فوائد قيادة المرأة الســـــــعودية..........لا تفوتكم

السلام عليكم ورحمة الله وبركاته

فوائد قيادة المرأة الســـــــعودية

أن ذلك يضفي على الحركة المرورية لمسات سحرية وجمال أخّاذ .

قيادة المرأة للسيارة يُحَجِّم بل يمنع مشكلة تهور الشباب وقطع الاشارات المرورية فسيحرص الشباب كل الحرص على أن لا تفوته إشارة حمراء لعل الله أن يرزقه (( ببنت الحلال )) .
سعـــــودة محلات البنـــــشر بنسبة 1000%100 لان الشباب كل واحـــد بيفتح له بنشر وبينتظر تبنشر سيارة وحده من البنات عشان يصلحها وهذا غير الشباب اللي بتلقاهم على الخطوط منتشرين تقول جراد كل واحد بعفريتته ومفك الكفرات .
بيكثر التقديم على وظايف المرور وخاصة أبو سبيته اللي يجلس عند الاشارات يعني زين إذا ما لقيت المرور يشترطون شهادة الطب للي يبون وظايف عندهم من كثر الطلبات عليهم .
سعودة محطات البنزين يعني بدل الهنود بتلقون اللي يشتغلون فيها كلهم سعوديين بس في المقابل افلقوني لو أصحاب المحطات بيكسبون ريال واحد يعني تجي البنت تقول لأبو الشباب صب بنزين بعشره ريال طبعا أبو الشباب بيحط لي البنزين في التانكي وبيفتح فمه ويناظر بالبنت ما يدري إلا هو معبي تانكي السيارة للآخر يعني FULL طبعا يوم بيجي يحاسبها بتعطيه عشره ريال مثل ما قالت له عب وياليته ياخذ العشرة ريال بعد إلا يطمر ويحلف عليها ما تدفع ريال ويقول هالمره خليها علينا .
توفير فواتير التلفونات يعني أم صويلح اللي كانت تتصل على أم دحيم وتجلس تكلمها بالساعات بيصير التلفون مال أمه داعي يعني أم صويلح بتمر أم دحيم وإلا بتقابلها في شارع وكلن بسيارتها وهاتك سواليف وهروج وهذا طبعا له عيوب يعني طبعا وهم يتكلمون بالخط بيقفلونه وبتصير زحمة ماهيب طبيعية بس افلقني لو أحد فتح فمه وقال لهم حركو السيارات زين إن ما باشرو عليهم ببارد وإلا بعشاء وهن بسياراتهن وبيقولون لهم خذوووو راحتكم على الآخر اصلا حنا ما ورانا شي وين الأبطال اللي الواحد ثواني يوقف سيارته ما يدري إلا مليون واحد يقوله حرررك من هنا وإلا والله لادبغك يابن الكلب !
وعلى فكرة فائدة قيادة السيارة لا تقتصر على المرأة ( الآنسة ) بل حتى ( المدام ) المتزوجة ومن ذلك أنه إذا حصلت خصومة بين الرجل وزوجته واحتد الأمر وعلت الأصوات وامتدت الأيادي ( وصفقها وصفقته ) واحمرت الأعين وتطاير الشرر منها و أرغى و أزبد كل منهما... عندها ستقول الزوجة لزوجها ( ودني لهلي ) وسيقول الزوج( ماني مودي ) وستستمر المشكلة ولكن لو كان للزوجة سيارة فستخرج رغما عن زوجها وستقول له ( أروح ورجلك فوق رقبتك )
كذلك من فوائد سياقة الزوجة هو إنها تساعد في إحضار الأولاد من المدرسة وكذلك يمكن للمرأة ( الزوجة) أن تسهم كما أسلفت في مصروف البيت وذلك بان تمارس مهنة ( الشيّاب ) أي تحميل الركاب .. وهنا أوصي المرأة باقتناء الهايلكس الغمارتين وإذا لزم الأمر (( دينّا )) لتحميل الطوب ونفل العفش والبطحه والخرسانة وخلافه





ملطووووووووووووووووووووووووووووش اقصد
منقووووووووووووووووووووووووووووووووول :42: