( فــ....ـــلــ....ـــة حــ...ـــجـــ...ـــاااج )

السلامـ عليكمـ ورحمة اللهـ وبركاتهـ





شخــــبارتكم يالربايع .. شعلونكم < اوريكم اني منشوله شوي




أتشـــــــوووؤؤؤ < الحمد لله




شلونكـــمــ لا شاان اللهـ لونكمـ




.. خبري فيكم من قريتم عنوان الماضوع < والعزابيه جايات

يتطايرن ؟.؟. وهذا غير المعرسات وصاحبات الكروش




ادري فيكم ودكم بسعة الصدر وفله الحجااج




خخخخخخخ




طيب وقفو بالصف كلكم راح تعرفون وش بقول .. هههههه




المرااد نجـــي للماضوع ..؟..




على طاري الماضوع طرى علي وحدتن الله يذكرها بالاخيير




لا بغت تسولف لنا سالفه << تجيب لكم خمسطعشرين سالفه بسالفه وحده





لا اله اله الا الله << اسم الله عليها




لاتنطرم ويقول ( شقوحه ) اطرمتهاا






بــــريه بـــــريه من شرهاا





على طاري بريه < هذي وحده من الجماعه المهم




لا جابت بسيرة احد والعياذ بالله < ولا سمعت شين ماعجبها




فتحت التيربو << وجمعتها لكم ياكبرها وقامت < تف تف تف




ولاتطلع بصبعها سعبوله وتحطها اخر رجلها < كأنها بالحركه ذي تخلت من شرها




ياربي دخلك




على طاري الشر< خخخخخ لا اكذب ماعندي شي




الا بنشدكم مو كني صرت خويتنا ذيك الللي تجمع لها خمطشعشرين سالفه




ههه شفتم تعلمو ضكت عليها وصرت زيها < يقلكم لا تضحك الا على مصلي صواام




على طاري الضحك < خخخ خلاص اخر سلفه وادخل بالماضوغ دغري




هذا سالفتن صارت لي .. أي انا .. لا تاظروني كني باكذب يشهد

علي اللي خلقني .. اني انا راعيه السالفه .. لاقال ولا قيل .. ولا وكاله كونا




المـــرااد




مرات من المره .. كنت جالسه لا استغفر الله كنت ماشيه < يوخيه انا وش كنت اسوي بذيك اللحظه




المهم خلاص اتفق مجمع العشيره اني ( كنت منبطحه قدام التلفااز )




وكنت أشاهد برنامج وثائقي < اخص يالمثقفه




و اسوي يوخيكم لا فلحت بدراسه ولا هم يحزنون قلت اثقف عمري بعمري




على طاري التثقيف . هذي وحده من خوياتي عزابيه نفسي < نحسب ولله حسيبها




كأن محد عزابي بالدنيا ذي غيرهاا ؟




أي خويتي العزابيه .. تقول لا تجمعوا خواتي المعرساات كل يوم

خميس تقول تلاقيني .. لاصقتن لهم .. واتسمع من الاهروج




الي تذم حمولتها .. واللي رجلها .. واللي صديقاتها بدوام .. تقول انا

تلاقيني اخر الزاويه واذني .. تلاقط مني ومناك > كأني راداار بلتقط أي شي




تقولين لين بالاخير حست عليها وحده من خواتها .. تقول وحنا مسمينها الحاسه السادسه




تقول وهي تلفت علي وتقول : يمال الغضر وش مجلسك عندنا




مادرت لا وجهه خويتي يتصادفق > مرج قلبها < وتقول وخنفرت ومدري وش جاني والدنيا صارت حرر < انكشفت الخطه





تقول وبدون شعور طلع مني هالكلمه : أأمـــــن مستقبلي < يقالك بتاخذ خبره بالحياة




خخخخخخخخخخخخخخخخخخخخ





اشوف ليه كل ماكلمتها الساعه 6 المغرب من يوم الخميس تقول اكلمج بكرى





أثر القرمه < تأمن المستقبل




.. مالت علي ولا طرت على بالي هالفكره > من بكرى بنفذها





فما تحتاجون وصاات اللحين < من تشوفين اخت لكم عزابيه < برىا




ياويلي من خوياتي العزابيات < فتنت عليهم



هذا وانا مناصرتهم





أي نجي لموضوعنا < بس انا كأني خرتها ودخلت موضوع بموضوع





أي .. نسيت موضوع على طاري الضحك .. وين وصلنا



أي عليكم نور





على طاري نور .. وش هالخبال اللي طالع لنا اليومين << خخخخخخخخ خلاص معاد انا متكلمه ولا قايلتن شي بختم لماضوع





ههه





أي يوم اني منبطحه ولا يطلع لي بالبرنامج .. استغفر الله



بنت < ماني متكلمه وش فيها




انا الله يسامحني .. وزني بليس جتني فيه .. وضحكت عليهاا .. ولا

ماخطيت من الصاله لمطبخنا .. ومريت على غرفتي .. وعقبها

كلمت خويتي .. ورحت لاختي اجننها .. نزلت تحت ونمت بغرفه

امي .. وقمت الصبح < الا الشغله اللي ضحكت عليها بالبنت طلعت فيني





تهي اهي تهي اهي





شفتوا فلا تضحكون الا على وحده جسمها حلو ومزيونه < لا شفتيها موتي ضحكت





كود ربي يبليك وتصيرن نفسها




مع ان امي دوم تقول لي تجبر بخاطري لاخليت منها





( الزين وانا امك غسال ايدين ) هالله هالله < تحاول ترفع معنوياتي




مع ان لو يجيبون ونش يرفعها بيعجز عنها < تهي تهي




اخيرا ابشركم وصلنا لموضوعنــــــــا ..؟..




هذي سالفت شايب < الله يهديهـ




يقول .. باني له مسجد قريب يم بيته .. ويقولك حارتهم ذي كلهم
قبيله




يعني جيرانهم .. هم عيال عمهم وعمانهم وخوالهم




يعني جمااعه




ويقولك شايبهم هذا




دوم يصلي فيهم .. من الفجر لين العشاء < الله يجزااه الجنه




يقولون ومعهم من هم احق منه .. يعني مطاوعه ومشايخ .. بس

صابرين وش يسوون ابوهم




والشايب هذا .. مايقرى لا صلى فيهم غير .. سوره الفاتحه .. وسوره الاخلاص




وهذا هو .. ابن الحلال .. عليهم حول الست شهور





يقول لين فاض الكيل بحفيده .. ولله انه طير شلوى




جاه كان يقول : ياجدي انت منت حافظ غير هالسورتين .. المساجد الثانيه ختموا القران وحنا مابعد خلصنا وجهه





يقول .. وهو يتنهزه : يشهق .. لانعربو حيك الباقي مخلينه لاجونا الاجنااب



هههه





الله يهديه مسوي يبي يتجمل فيهم عند الاجناب .. وعند عياله وبنا

أخيه .. مغير الفاتحه والاخلاص




عليهم سوالف الشيااب





على طاري الشيااب .. ذكرتي سالفه شايبن فصله




يقولك في شايبن ..




ايام أول الشديد والرحال .. يقول وهاك السنه صكهم جفاف




وماعندهم في بيتهم ماياكلونه




يوم دخل بيته .. ولا يشوف ورعانه .. متحافذين بكل صوب ذبحهم الجوع





وهو يقعد ويحط مركااه .. ولا ورعه الكبير يجلس يتعدل جلسته




قام الشايب < ولله انه ذيب < خخخخخخ



قال لورعه : ياحمود علامك


قال: ذبحنا العطش


قال : تبي حلــــيبه


قال الورع بصوت يكس الخاطر : أيـــه


قال الابو : يالوفي عنك لوفااه .. تبي تمــــيره


رد الورع بنفس العبره : أيييه


قال : يالوفي عنك لوفااه





يوريكم هنا كيف حنان الابوه .. اجل ذابحهم العطش ويذكر الورع بالحليبه والتميره ..



خخخخخخخخ



مشكله الشياب لا فصلو





عاد طرى هالسالفه



جلستني انا وامي وابوي وخواتي ثنتين < امــس






وابوي ينشدنا < يقول وش عشاكم


قلت: اللي تبي


ابوي قال : ذكرتوني باللي يقول تبي حليبه قال اييه قال يالوفي عنك لوفااه


امي : وش تبي تاكل


ابوي : خبيزه


اختي :لكبيره تبي مرقوق


رد . ابوي بنفس لهجه لورع : اييه


انا : يالوفــي عنك لووفااااه





ههههههههههههههههههههههههههههههههههههه





اذكر امس فصلنا ضحك



المهم .. اتمنى وسعت صدوركم بالهروج .. واني خفيفه ضل علاكم ولا جاكم مني أي


غثىا يالله عاد حلفت عليكم < مايدخل الماضوع الا ويجيني رد احسحس اني لي كياني


اللي يطلع من دون رد : .. بوقف على راس العاير .. وبيدي البندق . وارميهاا



يالله عاد امنعونا من الردىا






وخيتكمــ العزيزه عليكم : شقيــــــح