه علي الاخر ومش سايحه بحيث انك تقدري تقطعيها حتت صغيره يعني سيبيها تقريبا اقل من حراره المطبخ شويه صغيرين ومقدارها اللي هو صابع زبده تقريبا ، او نص كوبايه ( نفس الكوبايه اللي هانعاير بيها الدقيق واللبن ) ومش باحط مايه في العجن السوايل هي اللبن والبيض بس ، الاول بنحط الزبده اللي مقطعينها حتت صغيره ونقلبها كويس وبعدين النص التاني من مقدار الدقيق بالتدريج ( كبشه كبشه بايدك ) وتعجني كويس بعد كل مره لحد ما تلاقيها بقت معاكي عجينه مافيهاش كلاكيع وملساء ومش ناشفه تنفع تتفرد بسهوله ( الزبده كلها بتكون امتزجت بالتساوي وماعدتش باينه ) ، ممكن تاخدي المقدار كله او اقل شويه علي حسب العجينه اللي قدامك بس عمرها ماقلت عن كوبايتين ونص معلش انا راجعت المقادير لقيتني كاتبه نص كوب لبن وهو واحد ونص كوب معلش غلطة مطبعيه :) بالنسبه للخبز بيكون علي درجة حراره متوسطه لمدة 30 الي 45 دقيقه في الرف الوسطاني و تلفيها بعد حوالي تلت ساعه عشان تبقي مستويه كويس من الجهتين وواخده نفس اللون مش عارفه موضوع الفريزر ده عمري ما جربته معاها ممكن تقللي الكميه للنص لو مش عاوزه تعمليها كلها او جربي وقوليلنا علي النتيجه :)) عارفه كمان انها ممكن تتعمل بعجينه الباف باستري برضو بتطلع كويسه جدا ومورقه وطعمها جميل بس بيني وبينك انا بازهق من عمايل الباف باستري بتاخد شغل ووقت كتير فابستسهل دي ان شاء الله تعمليها وتطلع حلوه وتعجبك جوزك سلام يا قمر -------------------------

السلام عليكم ورحمة الله وبركاته شوف يا ستي بالنسبه للزبده تبقي بين البينين يعني مش مثلجه علي...

مميزات :

تسلمى يا قمر على الاجابة الوافية انا من طريقة كلامك حاسة انك من مصر انا عندى سؤال عن الجبنة الكريمة هى بتكون من غير ملح خالص ؟ طيب بتتباع معلبة ولا بالكيلو ؟يعنى ممكن استخدم جبنة كيرى مثلا؟ولا اشتريها منين ؟ طبعا انا دوشتك معلش استحملينى وكله بثوابه.

تسلمى يا قمر على الاجابة الوافية انا من طريقة كلامك حاسة انك من مصر انا عندى سؤال عن الجبنة...

امة الخالق :

اهلا مميزات اخبارك ايه ؟ ايوه يا قمر انا من مصر بالنسبه للجبنه الكريمه يا اما تستخدمي كيري او بريزيدون اللي في الكوباية الزرقاء وفيه برضو جبنة المراعي ( السعودية المستورده ) اللي في الكوباية الزرقاء وتحت امرك في اي استفسار

اهلا مميزات اخبارك ايه ؟ ايوه يا قمر انا من مصر بالنسبه للجبنه الكريمه يا اما تستخدمي كيري او...