عروس
حبيبتي موضوع العصبيه ده للاسف جينات لانه معايا من و انا طفله بس بحاول امسك نفسي
و بجد الحل الوحيد اني اكلم حد احكيله على الموقف اللي ضايقني عشان اهدا و مغلطش
ربنا يهدينا لان العصبيه دي من اسوا العيوب و خاصه في الستات

طبعا صابونه زيت الزيتون رائعه و اصح كتييير بس انا مش بحب ريحتها مع اني عارفه مضار الشامبو بس هجيب الريحه الحلوه منين
كمان هي مش بترغي اوي يعني لازم كذا دور عشان الشعر ينظف
انما طبعا هي الاصح لحاله الشعر و كذلك لخلوها من الكيماويات المدمره


عملت ماسك النهارده لشعري و لوشي بس بجد الاتنين احلى من بعض

للشعر عسل نحل و زيت زيتون و سبته ساعه بس فااارق جداااا لمعه و نعومه ماشاء الله

اما ماسك الوجه::
لبن بودره +كاكاو خام بدون سكر+عسل نحل+زيت زيتون+نشاء+ماء ورد

بس فظييييييييييييييييييييييييييييع حاسه اني مشرقه

على فكره عشان محدش يقول اني بفتكس
انا شفت موضوع ماسك الكاكاو ده في فتافيت

عطر جزاك الله خيرا على اهتمامك والرد السريع لكن ايه التوافق الفكرى ده
انا لسه عامله مسك الشعر حالا لكن بكره ان شاء الله اجرب ماسك البشره
جديده الكاكاو اجرب واطمنك على النتيجه
وربنا يبعد عنك العصبيه
دايما الشخص العصبى بيكون سريع الغضب والثوره لكن قلبه ابيض وبينسى الاساءه بسرعه
لكن نصيحه بلاش تضيعى ثواب كظم الغيظ
كلمات اعجبتنى فى علاج الغيبه
(1)

لو أن صديقك سرق منك100 درهم ألا تنهره ؟ فما بالك فى حديث هاتفى ، وقد
سُـرق منك أكثر من آلاف الحسنات ؟

فإذا حاول محدثك أن ينال من فلان ، فامنعه أوغير مجرى الحديث حفاظا على الحسـنات ...

(2)

لو أن سياسة المصارف البنكية ، أن تسحب الأموال من أصحاب الغيبة ،

ووضـعها فى حسـاب من تحدثوا عنهم ..!!

ألا يصمتون بعد ذلك فى مجالسهم ، حفاظا على أموالهم من الضياع ؟.


(3)
إن معرفتك بأن جهازا يسـجل عليك كل كلـمة تصدر عنك , تجعلك ممسـكا

عن الكلام ..!!

أفلا تجعل معرفتك أن ملكين يسجلان عليك ومترصدين لكل كلمة تقولها

موجبا لأن تكون أكثر إمسـاكا وصمتا ؟!!


(4)

لو أن إبنك يشتم أبناء جيرانك كلما خرج للـعب معهم وتكرر نصحك له دون

جدوى ، ألا تحبسه وتحرمه من اللعب ؟

فما أشبه اللسان بالطفل ، فأطبق على كل كلمة بشـفتيك ، قبل أن تخرج فتندم …


(5)

لماذا لا تختصر الكلام كما تختصره فى المكالمـات الدولية , وأنت تعلم بأن كل

كلمة تخرج منك تحاسب عليها حسابا عسيرا كما تحاسب على أموالك!!.. والحال أن

المفاجأة بفـاتورة الهاتف يمكن تداركها بعدم العودة لمثل ذلك ..

ولكن كيف حالك عندما ترى الخسارة الكبرى فى القيامة من دون قدرة على التعويض ؟



(6)
إذا سـافرت إلى بلد بعيد , وتحملت مشاق السفر ، وعند الوصول للحدود أعادوا

لك الجواز وقالوا ليست لديك تأشيرة دخول ، ألا تشعر بالإحباط والحزن ؟

فما بالك بالحرمان من دخـول الجنة ، بكلمة تهتك بها مؤمنا ، تجعله لا يرفع رأسه أمام الناس

الى الأبد ؟!.


(7)

أفلا تسـارع فى ستر عورة رجل إذا حصل له حادث فى الطريق , إذ لا حول

له ولا قوة فى إعانة نفسه .. فـما بالك لو أن أحدا اغتاب رجلا أمامك ؟

أى كشـف عن عيوبه , ألا تحاول تغطيته وفاء لمسلم كشفت عورته ؟!

فعَنْ سَهْلِ بْنِ مُعَاذٍ عَنْ أَبِيهِ أَنَّ رَسُولَ اللَّهِ -صلى الله عليه وسلم- قَالَ: " مَنْ كَظَمَ غَيْظًا - وَهُوَ قَادِرٌ عَلَى أَنْ يُنْفِذَهُ - دَعَاهُ اللَّهُ عَزَّ وَجَلَّ عَلَى رُؤوسِ الْخَلاَئِقِ يَوْمَ الْقِيَامَةِ حَتَّى يُخَيِّرَهُ اللَّهُ مِنَ الْحُورِ مَا شَاءَ "،
وحديث آخر
عن أنس قال: قال رسول الله صلى الله عليه وسلم: رأيت ليلة أسري بي قصورا مستوية على الجنة فقلت: يا جبريل لمن هذا ؟ فقال: للكاظمين الغيظ والعافين عن الناس والله يحب المحسنين

السلام عليكم ورحمة الله وبركاته

اولا بسلم علي كل القمرات ألي دايما منورين المنتدي كله

انا عايزه اقولكم حاجه انا تقريبا ابتديت اشارك معاكم من حوالي شهر والحمد لله حياتي أتغيرت تغيير كبدايه ممتااااااز

بالنسبه لعلاقتي مع ربنا ..... لقيت صحبه طيبه ومخلصه تحثني وتذكرني بربي وبواجبي تجاه ديني

علاقتي بجوزي والاولاد ... الحمد لله كنت دايما عصبيه ومخنوقه من الغربه والوحده والروتين الملل في الحياه

علاقتي ببيتي واحساسي بيه......... كنت بشوف شقتي كأنها سجن اختياري ممنوع فيه الزياره ( بحكم الغربه)

كنت بعمل كل حاجه من غير نفس ومفيش جديد ممكن اضيفه في حياتي وتقريبا مفيش في دماغي غير الضروريات بس

لكن ولله الحمد انا دلوقتي شعلة نشاط ... النفسيه تمام حاسه ان في هدف وفي اصحاب حتي لو مفيش العلاقه المباشره

لكن علي الاقل ناس اعرف عنهم ولو معلومات بسيطه بتزيد مع الوقت وتخليني احب اكون متواجده معاهم بأستمرار .

وبقولكم كلكم ( أني احبكم جميعا في الله واتمني أن يجمعنا ربي سويا في الفردوس الاعلي )

الكلام ده كان جوايا وحسيت اني لازم اكتبه واقولهلكم.

النهارده الحمد لله اخيرا طعمت مريومه حبيبتي وجزاها الله خير ام مريم هي ألي وصفتلي المستوصف

ربنا يقومك بالسلامه يا قمر ويخليلك مريومه .. علي فكره هي مش بتشارك عشان الكمبيوتر بايظ ان شاء الله يتصلح قريب

بالنسبه لموضوع كظم الغيظ والله يا بنات ثوابه كبير في النيا والاخره وده عن تجربه ......

فيه ناس قرايب جوزي كانه مش راضين علي الجوازه عشان قال يعني كان عينهم عليه المهم مان فيه حرب قبل الجواز وبعد

والحمد لله انا وهو كنا بنحب بعض حتي قبل الجواز واتمسكنا ببعض جدا وحصل في مره اني قابلتهم في مكان وقالولي كلام !!!!!!!!

طبعا انا كنت في حالة ذهول ووالله كل ألي عملته اني سبتهم ومشيت وسبحان الله بعد فتره ( كام شهر ) حصل معاهم مشاكل

كبيره جدا واتصلوا بماما علشان ياخدوا رقمي ويعتذرولي لكن انا قلت لماما انا سامحت لأني ماكنتش عايزه احتكاك بيهم خالص

حتي اهل جوزي هنا في السعوديه بنروح في المناسبات بس وطبعا كل مااروح لازم يحصل استفزاز بأي طريقه وعلي أي حاجه

وسبحان الله ربنا يديني الصبر وولا كأن الكلام يخصني او ارد بأبتسامه وخلاص ووالله بعد كده بلاقي ربنا بيكرمنا في حاجات كتير

وبيسترها معانا وبحس أن ده جزاء لينا علي الصبر علي البلاء ان صح التعبير

معلش انا اتكلمت كتير بس حبيت اقولكم ان ربنا بيجازي الخير في الدنيا قبل الاخره وسبحان ربي القائل

( هل جزاء الاحسان الا الاحسان ) صدق الله العظيم