السلام عليكم ورحمة الله وبركاته
شوف يا ستي
بالنسبه للزبده تبقي بين البينين يعني مش مثلجه علي الاخر ومش سايحه
بحيث انك تقدري تقطعيها حتت صغيره يعني سيبيها تقريبا اقل من حراره
المطبخ شويه صغيرين
ومقدارها اللي هو صابع زبده تقريبا ، او نص كوبايه ( نفس الكوبايه اللي هانعاير بيها الدقيق واللبن )
ومش باحط مايه في العجن السوايل هي اللبن والبيض بس ، الاول بنحط الزبده اللي مقطعينها
حتت صغيره ونقلبها كويس وبعدين النص التاني من مقدار الدقيق
بالتدريج ( كبشه كبشه بايدك ) وتعجني كويس بعد كل مره لحد ما تلاقيها بقت معاكي عجينه
مافيهاش كلاكيع وملساء ومش ناشفه تنفع تتفرد بسهوله
( الزبده كلها بتكون امتزجت بالتساوي وماعدتش باينه )
، ممكن تاخدي المقدار كله او اقل شويه علي حسب العجينه اللي قدامك
بس عمرها ماقلت عن كوبايتين ونص
معلش انا راجعت المقادير لقيتني كاتبه نص كوب لبن وهو واحد ونص كوب
معلش غلطة مطبعيه :)
بالنسبه للخبز بيكون علي درجة حراره متوسطه لمدة 30 الي 45 دقيقه
في الرف الوسطاني و تلفيها بعد حوالي تلت ساعه عشان تبقي مستويه
كويس من الجهتين وواخده نفس اللون
مش عارفه موضوع الفريزر ده عمري ما جربته معاها ممكن تقللي الكميه للنص
لو مش عاوزه تعمليها كلها او جربي وقوليلنا علي النتيجه :))
عارفه كمان انها ممكن تتعمل بعجينه الباف باستري برضو بتطلع كويسه جدا ومورقه وطعمها جميل
بس بيني وبينك انا بازهق من عمايل الباف باستري بتاخد شغل ووقت كتير فابستسهل دي
ان شاء الله تعمليها وتطلع حلوه وتعجبك جوزك
سلام يا قمر
-------------------------
السلام عليكم ورحمة الله وبركاته
شوف يا ستي
بالنسبه للزبده تبقي بين البينين يعني مش مثلجه علي...
الاميره
ربنا يخليك منوراني ويارب الوصفه تعجبك
وعليكم السلام ورحمة الله وبركاته
مرسي علي ذوقك يا قمر
وايوه ممكن تتعمل منها اي معجنات اني عوزاها وممكن يتعمل منها الخليه والبيتزا واي حاجه تانيه
vox555
اهلا وسهلا منوراني مرسي علي ذوقك
سلامي للجميع