السلام علكم ورحمة الله وبركاته
ازيكم بنوتة بنوتة وحشتونى جدا
وزى كل اللى بيسيب الملف فترة طويلة ..فرقتوا جدا معايا
ظروف الكيبورد وشوية ظروف شخصية كده ملخبطة ..ربنا يعينا جميعا على احوالنا
اجر وعافية يا هدى ويا روشانا وألف سلامة على الوالد....فى ميزان حستاتهم يا رب وخليكم ستات جدعة وما تبينوش زعلكم قدامهم...ربنا يطمنكم عليهم يا رب
ام سوسو ..ربنا يسهل وتخلصى من قصة التسنين دى ويهون عليها..سبحان الله الموضوع صعب فعلا تخيلوا عظم بيشق لحم..الف سلامة على مينا وفترة وتعدى ان شاء الله
كنزى..ما شاء الله شغلك جميل ومحتاج طولة بال...برافو عليكى جو آهيد
توتة ..الف سلامة بس اعتقد لازم تتابعى الضغط بتاعك..يمكن يكون واطى...لازم يا قمر ما تكسليش..ما تتخضيش نص الحوامل ضغطهم بيكون واطى فى الشهور الأولى
ام مريم العسل وام يوسف ما شاء الله تبارك الله ماليين الملف نشاط ..
كتكوتة كتكوتة..نورتينا وتابعى معانا وكلامك جميل ما شاء الله
حبيبة اوسو...ربنا يثبتك ويرزقك حفظ القرآن...برافو بجد انتى انسانة مثابرة والشيطان بيقلق من اللى زيك ولازم بتلاقيه بيكافح معاكى بضراوة بس ان شاء الله انتى أقوى بايمانك...ربنا يرزقك ما تتنميه ويصلح ما بينك وبين غاليينك..يا رب
مدام وائل...باتبسط لما اشوف اسمك..ومش عارفة اقولك ايه غير ربنا يهدديلك الدكتور بودى..ما شاء الله عنده استعدادات هايلة جدا .ربنا يعينك عليه
عروس قعدتنا..حمد لله على السلامة يا هاميس والف سلامة على عنيكى..وشيكى الخاص
عطر ..استنيتك ما جبتيش الكيبورد ليه؟هههه اخبارك واخبار مدرسة يويو بيه ايه؟ المدارس دى قصة بجد
يا بنات يا اللى لسه ما دخلتوش قصة المدارس...تمتعن باخر ايام الروقان والنوم والكسل ....يلا هتشوفوا بنفسكم..الله المستعان
ميرو النشاط كله ..عملتى مشكلة برابط بلقيس اللى حطتيه ده من مدة..ربنا يسامحك..ويكرمك كمان بجد
مفيش برضه اخبار عن مادو؟ طيب وبلو روز؟
لميا ..مستنيينك بعد الويك اند
شهيدة" ما عندناش حد بيزعل ويمشى..دخول الملف مش زى الخروج منه يا جميلة" وبوتا ورونى وNOODY ودموع التائبةوكل البنات وحشتونى جدا بجد وباتابع كل اللى بتكتبوه على قا ما اقدر
مامتنا زوزو ..لما باشوف اسم بارتاح بجد وباستنى مشاركاتك على احر من الجمر..ربنا يصلح حالك وحالى وحال كل مسلم
هاقولكم بسرعة كام حاجة عملتهم الفرة اللى فاتت
يوم الأربع اللى فات اتصل بيا زوجى على الساعة 11 بالليل وقاللى أجهز غدا لبكرة لبه ول3 من الأقارب جايين معاه وده هيكون فى حدود الساعة4 العصر، وكان مطلوب منى كمان اروح مشوار 10 صباح الخميس ويخلص فى حدود 1 مش قبل كده
يمكن انزل المنيو بعدين مش ده بيت القصيد
يعنى كان لازم قبل ما أنزل اكون مروقة البيت وكمان مخلصة الأكل
عملت ايه
مجرد ما قفلت معاه جبت النوتة بتاعتى وكتبت فى صفحة عنوان الاكل وبدأت اشوف ايه اللى عندى وممكن اعمل منه منيو وكتبت المنيو
صفحة تانية البيت وشفت عايزة اعمل ايه توضيب ونظافة
وصليت ركعتين قضاء حاجة ان ربنا يعينى واقدر اخلص
وقعدت اشتغل فى الاكل وكل شوية استغفر ولما اتعب اقعد شوية اقرا صفحة قرآن واقول لا حول ولا قوة الا بالله على قد ما اقدر
خلصت حوالى 5 اصناف وصنفين حلويات فى 4 ساعات ..الحمد لله
وعملت السلطات بس ما تبلتش الخضرا عشان تحتفظ بقيمتها وما تدبلش
وقلت استنى اصلى الفجر وانام ساعة عشان اصحى لابنى والباص
خرج ابنى على مدرسته ..جبت الموبايل وظبطته على بعد ساعة لانى كان لازم اتحرك من البيت بالكتير9.30 للمشوار اللى ورايا وقلت فى الساعة دى هاخلص الجناح اللى جوة من الشقة...وقد كان..ولما رن عملته سنوزنج..يعنى يرن كل خمس دقايق وكل ما يرن اعمله سنوز
اكتشفت ايه...وده بيت القصيد...الخمس دقايق دى وقت كتييييييييييييييييييييييييييييييييييييييييير جدا..وكنت باخلص حاجة فى ايدى واستغرب انه لسه ما رنش..وان لسه ال5 دقايق ما عديتش..والله حصلت اكتر من مرة
يا خبر ..يعنى كام 5 دقايق بيضيعوا فى اليوم؟؟؟؟ بنقول ساعات لبعض خمس دقايق بس وهاعمل كذا وبنشوفها وقت قليل يعنى..
تجربة بسيطة ويمكن مروا كتير بيها..بس انا حسيتها يومها قوى لان وقتى يومها كان غالى قوى
طيب ليه ما يكونش غالى على طول؟ قلت ان شاء الله لازم هاكتب الحكاية دى هنا لان الموضوع جايز مش ان مفيش وقت قد ما اننا مش بنعرف نستفيد بالوقت " اللى احنا فاكرينه قليل"
يوم الأربع اللى فات اتصل بيا زوجى على الساعة 11 بالليل وقاللى أجهز غدا لبكرة لبه ول3 من الأقارب جايين معاه وده هيكون فى حدود الساعة4 العصر، وكان مطلوب منى كمان اروح مشوار 10 صباح الخميس ويخلص فى حدود 1 مش قبل كده
يمكن انزل المنيو بعدين مش ده بيت القصيد
يعنى كان لازم قبل ما أنزل اكون مروقة البيت وكمان مخلصة الأكل
عملت ايه
مجرد ما قفلت معاه جبت النوتة بتاعتى وكتبت فى صفحة عنوان الاكل وبدأت اشوف ايه اللى عندى وممكن اعمل منه منيو وكتبت المنيو
صفحة تانية البيت وشفت عايزة اعمل ايه توضيب ونظافة
وصليت ركعتين قضاء حاجة ان ربنا يعينى واقدر اخلص
وقعدت اشتغل فى الاكل وكل شوية استغفر ولما اتعب اقعد شوية اقرا صفحة قرآن واقول لا حول ولا قوة الا بالله على قد ما اقدر
خلصت حوالى 5 اصناف وصنفين حلويات فى 4 ساعات ..الحمد لله
وعملت السلطات بس ما تبلتش الخضرا عشان تحتفظ بقيمتها وما تدبلش
وقلت استنى اصلى الفجر وانام ساعة عشان اصحى لابنى والباص
خرج ابنى على مدرسته ..جبت الموبايل وظبطته على بعد ساعة لانى كان لازم اتحرك من البيت بالكتير9.30 للمشوار اللى ورايا وقلت فى الساعة دى هاخلص الجناح اللى جوة من الشقة...وقد كان..ولما رن عملته سنوزنج..يعنى يرن كل خمس دقايق وكل ما يرن اعمله سنوز
اكتشفت ايه...وده بيت القصيد...الخمس دقايق دى وقت كتييييييييييييييييييييييييييييييييييييييييير جدا..وكنت باخلص حاجة فى ايدى واستغرب انه لسه ما رنش..وان لسه ال5 دقايق ما عديتش..والله حصلت اكتر من مرة
يا خبر ..يعنى كام 5 دقايق بيضيعوا فى اليوم؟؟؟؟ بنقول ساعات لبعض خمس دقايق بس وهاعمل كذا وبنشوفها وقت قليل يعنى..
تجربة بسيطة ويمكن مروا كتير بيها..بس انا حسيتها يومها قوى لان وقتى يومها كان غالى قوى
طيب ليه ما يكونش غالى على طول؟ قلت ان شاء الله لازم هاكتب الحكاية دى هنا لان الموضوع جايز مش ان مفيش وقت قد ما اننا مش بنعرف نستفيد بالوقت " اللى احنا فاكرينه قليل"
حد عندها مشكلة فى ربط الكرافت "زيى"؟؟؟؟
ده فيديو مدته ربع ساعة بس حلو بجد
يلا اعملوا مفاجأة لازواجكم
http://rapidshare.com/files/53964064/the_tie_video.rmvb
ده فيديو مدته ربع ساعة بس حلو بجد
يلا اعملوا مفاجأة لازواجكم
http://rapidshare.com/files/53964064/the_tie_video.rmvb
سؤال بقى لاخصائيات التعامل مع الازواج
واخص بالذكر ماما زوزو..عروس ... عطر... ووطبعا يا ريت كل اللى عندها رأى تقوله وما تطنشونيش كالعادة:06:
كل المواضيع اللى بتتكلم عن المرأة الأخرى فى حياة الرجل بما فيه مواضيع د.ناعمة وبلقيس بتفترض ان الأخرى دى وحشة مش شكلا يعنى اقصد لازم فيها حاجة وحشة..بترجح كفة الزوجة فى النهاية..طيب وات اف؟؟؟؟؟؟ يعنى طيب لو كانت الاخرى دى حد كويس جدا شكلا وموضوعا..سيبكم من قصة مدام بتخاول مع راجل متجوز تبقى وحشة..."هو" الزوج يعنى مش بيشوفها كده...يلا قولو بقى المفروض الزوجة تعمل ايه؟ ولا تستعوض ربنا بقى وخلاص؟؟؟؟؟؟؟
أنا دخلت فى مناقشة بيزنطية مع زوجى فى الموضوع ده وهأقولكم وجهة نظره كرجل...بس قولوا انتم الأول
ان شاء الله راجعة تانى
واخص بالذكر ماما زوزو..عروس ... عطر... ووطبعا يا ريت كل اللى عندها رأى تقوله وما تطنشونيش كالعادة:06:
كل المواضيع اللى بتتكلم عن المرأة الأخرى فى حياة الرجل بما فيه مواضيع د.ناعمة وبلقيس بتفترض ان الأخرى دى وحشة مش شكلا يعنى اقصد لازم فيها حاجة وحشة..بترجح كفة الزوجة فى النهاية..طيب وات اف؟؟؟؟؟؟ يعنى طيب لو كانت الاخرى دى حد كويس جدا شكلا وموضوعا..سيبكم من قصة مدام بتخاول مع راجل متجوز تبقى وحشة..."هو" الزوج يعنى مش بيشوفها كده...يلا قولو بقى المفروض الزوجة تعمل ايه؟ ولا تستعوض ربنا بقى وخلاص؟؟؟؟؟؟؟
أنا دخلت فى مناقشة بيزنطية مع زوجى فى الموضوع ده وهأقولكم وجهة نظره كرجل...بس قولوا انتم الأول
ان شاء الله راجعة تانى
الصفحة الأخيرة
كتكوتة.................. اهلا بيمكى يا قمر فى اى وقت و لا متأخرة و لاحاجة و ربنا يرزقك الصبر و الثبات على طاعته آمين أيمان ..............ربنا يعينك على التربية لوحدك و كمان يبارك يبارك فى وقتكم انتى و زوجك عشان بودى و يقدر باباه يقعد معاه فترات أطول
هدى...... ربنا يكرمك على السؤال يا قمر و على فكرة الحلل الأسنانلس حلوة بس الغالية اللى بتبقى تقيلى لكن الخفيف ده سىء للغاية عند حماتى طقم كانت جايباه من التليفزيوم مكملش شهرين و الأيدين اتخلعت و الغطيان باظت و مرة كنت عندها و بعمل رز و رحت و نسيتة خمس دقايق على نار متوسطة رجعت لقيت ريحته شياط
ام سوسو ......... ما شاء الله ربنا يبارك فى البنات و يخلى سارة يارب و يعفو عن مينا و يسهل موضوع التسنين
توتة................. الف سلامة من الدوخة يا قمر بس كلى كويس و اهتمى بصحتك
ام مريم.............. اخبار مرمر ايه و كويس انها بتسال على البيبى عارفة زى بنتى عندها هوس بالأطفال كل ما تشوف بيبى فى الشارع او فى التليفزيون او حتى فى صورة تقعد تصرخ و تقولو نونو نو نو
عروس ........................... حلو جدا المقالة بتاعت الفوايد الشاملة ديه و ان شاء الله نطبقها و كمان عن نوبات بكاء الطفل اصل انا بنتى عندها الموضوع ده و فعلا مش بديها الحاجة اللى بتعيط عشانها و الل المستعان و اخبار عينيكى ايه احسن
بوتا............. استخيرى يا قمر قبل ما تشترى و ربنا يدلك على الخير إن شاء الله
نوران و ام روانو شيماء و عطر و حبيبة اوسو و لميا و هايا و ام يوسف و كل الحولين الحاضرين و الغائبين صباحكم سكر زيادة