bulbula :

كمان وحده للفلافل العادي.. و وحده للفلافل المحشي و شوفو من جوا كيف.. *** نجي هلأ للباذنجان و اللي الكل بيحبه لكنه بيشرب زيت متل ما قرأت كتير استفسارات لهالمشكله , رح أوريكم طريقتي و اللي ما أقدر أقول انه ناااااااااشف تماما و ولا نقطة زيت لأن هذا مستحيل ، لكن أضمن لكم كمية زيت أقل بـ 50 % أو أكتر.. نغسل الباذنجان و نقشره تقشير كامل أو جزئي حسب ما تحبي ، و نشرحه حسب الرغبه ، أنا للنواشف احبه رقيق أما للمقلوبه و المسقعه و الطبايخ بشكل عام فأخليه أسمك شوي.. نرش شرايح الباذنجان بالميح و لا تخافي ما رح يجي مالح بعدين لأن الملح رح يتشرب ماء الباذنجان و رح ينزل معه متل ما رح تشوفو.. نحط الباذنجان المملح في مصفى و تحته صحن.. و نتركه ع الأقل ساعتين و كل ما زادت المده يكون أحسن (أنا أحيانا أجهزه من الليل و أقليه تاني يوم) هون شوفو الباذنجان كيف ذبل و الماء اللي نزل منه.. و نتيجته مثل ما شفتو مع الفلافل و طبعا نقليه في زيت حااااااااااار و ننشفه طبعا بعد ما يطلع من الزيت على ورق مطبخ سواء هو و اللا الفلافل و هالشي معروف.. نشوف الفول بالطحينه و اللي طريقتي في كالتالي: علبة فول +سن توم +فلفل اخضر حار +عصير ليمون حسب الذوق+ ملح حسب الرغبه + كمون ، أضربهم كلهم في الخلاط و بعد ما يجهز أضيف عليه ملعقه كبيره طحينه و اقلب و اذوقه علشان ازيد ملح او ليمون حسب الرغبه.. و هون شكاه ، زينته بطماطم و بقدونس و ما ننسى طبعا زيت الزيتون.. أما الحمص محبوب الكل و اللي كتير وردتني عنه أسئله ، طريقته جدا سهله.. علبة حمص جاهز ، برضه أقشرها علشان لما تطحنيه يجي معك ناااااااااعم متل الكريم ، نطحنه مع توم و فلفل و كمون و عصير ليمون لحتى ينعم.. نضيف عليه ملعقه كبيره طحينه و نشغل المفرمه كمان مره الى ان يختلط الحمص بالطحينه تمام.. نذوقه اذا بده ليمون او ملح زياده او حتى كمون زياده ، و نقدمه في طبق و زينيه متل ما تحبي و ما تنسي زيت الزيتون.. أتمنى أن موضوعي أفادكم و لو بالشي البسيط ، و أي سؤال من عيوني.. دعواتـــــــــــكم و الله يوفقكم و يرزقكم أحسن مما تتمنون يا رب

كمان وحده للفلافل العادي.. و وحده للفلافل المحشي و شوفو من جوا كيف.. *** نجي هلأ للباذنجان...