و هذه صورة العطر المركز
العطر المركز تحطيه جوة قاروة العطر و بعدين تجي معاها فتيلة تدخليها جوة العلبة و تتركيها نصف ساعة و بعدين تولعي الفتيلة بالكبريت من فوق فيها شي زي الفحمة و تخليها 3 دقائق و الناس شاعلة و بعدين تطفيها بالنفخ و تحطي عليها الغطاء اللي في الصورة
صورة الفتيلة و الغطاء
صورة الغطاء
و بعد ربع ساعة راح تشمي ريحة تجنن زي ريحة الفروالة و التوت اللي عندي بودي شوب و بعد ما خلاص الريحة تنتشر في الغرفة تحطي هذا الغطاء عشان العطر ما يتبخر و كل ما احتجتي تشغلي الفواحة ما عليك الا تشيلي الغطاء و تشعلي النار 3 دقائق و تكرري نفس الطريقة السابقة ،،
شوفو هذا الغطاء المزركش تحطيه لما تبغى الريحة تفوح و الغطاء الثاني السادة تحطيه لما تخلصي تقفليه و تحطي فوقه المزركش عشان تحتفظي فيه كزينة
و العطر اللي حطيته في العلبة الزجاجية و فيه منه روائح كثيرة و حتى القاروة الزجاجية منها اشكال و احجام صغيرة و متوسطة و كبيرة و العطر حجمين حجم وسط 120 ملي و الثاني اكبر شوية ،، أنا اشتريت رائحة التوت زي حق بودي شوب ـــ و ميزاتها انه الريحة تمسك فالبيت و تجلس حدود 8 ساعات في اليوم اذا خليتي عليه الغطاء الكبير المزركش و العطر يجلس وقت طويل على كلام الموظف انا ما صار لي غير يومين شاريته يعني ما ادري كم يجلس معايا
سعر القاروة الوسط اشتريتها ب 129 ريال و العطر 120 ملي ب 45 ريال و المجموع كله على بعض 174 ريال بس الصراحة يستاهل انك تشتريه احسن من فواحة الشمع ،،
ملاحظة : لازم تخلي الفتيلة اول مرة في العطر نصف ساعة و اول يوم ما تحسي الريحة قوية بس بعدها بيوم راح تحسيها بالمرة روعة لان الفتيلة تكون تشربت العطر كويس و اول ما تشغليها راح تشمي الريحة
شرح وااافي