طبعا ما شاء الله عليكم كلكم

صاحيح بدرى العيال قاموا مع ابوهم هو راح للشغل والعيال ملعلعين
ربنا يهديهم

بالنسبه كظم الغيظ
الحمد لله اتعلمت انى اسكت نهائى مهما اسمع
وفى الاخر طبعا ثواب
ومش بغلط فى حد واسكت بس طبعا ببقى هشيط
بس استغفر ربنا كتير
وقول حسبى الله لا اله الاهو عليه توكلت وهو رب العرش العظيم واكرر لما اهدى جسمى كله بتنفض من الزعل بس الحمد لله بروق

السلام عليكم ورحمة **** وبركاتة
انا تقريبا يا ام يوسف نفس حالتك قبل التغيير مع الفارق انى لا زلت كما انا لم اتغير حالتى مستعصية يا بنات ادعولى بالهداية مش عارفة لسة مش عايزة اتغير ولا مش قادرة اتغير اعتقد الكلمة الاولى هى الاصح مش عايزة اتغير يا رب ادينى الارادة والهمة لتغيير حياتى سنة ولا سنة تعدى وانا زى ما انا لا تغيير الا من عدد العيال بس ربنا يرحمنا يرحمتة ادعولى

السلام عليكم ورحمة الله وبركاته
ما شاء الله عليكم، كل يوم جديد في جديد، أنا أم انس وميدو (رشا) من غزة، عندي 3 أولاد طبعاً أنس (6 سنوات )وميدو (5 سنوات) ويزن (سنة وثلاث شهور)، أنا متابعاكم من زمان، بس عشان ظروف غزة بقالي فترة ما فيش عندي نت.

وبعدين خلص هلأ قررت إني أشارك مشاركة فعالة وما اكتفيش بالفرجة بس، أنا هلأ بعد ما تركت عملي، ولله الحمد وقتي منظم جداً من ناحية البيت وتنظيفه وعاملة جدول ومن ناحية تدريس الأولاد ، بس حاسة عندي نقص كبير في الناحية الدينية، يعني يدوب بقيم الصلاة المفروضة.

حابة انضم إليكم، أفيد واستفيد وارجو الله أن نكون خير صحبة

يا صباح الخيرات
صباحو نادي لبن زبادي (برضه)

معلش بقالي فترة مش بشارك لاني عندي اكتئاب وحالة فشل فظيعة
قلت اشاركوا فيها لسببين
ان ساعات الاكتئاب بيعلم زي النشاط بالظبط يعني على سبيل تفادي الاخطاء اللي صدرت من الشخص المكتئب
والسبب الثاني اني واثقة اني هلاقي عنكوا العلاج لانكم بجد خير صحبة

من اسباب اكتئابي (عدة اسباب)
1- تقصيري في العبادات . يادوب بصلي الفروض وبس
2- ابني مبهدلني في موضوع الرضاعة ولا انا عارفة انام ولا هو بياخد كفايته من النوم او اللبن وكمان مش بياكل كويس
فعندي تردد فظيع اني افطمه لانه لسه صغير سنة وشهرين وصعبان عليا
دا غير انه ماثر على علاقتي بجوزي لانه طول الليل عياط عايز يرضع لما جوزي طفش وبقى بينام في الليفنج
3- علاقتي مع جوزي غير مستقرة نبقى كويسين شوية والباقي زي الزفت لان زي مابيقول العيال واخدين وقتي كله وهو مركون
4- صحتي بقت خايبة خالص ودور الهبوط بقى بيتكرر مبقاش عندي همة اني اعمل حاجة
عايزة اسال اجيب العسل اللي بغذاء ملكات النحل منين خلصت على الفيتامينات وبدور على الطبيعي من زهقي
5- نفسي اهتم بنفسي لاني مقصرة معاها اوي اشمعنى هيا منا مقصرة مع الدنيا كلها


بس اللي عنها نصيحة تقولها واللي معندهاش تدعيلي
وممكن على فكرة تلاقوني بكرة عماله اهزر واتنطط في الصفحة ولا كاني قلت حاجة النهاردة المشكلة اني مودي جدا بس فعلا دي المشكلات الرئيسية اللي في حياتي

على العموم اعتقد ان معظمها ممكن يتحل لو فطمت ابني

حد ممكن يشجعني ويبقاله الثواب عند الله حسنة قليلة تمنع بلاوي كتيرة(ابتديت اشحت ههههه)