كل عام وانتوا بخير ياغاليات 💐
اليوم حبيت اوريكم وحده من سفري الرمضانيه
وكانت عباره عن :
تمر . خلية نحل . فطاير جبن وفطاير لحم . جبنيه . سمبوسة لحم وجبن . طبعا بالاضافه الى العصيرات
لكن للاسف ماصورتها 😅
بقول لكم طريقة العجينة اللي معتمدتها عندي
سويت فيها كل من . الفطاير . وخلية النحل .
جدا روووووعه وهشه وخفيفه .
مقادير العجينه :
4 كاسات طحين
4 ملاعق حليب بودره
2 م ط سكر
بيالة زيت
1م ط خميره
كاس ماء دافي
الطريقه :
تضعين الطحين وحليب البودره والسكر والزيت وتخلطينهم تضيفين اخميره في كاس المويه الدافيه وتخلطينهم زين واعجنيهم لما تتكون عندك عجينه متماسكه ماتلصق . خليها تتخمر ساعه وابدي اشتغلي فيها .
الخليه : تاخذين من العجين كوره تضعين فيها قطعة جبن كيري او مثلث وتكورينها وتصعينها في صينية مدهونه بزيت كوره كوره لما تنتهين تضعينها في الفرن
من تحت بعدها من فوق لما تتحمر من فوق تصبي فوقها شيره وتضعينها في صحون التقديم .
الفطاير :
حشوة اللحم اكشن بصل مع زيت زيتون اضيف اللحم المفروم اضيف ملح كمون م ط معجون طماط واحركهم بعدها افرم بقدونس كزبره واضيفها واحركهم اخليها لما تتسبك بعدها افرد العجينه واحشيها اللحم .
الجبن : جبن البقرات ممكن ساده او تقطعي نعناع وتخلطيه مع الجبن وتحشينه .
تشغلين الفرن بعد ماتدهنيها من فوق بيض من تحت بعدها تتمر من فوق .
الجبنيه :
كوبين ونص دقيق
م كبيره خميره وم ك سكر
م ك بيكنج بودر ( انا حطيت م ص )
م ص فانيليا
ربع كوب زيت
ربع كوب حليب بودره
ربع كوب جبنة سايله اي نوع تحبيه
بيضه . نص كوب ماء دافي
الطريقه :
تخلطينهم سوا وتخلينها تتخمر ساعه وابدي شكليها واقليها وصبي عليها عسل او شيره ..
السمبوسة . كانت جاهزه ومعروفه 😂
وهذي الصور ايضا :
اتمنى تكون مشاركتي اعجبتكم ياحلوات في امان الله 😘😘