انتي ام جديده ومو مستوعبه انه جاك طفل غير من روتين حياتك، حبيبتي اول شي بكاء الطفل طبيعي الا اذا زاد عن حده لأن الطفل يمر بمراحل مرحلة المغص وطفلك تجاوزها مرحلة التسنين والطفل بهالمرحله يصير بس يبكي ومتضايق وبدون سبب اذا تحسين بكاء طفلك مبالغ فيه وديه للدكتور وما ابغى اخوفك اطفال التوحد يكون بكائهم كثير عمومآ ولدك صغير التوحد مايتم اكتشافه الا بعمر السنتين الى الثلاث سنوات، بالنسبه للشقاوه وكثرة الحركه هذا شي طبيعي ولدي الله يحفظه عمره سنتين وكم شهر شقي وكثير حركه وبس يتنطط ويضرب بس احاول اكون صبوره على قد ما اقدر والله يكون بعوننا، عليك بالصبر والاحتساب واضح انك عصبيه وملوله طولي بالك الاطفال على قد حلاوتهم بس متعبييييين، وانتبهي لاتحطين له قنوات ولا اناشيد لأن اثرها عكسي على الطفل.. وكان الله في عونك

اجيبها لك من الاخر
انتي تعانين من اكتأب
ولدك ١٠٠/١٠٠ طفل طبيعي بس مدلع زياده عن اللزوم وماتبينه يفتح فمه ويصيح
اذا رضعتيه وغيرتي له البامبرز خليه يبكي لحد ما يتعب وخلصي اشغالك
واذا نام ليش تتسحبين كأنك حرامي
عادي اطلعي وقوي قلبك شوي ويسكت
يوم يومين بيفهم انه مافي فايده من البكاء
قوي قلبك وغيري اسلوبك سوي اللي قلت لك عليه وان شاء الله بتدعين لي

انتي تقولين ولدك عشر شهور الله يحفظه لكن انا بنتي جننتني وكرهتني ف الاطفال عمرها سنتين و٥ شهور مدلعه مره وتبكي حتى وقت النوم عجزت وش تبي ومزعجه وتخرب اخوها ماكان كذا والله صح وهو صغير يبكي واحس طبيعي لكل طفل لكن هذي البنت غريبه الله يصلحهم بس
شوفي حبيبتي انتي اول طفل لك وتعودتي على الهدوء قبل ولدك ان شاء الله بيكبر وترتاحين وسوي كل شي نفسك فيه اذا نام الليل خذيلك ساعه وقت راحه ونقاهه سويلك قهوه واجلسي مع زوجك كذا الاطفال كلنا نعاني مثلك بس انا على كثر مااعاني مع بنتي الا اني احاول اهتم بنفسي ومااهمل حياتي عشانها

اول شيء وديه دكتور
او شعبي يفهمون
يمكن الاكل اللي ياكله ماناسبه
لاتعطينه سكريات حلويات كثير اذا تعطينه
منبهات قهوه شاي او غازي
اكل صحي فقط
الاجهزه الكهربائيه ابعديها عنه
يمكن شافكم تلبون طلباته اذا صاح تعود على كذا
اشتري له العاب خيمه فيها كور . تركيبات كبيره حتى مايدخلها بفمه
سياره . سياره يدخل فيها
شغلي قران بالبيت والبقره
الاذكار
النوم اذا نام نوميه بمكان ماراح تجلسون فيه
عشان مايسمع اي حركه
كثري حظن احظنيه سمي عليه


اما البيت . جيبي خدامه بالساعات تساعدك
خلي زوجك ياخذه معه يطلعه لك وانتي اجلسي اشتغلي
ودوه يلعب بالرمل التراب يعني
او جيبي مسبح كبير وعميق شوي يعني يصير ولدك داخله وحطي سجاد تحته عشان لو تنثر يتنثر بمكان واحد بالبيت حطيه وعبيه رمل يلعب فيه الرمل صح يوصخ ويحوس بس مفيد للطفل
او بالحوش صطح اي مكان
ماتقدرين اطلعوا بمكان فيه رمل
او مسطح اخضر
الشمس عرضيه له
يمكن انتي معبسه ولا تبكين او او يفهم الطفل ويتااثر
انتي وابوه خلكم طبيعين العبوا معه وو
خلاص اكيد بتتغير الحياه بوجود الاطفال
لازم تعرفين له سبحان الله الام شفتي كيف
وفيه اللي عندها ٢ او٣ بعد وكلهم كذا
الدعاااااء ادعي له
ووسعي صدرك