هلا مسلسل رائع اتمني اصير زيهم والوقت عندهم فيه بركه لا والاكل ياانا اشتهي اكل معهم علي ذا الطاوله ومشاء الله دايم ياكلون ولايسمنون والا الحكي بالنسبه للسعوديه اغلبنا ينقصنا الحكي المعسل يعني شكرا وتخب وزين ان طلعت لكن عاده مايقولون ياهلا وسهلا اسفرت وانورت شرقتو ولا كلفتو ومن هالحكي الجميل
يالله الله يوفق الجميع:24:

كلامكم صح !!

اشرحوا لنا لعلنا نستفيد لأني بصراحة أرغب في تعليم أبنائي بعض القواعد والصول .

في وحدة قريبتي عندها 4 أولاد وكل ما سألتي واحد عن اسمه يقول :

علاء وصلي عالنبي
محمد وصلي عالنبي
راشد وصلي عالنبي


فهمتوا لنو امهم علمتهم .............لكن أنا ما عجبتني الحركة الولد يكون صغير وما يعرف اسمه الحقيقي .

ويقول لما ينادي جده : جدو الله يطول عمره خذني معك مشوار
ويقول للناس جدو الله يطول عمره راواني كذا وكذا


يعني ما يعرف الاسم الحقيقي من الزوائد.

صح هناك نقطة في تقديم الفواكه ( أنا بصراحة ما أحب أقدم فواكه للضيوف أبدا....أقدم سلطة فواكه بحجم كبير أحسها أفضل )

المهم لما تيجي حرمة ونقدم الفواكه لازم انا أقشر لها البرتقال أو الإجاص ( الكمثرى ) أو اي نوع آخر ..............عاد في دبي تعودت على فواكه غير شكل ( مانجو ورامبوتان وكيوي وفراولة ..................) وتصدقون في ناس عندنا بالأردن ما أكلوا منها ابدا ابدا بحياتهم .............................. احمدوا ربكم 100 ألف مليون مرة يا بنات الخليج.


وعند الفلاحين وأهل القرى يقدمون الشاي مع سكر جاهز ما يقدمون سكر وكل واحد يحلي على كيفه !!! لأ وشو سكر ؟؟؟؟؟ يكون الشاي مثل الشيرا ............. قطر ........عسل .




الآن أحدثكم عن عائلتي ( المدينة )

لما تيجي الحرمة نقول لها أهلين خالتو أو آنتي .
ونجلس ولما تسألنا هي كيف حالنا ( إذا أمنا راحت تجيب ضيافتها من المطبخ ) نسكت ونستحي أنا وأخواتي البنات لحد ما صرنا 15 سنة يمكن بدأت عقدتنا تنفك .

وأحيانا الحرمة تقول لأمي : اقعدي يا بنت الناس وخلى هالبنات الصبايا يساعدوكي .
ترد امي : لأ والله ما يدخلون المطبخ بناتي يدرسون وبس ( وش نفع الشهادات والماجستر والدكتوراة واللسان أخرس ؟؟؟؟؟)

لدرجة ان أم زوجي لما جاؤوا يخطبوني قالت لي الحين بندخل نسلم عالعريس ما تستحي سوي قهوة واستري حالك بعباية أو البسي شي حتى ندخل .

أجت أمي صارت تقول ارتاحي حبيبتي أشوف لك شي وأنا بسوي القهوة.

قلت لهم العباية محتاجة شوية كوي : قالت أمي لا تمسكي المكواة أنا بكويها عنك ............... طبعا وأم زوجي تسمع لكن أمي الله يسامحها بسيطو جدا وطيوبة زيادة عن اللزوم والحمد لله تمت الخطوبة ولو حرمة ثانية كان طلعت من البيت تقول هالبنت ما تعرف تسوي شي.


المهم بالضيافة عندنا نقول تفضلي خالتو : الشاي . ونسكت
وبعد ربع ساعة لما يبرد الشاي نرجع نقول خالتو ما شربتي الشاي ؟؟؟

يعني بصراحة أنا ما تعلمت أصول كثيرة .

بنات نسيت أقول في شغلة وايد انبهرت فيها :


عند أهل زوجي ( اموت فيهم وفي قصصهم )

نكون جالسين مجموعة حريم 10 أو اكثر ويسود الصمت للحظات تيجي وحدة عشان تقطع الصمت تقول :

مسا الخير عالغانمات.
السلام عليكم ............................أول مرة صرت أضحك ، لأن الحرمة اللي قالتها كان عمرها 110 سنين وبعدها عايشة للحين) قامت اللي قاعدة بجمبي وخزتني بيدها حتى أسكت.


ولما سألت زوجي قال هذي عاداتنا .

أو نكون حريم مجتمعين تيجي وحدة سلمت عليها قبل وبستها وكل شي عادي وبعدين تقول السلام عليكم يا فلانة . أول مرة رديت أنا سلمت عليكي من أول والحمد لله هذي كانت سلفتي وفهمتني الموضوع إنها تعزني دون الموجودات.


وشي ثاني السلام على الحريم لازم تشدي إيدك عدل لما تصافحي الحرمة وما تخلي يدك مرتخية هذي عيبة كبيرة .

وفي حركة تعلمتها :


لما تكوني ما تعرفي الحرمة أم إيش ينادوها تقولي لها :

والله يا ............ إيش اسمه المحروس ؟؟؟ تقوم ترد وتقول أم محمد أو أم فلان

وتكملي إنتي موضوعك : والله يا أم محمد يقولون كذا وكذا .

وما يصير تسألي الوحدة أم ايش إسمك ؟؟؟؟





لكن أنا أسأل عادي بعائلتنا كل شي عادي لكن عند أهل القرى في أصول وقواعد ولازم الجميع يلتزم فيها وأنا أولهم وأفتخر باتباع هالقواعد السليمة.