البرنامج مرة ممتع ومسلي ومفيد
مو لازم اضافه القرايب
في حسابات كثيرة ممتعه ومفيدة
ليش حاصرينه بس على القرايب ؟؟؟؟؟
الحسود حطي له تخصيص وصل الله وبارك

البرنامج جميل وفيه فوائد للي يدور الفايده
مااعرف ليه الناس تعتبره غيره وحسد ومراقبه
تضايقتي من هياط فلانه وعلانه اسهل حل حذفها تضايقتي من مراقبة فلانه وعلانه نفس الشي حذف او بلوك
مااعرف ليه الشقا
انا ضايفه القرايب وضايفه حسابات طبخ وعنايه واسره وافكار واستفيد منها استفادات كبيره والطبخات سهله والافكار مفيده
لاتحصروا البرنامج في الشي السيئ دورو فيه على المفيد واستفيدو مو لازم تضيفو فنانه مشهوره والامهايطيين والااللي يعملو اعلانات اختارو صح
تستفيدو

الحمد لله ما عندي سناب شات ولا انستغرام ولا فكرت احملهم
عندي واتس اب فقط كتواصل عائلي وتبادل المقاطع الهادفة
والمواضيع الطبية والدينية والدعوية
اللهم لا عيش الا عيش الآخرة
سبحان الله وبحمده

ما عندي ولا مرة نزلته ..

اسمحي لي
صغار العقل من يوووووووم يومهم موجودين من قبل التواصل الاجتماعي وقبل التليفون والبيجر بعد وهم موجودين


الحسوديين والي يغارون واللي يفضحون اسرار بيتهم للناسً و غيرهم كثير يعني التطبيقات هذي سهلت الامر ولا هو موجود من زمان




اما السناب انا عني احبه واشوفه مفيد وملهم
لاني ام جديدة اتابع امهات جديدات مثلي اجانب يصورون يومياتهم مع اطفالهم وتجاربهم بالتربية واللبس والمشتروات وغيره


اتابع حسابات طبخ
واتابع ناس من نفس مجال عملي اتعلم وأستفيد منهم وأحاول اطبق أساليبهم واطوِر نفسي وشغلي وأشوف الحالات الغريبة الي تنعرض


وفيه حساب للكتب أتابعه بما اني احب القراءة كل اسبوع يقرون كتاب ويناقشونه وينزلون اقتراحات كتب واقتباسات


وعندي حساب للسفر أتابعه وأخذ افكار واحط بقائمتي اماكن ابي أزورها ومعلومات خصوصا وأننا ما نعتمد على الوكالات والمكاتب كل حجزنا بنفسنا


طبعا هذا غير خواتي وقريباتي وصديقاتي وزميلات الدوام وأهل زوجي وسلايفي ولا أغار منهم ولا شي الحمدلله


ولا هم سببو لي مشاكل خصوصا اني أصور اشياء بسيطة ومو خاصة مثل مدخل دوامي مكتبي فنجان قهوتي او مناظر حلوة وعليها دعاء واقتباسات بحر طريق كوفي مطعم ولا سفر


وحتى لو يحسدون او يغارون انا مو شغلي متحصنة الحمدلله ومحصنة بيتي ونيتي طيبة وكل شي حلال
ليه التعقيد