حاسه بشعورك والله يكون بعونك ويصبر قلبك ..والله يهديه يارب ..زي ماقالوا الاخوات اكشفي عليه شوفي ايش سبب البكاء المتكرر ..وحصنيه يوميا اقري عليه وقبل النوم عشيه وحمميه ودهنيه زيت مقري فيه واقري عليه ..ويمكن التسنين يعكر المزاج للطفل ..ولازم احد يساعدك خواتك امك خوات زوجك ام زوجك لازم يكون لك وقت ترتاحين فيه او تطلعين تغيرين جو فيه ،،اذا تقدرين وديه حضانه مع اني ما ايد هالشي والله يفرجها علي وعليك وعلى باقي الاخوات

اولا سامحيني ضحكت ع كلمة وكأني طعنته..الله المستعان
ترى بعض الاطفال كذا صياااااحين مررره

ياعمري انا. اذا الطفل سليم مافيه شيه الجئي من بعد الله الى الطب الشعبي. كثييير حالات عجزت عنها الاطباء نلقاها بالطب الشعبي ابحثي عن معالجة اطفال او كبار كلها واحد في المدينة اللي ساكنة فيها .
حبيت اسالك عن وضعه هل هو سمين ولا نحيف تغذيته كويسه او لا اغلب الاطفال الي يبكون الاحظ انهم نحيفين شوي. لانه تعبان من عظيم او عفنة او قرينته الله يسخر لك ولدك ويهديه

اذا نومه منظم ويرضع زين وياكل زين وديه الطبيب
قد يكون عنده مشكله عضويه
اذا نومه حوسه او مايشبع اكيد بيكون مزاجه معفوس طول الوقت..اهم شي ينام بدري عالتسعه او ال 8 عشان انتي وابوه تلقون لكم وقت مع بعض و غفوتين خلال النهار نامي معاه فيهم عشان تشحنين طاقتك..وعوديه ينام على الضوضاء البيضاء تلاقين باليوتيوب كثير وبرامج كثير أصوات مكنسه او طياره او استشوار او مطر..هالاصوات تدوخه وينام غصب عليه فترة طويله وميزتها ماتخليه يسمع أي ازعاج خارجي
عوديه ينام على واحد من هالاصوات بغرفته لاتخلينه ينام معكم لانكم بتزعجونه بالدخله والطلعه واكيد بيصحى من دخلتكم وطلعتكم حوله..واحرصي غرفته تكون كلها مفروشه سجاد عشان ماينزعج..
دايم سبحي 33 واحمدي 33 وكبري 33 قبل النوم..
انا كنت زيك احب الهدوء ومتعوده عليه وفجأه جاني توأم بغيت انجن وذبحني تانيب الضمير معهم لكن الحمدلله الله يصلحهم ويخليهم لي وكان ماعندي لاعاملة ولامساعده ولاشي وصرت كل يوم اسبح واكبر واحمد الله 33 مره واقوم والله معطيني طاقة جميله..
وعلى فكرة اذا تقدرين تجيبين عاملة جيبي..تساعدك وتهون عليك ويمكن البيبي يتعود عليها وتاخذه منك شوي وتصيرين تاخذين وقت لنفسك وتطلعون وتسهرون وتشوفون بعض اكثر

الدعاء ادعيله بكل سجدة وباذن الله تشوفي العجب الله يقر عينك به