وحشتووووووووووووووني وحشتووووووووووووووووووووووووووووني
(اقتباس الاغنيه من ايمان)
ايه اخباراتكم يا عسلين و قمرين (اقتباس من ام مريم )هههههههه

معلش داخله اهزر على الصبح
اصلي بجد مش نايمه غير كام ساعه فمهيسه على الاخر

معلش يا بنات بتاخر عليكم بس ورايا حاجات كتير و فجاه البيت بقى كله منعكش كدا و غريب

و خصوصا المطبخ رهيييييييييب

طبعا بسلم عليكم نفر نفررررررررررررررررررررر بس من غير اسماء عشان الزهايمر مع قله النوم ممتع

بس عايزه بجد اشجع كنزي جدااااااااا على الشغل ده ماشاء الله تحفه تسلم ايدك و استمرييييي

اما عن اخر نيوزاتي
اني معملتش اي جديد اطلاقا في موضوع المدرسه وولا مدرسه اتصلت بيا تااااني

شكله هيقضيها من منازلهم

و لسه عندي اتنين انترفيو الشهر ده ان شاء الله و بجد مش عارفه هعمل ايه في الموضوع ده الى الان

و طبعا اليوميات الطبيعيه اللي هي اكل سريييييييع و تنظيف اسرع مش بقولكوا الشقه تضرب تقلب

معرفش عندي حاله من البلاده او اللا مبالاه ؟؟بجد مكسله ببرود

مقولتلكووووووووووووش
مش عملت كيكه الجزر بتاعه ايناس و عروس و طلعت ماشاء الله فظييييييييييييييييييعه
بس زودت لها طبقه على الوش من اللبن المكثف و القشطه و جبن كيري
و رسمت عليها خطوط بمربى توووت بس فعلا مكنتش مصدقه نفسي

و عن اخر اختراعاتي التجميليه

طبعا انتوا عارفين شهر فبراير و مارس اشفره اخر حاجه و اللي ميعرفش اشفره (فلس)يعني نووووو فلووووس

و كنت محتاجه بادي لوشن و كل اللي عندي خلصوا و يادوب لحسه في كل واحد

قامت لمبه الذكاء نورتتتتتتتتتت على غير العاده

و قمت حاطه كل البواقي اللي عندي في اكبر علبه و حطيت عليهم ازازه بيبي اويل و شويه جلسرين و شويه زيت لوز مر

و سيحتهم على حمام مياه و فضلت كل شويه ارج جااااامد (طبعا الاحسن في الخلاط)

و بعدين بعد ما اندمجوا تماما سبتهم بقى يبردوا

و فعلا مسكوا تاني بس بقوا حاجه واحده في بعض و بستعمله و تمام التمام

انما بجد طلع تحفه و بينعم بفظاعه و ريحته وهميه لاني كمان كان عندي ازازه بارفان فاضل فيها نقطه قمت ضايفاها


و الاختراع التاني

جلسرين و فازلين و زيت لوز مر و حلو

و نفس الفكره حمام مائي و تقليب مستمر و بستعمله كل يوم باليل و النتيجه تحفه

بصوا بقى
كنت قريت تقريبا ان كنزي بتستعمل ماء الورد بالقطن

انا عملت حاجه شويه مختلفه

جبت رشاش صغير و حطيت فيه ماء ورد و حطيته في الحمام و كل ما اغسل وشي اديها رشه

و النتيجه انتعاش لا يقاوم على راي (اعلان زست)

و شد للبشره فظييييييييع

طبعا الحمد لله مواظبه على الفجر و الورد بس للاسف كسلت تاني في الحفظ و عايزه اتعدي منكم

و بمناسبه صلاه الفجر هضحكم على جوزي امبارح

انا امبارح كنت تعبانه و جسمي مكسر فقلت خلاص هاجل صلاه العشاء لقبل الفجر و اقوم اصلي العشاء

و اصلي قيام و اقرا قران على بال الفجر ما يدن

و فعلا

قمت اتوضيت و صليت

و انا بقى في عز الصلاه و التركيز جوزي حس بيا فقام توجه على الحمام

المهم قام طالع من الحمام و فضل يمش باتجاهي و انا بصلي بمنتهي الثقه و فجاه قام دايس عليه هههههههههههه

طبعا انا مسكت نفسي عشان مبوظش التشهد الاخير

و مكتفاش بكدا قام جاي واقف مصلي هههههههههه

طبعا انا اغما عليا فجاه من الضحك لاني كنت بصلي العشاء وهو فاكره الفجر ههههههههههههههه

طبعا خلص الصلاه و قاللي انت اتجننتي بتضحكي على ايه فقلتله

طبعا اخدت تهذيئ و توبيخ للصبح و قال يعني انا الغلطانه و انا اللي بلغبطه

طبعا انا كان ماسكني هستيريه ضحك غير طبيعيه لانه بجد كان عامل زي الجهاز اللي اول ما ندوس على الزرار يتحرك ههههههههه

رغيت كتيييييييييييير بس بجد واحشني

زوجه مصريه

وحشتيني يا بنتي يعني اجي اكسرلك الكيبورد ده يعني عشان ناخد حقنا منه
بجد لو انا في القاهره كنت جبتلك واحد لحد البيت وحشتيني

بصي بقى بالنسبه للقضيه السفسطائيه دي

انا عندي راي حيادي

و فعلا احنا دايما بنقول ان الطرف الاخر دي لازم تبقى حد وحش و لازم تبقى خطافه و مجرمه

انما طبعا مش شرط ابداااا لان في ناس كتير كويسه و ساعات ظروفها بتجبرها انها تتعلق بشخص متزوج

و ساعات كتييير بيكون الزوج مظلوم وهي اللي مشاعرها بتتحرك و بالتالي بتبدا تقرب اكتر

و بما ان الزوج فاضي من جوا يعني مش متحصن حب و اهتمام و استقرار نفسي يبقى للاسف بينجذب للطرف ده

طب الغلط فين؟؟

في الزوجه لان حتى لو مشاغل الدنيا خدتك لازم يحس بوجوده في حياتك
لازم تشعريه برجولته و باحتياجك له (احساس اساسي للزوج)
لازم يشعر بانه ملك البيت

و بجد زكاء الزوجه مهم اوي في النقطه دي يعني تقدري تتشغلي عنه و تهتمي بالعيال و تخلصي اللي وراكي و تروحي شغلك
و في نفس الوقت تشعريه بكل ده

بس لو بقى وقع الفاس في الراس و كانت الجديده دي كويسه
اعتقد انه من الصعب جدااااا رجوعه
لان في مثل هذه الحالات لما الزوج بيرجه لزوجته تاني بيكون نتيجه لكشفه بذاءه و سوء الجديده
انما لو هي كويسه مظنش انه هيرجع

و طبعا انا لا الوم الزوجه فقط و لكن هما الاتنين لانه كان لازم يقاوم و بسسسسسسسسس

اما بقى لو الناس كانت من الاول ماشيه بما يرضي الله لا كانت في زوجه هتهمل زوجها
ولا كان هو هيبص لواحده تانيه
ولا كانت الجديده هتحاول تستميل واحد متزوج

انا يشرفنى انى ارد عليك
وخصوصا لما سمعت صوت الصرخة القويييييييييييه اللى فى الموضوع
من خبرات حياتى
ان كانت سيئه او حسنة
تجاربى علمتنى ان الراجل دايما بيدور على المختلف
ايوه المختلف بمعنى الكلمة
مثلا انت بيضة
طب السمرة طعمها ايه

انت حلوة
بس بيقولوا ياوحشة كونى نغشة
انت مؤدبه
ياه علطول

طب طعم قلت الادب ايه
انت طيعة
علطواااااااااااال ياااااااااااااااه
انا عايز حد يناقرنى ياخد ويدى معايا

انت مثقفة
انا عايز ست مش واحد صاحبى
انت مهوداه فى رغباته
انا عايز واحدة تتدلل


انت مدبرة
انت شاطرة
انت بترعى الاولاد
انت بتهتمى باهله

يااااااااه
دى عندها اهتممت غيرى


انت احسن الستات ولا عيب
انا حفظت الستدى
مش حاسس بجديد




العواطف مالهاش اسباب

ولو مفيش حاجة خاااااااااالص
ربنا اللى قدرى لى كدة
هتعترضى على قدره

والموضة الجديدة
انت الحب ايوهوانت العشرة
وانت رفيقة الرحلة
وانت ام اولادى


لكن هى محتاجة راجل مش حرام تبقى من غير راجل وتنحرف
اكسب فيها ثواب
وانت كمان اكسبيه معايا

المهم ان الراجل لن يغلب فى ابداء الاسباب
وفى حالة الوقوع فى الحب او الزواج مرة اخرى
لن يعجز عن ابداء الاسباب المقنعة
وخصوصا للغير
وهتلاقى كتيييير مأيدينه

ما انت ماسمعتيش قال على الزوج ايه


الراجل اللى معداش بتجربة ورفضها

ليس معنى كده انه الافضل
الافضل
هو من قاوم جميع الاغراءات
وارتضى بنصيبه
وتغلب على رغباته
من اجل امراءة عاشرها
واولاد قد يبتسؤا اكتر من الزوجة

وللعلم
احدث اسباب
الجواز
احياء سنة النبى عليه الصلاة والسلام
وقد سمعتها من السيدات للاسف وليس الرجالة
ربنا يهدى ستاتنا
وبناتنا
واولادنا واخيييييييييييييرا
ازواجنا

وبكده مش شرط الست التانى تكون غلطانة
او سيئةالسمعة
او بتجرى ورا الرجالة
كل دا ممكن يكون موجووود
لكن اين الراجل من كل ذلك

وعلى فكرة استكمال للموضوع ده
انا ليه رأى شخصى
اتمنى للزوج او الابن
ان يتزوج مرة اخرى
ولا انه يقع فى المعصية

المعصية يحاسب عليها فى الدنيا والاخرة
وتأثر على رزقه واولاده وحياته
وخصوصا لو اصبحت طبيعة حياة

وسلالالالالالالالالالالالالام

صباح الخير عليكوا كلكوا كنت صاحيه كلي نشاط وناويه اقعد علي النت نص ساعه بس عشان عندي مواعين لحد السقف المهم لاقيت قصة في الرابط بتاع ام يوسف تنحت جنبها قعدت اقرا واعيط اصل اختكوا نكديه جدا وجوزي طبعا بيقول عليه هبله لاني لحد دلوقتي ممكن اشوف فيلم شفته 50 مره قبل كده واقعد لعيط ما علينا

بالنسبه للكفته كلاكيت تاني مره عشان خاطر يوسف ومريم يارب تعجبهم انا اخدت 4 بطاطسات وسلقتهم نص سلقه وبعد كده بشرتهم وحطيت عليهم حوالي كوب من اللحمه المعصجه اما البصل المفروم والتوابل يا ام مريم عشان يخلوا البطاطس نفسها طعمها حلو وبعد كده حطيت بيضه وحطيتهم في البقسماط وحمرتهم وبالهنا والشفا

زوجه مصريه حمد الله علي السلامه

ايمان عامله ايه وهاغش منك شوربة السبانخ ياريت تكون طريقتها في موضوع الاكل

ام سوسو ازيك وان شاء الله تكون البنات كويسه

عطر مت من الضحك علي جوزك وعليكي وهاحط ماء الورد في الحمام لكن انا مكنتش بستمله غير الصبح وبالليل بس كتونر قبل الكريمات انتوا بتستعملوه كتير عادي مفيش مشكله

عروس حفظت الصفحه بتاعتك اصل انا جايلي مزاج كده اليومين دول اهتم شويه بنفسي لعلي اصلح ما افسده الدهر والغسيل والطبخ والخناق والصريخ والخ طبعا

واسيبكوا دلوقتي واشوفكوا بعد الويك اند ان شاء الله وسلام لكل الموجودات والمتغيبات

ماما زوزو اول مره ارد عليكي لكن دايما بشوف ردودك بس الخلاصه من اللي كتبتيه و من اللي بنشوفه ان الرجاله فعلا مزعجين جدا يعني غريب جدا ان الانسان يمل من اللي عنده ويدور علي غيره والصفات اللي عنده هي الكويسه يعني لا حلوه عاجب ولا مؤدبه عاجب وخلافه عموما انا فعلا بشوف ان المواضيع ديه في رايي مالهاش مقياس يعني فعلا ساعات رجاله بيرتبطوا بست تانيه عشان في الست التانيه ديه حاجه مش عند مراته لكن هو مفروض يفكر برضه انه مش كامل ومينفعش يطلب الكمال منها بس مش معني كده ان الستات ماتحاولش تكون متجدده وبس بعد كده تسيب الباقي علي ربنا وعلش طولت عليكوا بس بأي طالما فتحنا الموضوع ده ليه سؤال طيب ليه داينا الستات هي اللي بتفكر في الموضوع ده وتحاول تكون متجدده وتغير من نفسها وما اعتقدتش ان فيه راجل ابدا فكر في موضوع النغيير في نفسه او التجديد في حاجه فيه علشان مراته يا تري الستات بتعمل كده علشان عاطفيه اكتر ولا علشان دايما عندها خوف داخلي من ان جوزها يعرف واحده تانيه