❢❣ $$$$ فلوسي طارت $$$$ ❢❣

أميرة نزار • 13 سنة

توتا حبيبتي

انا محتاجة هالاشياء
- سيليري
- كيس بطاطا
- فلفل رومي
- تفاح
- مشروم

لو شريتهم من سيف الوت حيطلعو علي اوفر من اني اشتريهم من وال مارت ولا لا ؟

ازا حوفر كتير بقنع زوجي لانو بيقول مش عملي نمر ع الاتنين بنفس الوقت .. شورايك

♥♥tuta♥♥ • 13 سنة

أميرة نزار :

توتا حبيبتي انا محتاجة هالاشياء - سيليري - كيس بطاطا - فلفل رومي - تفاح - مشروم لو شريتهم من سيف الوت حيطلعو علي اوفر من اني اشتريهم من وال مارت ولا لا ؟ ازا حوفر كتير بقنع زوجي لانو بيقول مش عملي نمر ع الاتنين بنفس الوقت .. شورايك

توتا حبيبتي انا محتاجة هالاشياء - سيليري - كيس بطاطا - فلفل رومي - تفاح - مشروم لو شريتهم...

يا عمري انتي لا تصعبي الامور على نفسك, دام زوجك قايم بالميزانية ما تهكلي هم شي خلاص مصروفك ان شاء الله تحرقيه انتي حرة تعملي فيه اللي بدك اياه... لكن مش غلط تعودي نفسك تشدي ايدك لحتى ان فرضا زوجك سافر او بعد عنك فترة و ترك لك الميزانية ما تصرفيها بساعة في ميسيز..
شوفي لما تطلعي مع صديقتك اختاري براسك شغلة بسيطة و تكون رخيصة مثلا حلق لفستان او اسورة تمشي مع تنورة و قولي لها انا ناوية اجيب الشغلة الفلانية ان نسيت ذكريني, اقلبي المول كله بحثا عن هالشغلة و اختاري ارخص شي اذا لقيتي و بس خلاص, هي اصلا ما راح تزعل ان ما شريتي مش حتجبرك تشتري, ان شفتي شيل اسألي نفسك هل انا بحاجة ليه (بدل ما تسألي نفسك هل هو سيل كويس او لأ.) شوي شوي بتتعودي, و بعدين ترى الشغلات اللي شريتيها اذا معك الرسيت و التاغ لسه عليها بتقدري ترجعيها عادي دام انتي مش بحاجة ليها.

لا يا عمري مش بكندا بشيكاجو, اسفه اللي مش راح اقدر اساعدك.

بيكون لي الشرف... بس على ايا فيهم بتروحي؟ باي منطقة <<< لتكوني جارتي :icon28:

تأمينات السيارة اسعارها بتختلف من شركة لاخرى, بس بالعادة الliability بيكون ارخص من الfull coverage, لسبب انه الايابيليتي اذا لا قدر الله حصل حادث بيعوضوا اللي عملتي مع حادت و بيصلحوا سيارته اما الفول كوفيريدج بيصلحوا السيارتين <<< او يمكن بس انا هيك فاهمة, لكن هي الاولى دايما ارخص...
و برضه في شغلات بتأثر على السعر, مثلا اللي عامل حادث بيدفع اكثر من اللي عمره ما عمل حوادث و اللي صغير بالسن اقل من 21 سنة بيدفع اكثر لانه معروف عنهم التهور و هيك شي.

و الله يا عمري بالنسبة للخضار و الفواكه ما جربت الاثنين, ولمرت اللي فيه اكل كامل بعيد عني شي نص ساعة و اللي عندي يادوب فيه موز و بطاطا و بصل يمكن و الله ما بعرف, بس من اللي شفته سعر الموز نفس السعر في محل الخضرة. ما راح تعرفي الا اذا زرتي المحلين و قارنتي, يعني بدك يكون عندك شوية فراغ, و تروحي تقارني او مرة اشتري من ولمرت و اكتبي الاسعار شو كانت و المرة الجاي روحي للمحل الثاني و اكتبي الاسعار و قارني اللي بتلاقيه ارخص اشتري منه, بس طبعا اذا واحد من هالمحلات بعيد عنك اكيد المنطق بيقول تروحي للمحل الاقرب الك و توفري شوية بنزين.
<<<< سؤال خارج عن الموضوع, انتي بالينوي صح؟؟ الجامعة اللي في توقيعك تبعد عني شي 5 ساعات و شوي, كيف منطقتكم؟؟؟ نظيفة؟ فيها سود و مكسيكان؟؟؟ طول حياتي بشيكاجو و انا اتخيل المناطق اللي تحت من سبرينجفيلد مناطق نائية ما بعرف ليه.

♥♥tuta♥♥ • 13 سنة

رحت اليوم عند المحل العربي اجيب لحمة مفرومة, اخترت نص شولدر و طلبت يضيف ليه 2 باوند بيف لحتى اللحمة تبقى طرية مع الطبخ و جبت كوسا طلعوا ب7 دولار و انا مش منتبهة كلهم ابو 15 حبة و كبار كمان يا ليتهم صغار بيشرحوا الصدر بس الست بنتي شافتهم و قامت فضحتني قدام العرب بدي محشي بدي محشي.. و جبت ملوخية و بامية, هلأ على فكرة هال3 طبخات كلها حتكون للاسبوع اللي جاي, ابتدأ من يوم الاحد, لانه بكره نويت اعمل سمك ان شاء الله (بكره بجيب) و الجمعة عند اهلي و السبت عازمني زوجي عند الهنود <<<< ياللي سألتوا ليه كنت اغني امبارح بالليل, من فرحتي بالروحة للهنود:icon28: مش حبا فيهم لكن لاني بتوحم على اكل هندي من رمضان بس زوجي كانت معدته تعبانه وقتها و ما بتتحمل الاكل الحار و هو ما اتذكر الا امبارح:44:

اللحمة كانت اغلى شي, ب50 دولار تقريبا (41 نص شولدر + 7 بيف + 2 بصل و بقدونس)
قسمتها الى طبخات,4 طبخات + طبخة الكوسا + طبخة اليوم = 6 طبخات كفتة كل طبخة تقريبا 9 دولار
هلأ الكوسا حتكون الاسبوع اللي جاي و ال4 طبخات الباقية كل طبخة اسبوع = شهر كامل ان شاء الله

سوري الصورة مش واضحة

طلعت الفاتورة ب86 صورتها و انا سايقة قبل لا تدخل بالشنطة و تختفي كالعادة هههههه

189 - 86 = 103$

و هاد كان عشانا: صينية كفتة بطحينية و لاني ما بحبها عملت شوية كفتة بورق عنب طلعت بتجنن ما شاء الله

أميرة نزار • 13 سنة

توتا بالنسبة لسؤالك ..

بمنطقة اهل ماما هما قريبين من سبرنج فيلد 3 ساعات من عنا وشي 4ساعات ونص من عندك كلها مناطق زراعية وقليل جدا فيها السود .. منطقة هادية جدا بعد الساعة 6 فش حياة بالمنطقة ..

اما هون بكربونديل في تنوع كبير في السكان في كتير عرب والسود مش كتار اما الهنود كتار حسيت حالي في مومباي هههههههه اتزكرت الدوحة لمن شفتهم ..

مش بطالة المنطقة اهون من منطقة اهل ماما .. فيها مطاعم كتيرة ومحلات كمان الحمدلله .. المدينة كلها للجامعة .. فمعظم الي فيها يا طلاب يا ناس بشتغلو بالجامعة ..

شيكاجو بتخوف لانها كبيرة كتير .. بس اكيد فيها تنوع كبير من السكان ..

مرجانة زمان • 13 سنة

هلا توتا لا حياتي مش مشكله هلا بدخل على الخريطه وبدي اشوف شيكاجو وين مكانها لاني من عشاق الجغرافياا متابعه موضوعك كتير حلو وحيوي ما شالله عليكم
ربي يحفظكم ان شالله

اميرة نزار كنت بالدوحه اللى عاصمة قطر ؟؟؟