Tip of the week: لا تروحوا شوبينج مع الاولاد... بيعموا الضو يا جماعة بتلاقي حالك شريتي المحل و لا معك خبر.


رحت شوبينج لولمرت و جبت كل الاغراض اللي كنت ناوية عليها بس جبت زيادة عليها كلور و سكوتش تيب لانه خالص..









طلعت الفاتورة 66 دولار منها تقريبا 30 دولار ملابس داخلية للاولاد... يعني بس 36 اغراض البيت <<< ماشية على الميزانية مضبوط




297-66 = 231 <<< باقي معي


ما صح لي اروح اجيب اغراض البيتزا لا بعد ما جبت الاولاد من المدرسة و بنتي ام عين فاضية من ما دخلت و هي كان اي هاف ذيس؟ كان اي هاف ذات؟؟ كان اي كان اي كان اي جننتني و نستني امي و ابوي...

شوفوا الاغراض اللي جبتها




نتفة صح؟؟؟؟ احزروا كم طلعوا؟؟؟؟ 52 دولار ينطح دولار.. انا شفت المبلغ و اغمى علي.. يا ويلي 52 دولار عشان بيتزا!!!

231 - 52 = 179$ باقي معي

بس شوفوا شو جبت, 4 اكياس جبنة و علبة بارميجان, الجبنة استخدمنا 2 و باقي 2 بينفعوا يا طبخة يا طبختين و البارميجان بينفع لاسبوعين قدام.

2 مرطبان صوص معكرونة, استخدمنا ربع واحد للبيتزا و الباقي بينفع لطبختين معكرونة او لازانيا.

2 علب اناناس << فواكه!! الوحدة بدولار و نص يا بلاش.

عجينة البيتزا 2 علب + علبة كرواسون
انغشيت فيهم لعدم انتبهاي بسبب بنتي, اذا هي صوتها طالع انا خلاص انسوا عقلي وقف شغل, ببطل اقدر اسمع حالي افكر:mad:

صندوق بيبسي مع انه جايببين واحد الاسبوع الماضي بس كان عنا بنات اخوي و يومين بعدها اولاد اختي راح انقرض الصندوق.

اوه صحيح شريت شادو << راح احط صورته و تعليقي عليه في تجاربنا



السعر مش طالع خليني اروح اشوفها و اصورها.


لهيك قررت بكره اروح اجيب كم حبة فواكه على يمكن كوسا اذا لقيت و باذنجان او بامية او الاثنين ان شاء الله و بس خلاص ستوب شراء لهالاسبوع ان شاء الله.





اضافة <<< مش لاقية الفاتورة ما بعرف شنطتي مليانة اوراق, بلكي بكره رتبتها بعون الله:icon28:
نوت تو سيلف: وي نيد بيض





اوه صحيح من عماوة الضو نسيت اجيب دجاح و اتذكرت بنص الطريق و رجعت جبت دجاج مسحب طلع بتقريبا 8 دولار
197- 8 = 189$$$ باقي معي.


و هاد عشانا الليلة بيتزا نص جبنة و نص زيتون و الثانية نص زيتون و ذرة و نص زيتون و ذرة و اناناس و بونليس بافالو تشيكين وينجز شغل ايديني و اتحلينا اناناس يا حلالي يا مالي

توتة .. يسلمو حياتي انا بطلت اخد مية كاملين صار يعطيني 50 اول الشهر و50 بنص الشهر لحتى ما اصرفهم مرة وحدة واقعد من دون مصروف بس للاسف نفس النتيجة بروح بصرف الخمسين بشوف سيل ببطل اجمع وبسترخص وبشتري
وطريقة مرت اخوكي حلوووة بس بتعرفي شو مشكلتي انه انا صاحبتي الكلوز بنت مو متزوجة اوكي
وجاي من بلادها ومو جايبة معها ملابس بالمرة يا دوب كم لبسة
فبضل تقولي يلا معي ع المول انا صراحة صرت اكره اروح بسبب المشتريات الزايدة وخاصة اني جايبة معي ملابس من الاردن كتيررر
مو شوي وكلهم حلوووين كتير وما لبستهم كلهم
يعني بروح معها وبدخل معها كل المحلاات وبصير فيني الي زكرته
وبستحي احكيلها ما بدي اروح لانها ما بتقصر معي كل مشاويري بتروحها معي وما عندها صاحبات غيري
احكيلي كيف ممكن احل هالمشكلة
لاني صراحة كتيرر متضايقة
كل فلووووسي مبعزقة ع اللبس
هالعادة كانت فيني وانا بنت كان كل راتبي لبس وميك اب
بس هلا اختلف الموضوع
في مسؤولية بيت وزوج ؟؟؟؟

مرحبا توتااا والله طريقتك جدا رائعه وحلوه ما شالله ربي يحفظكم بس حبيت اعرف منك
انتى مقيمه بكندا والا ايش وضعك لاني عندي شوية استفسارات لو بتسمحي ؟؟؟

ما شاء الله عنك يا توتة

احلى شي الواحد يقدر ينظم الميزانية حتى الواحد بصير يحس في بركة بالراتب

على فكرة يا توتة شكلنا جيران انا كمان بروح اشتري اغراضي من shop and save
شكلي بالاخر رح اطلع بعرفك هههههههههه

اهلين توتا موضوعك كتير حلو .... بس ودي اسالك عن تامين السيارة ايش ارخص واحد؟ وهل في برنامج تامين للدخل المحدود؟