السلام عليكم و رحمة الله
اهلا يا بنات
انهاردة الجو مليان تراب بشكل فظيع و دا بيتعبنى جدااا
الايام اللى فاتت كنت تعبانة البريود كانت متلغبطة على الاخر و دا كان مخلى نفسيتى زفت
تخيلوا بقالها 3 ايام حاجة كدا لا تذكر انا الصراحة قلت دا حمل و احتمال شان بشرب جنزبيل بالقرفة عشان الرجيم عملى نزول الافرازات البنى دى
و غير كدا انتفاج فى جنابى رهيب
الحمد لله انهاردة ابتديت تنزل بشكل يعتبر طبيعى نوعا ما

كنزى
ما شاء الله شغلك جميل يا جميلة

مدام وائل
ربنا يخليك بودى يا رب و تفرحى بية و معلش هو الدكتور كدا وقتة مش بايدة ربنا يعينة يا رب و ان شاء الله اول ما يرجع خدوا بودى لويك اند محترم كدا

ام يوسف
اولا كل سنة و انتى طيبة يا جميل
هقولك على حاجة انتى لازم تحطيها فى بالك00 جوزك و انتى متغربيين و الغربة مع الشغل برا مش هينة يعنى ما تتخيليش كم من الضغوط هو ممكن يكون بيتعرضلها فى الششغل و برا (شغل كتير 00 انجاز مهام00 تفكيرة فيكم 00 عايز يعمل حاجة 00 شايل هم ولادتك باذن الله) ممكن الحاجات دى كلها تخلية ما ياخدش بالة انوا مثلا يشيل البنوتة لانوا عرف انوا مهتم بية من الاساس قمال بيعمل كل دا عشان مييييييين 000 و بعدين يا ستى الراجل لما يجى يصلحك لمى الدور بقا دا انتى بالنسبة لية امة و اختة ومراتة
معلش ياما بيحصل بالبيوت لكن اقولك لازم الواحدة تيجى حبة على نفسها عشان المركب تمشى
و يا رب ما تشوفى الا السعادة باذن الله

انا على فكرة حفظت لغاية 25 و البريود جاتنى



ماما زوزو

كلامك مريح و الله بجد بحب اقراة جدااا و اتمعن فية كمان ربنا يحفظك يا رب


كتكوتة ، مي ، كنزي، زوجة مصرية ،ماما زوزو، مرمر، وردة ، رمال، محبة الرسول ، سما شهاب، منى ، ام مريم،عطر ، روشانا، ام البنات ، إيناس، tadoh , rawanyo،

ربنا يا رب يخلى لمتنا دى لمة خير و يبعد عننا كل مكروة و يثبتنا
بحبكم فى الله

ام سوسو ربنا يبارك لك يارب


ايمان بودع ماشاء الله يارب يهديه ويحميه


ماما وزو يا سكرا ان شاء الله دايما منوره

كل البنات يارب تكونوا بخير

السلام عليكم عاملين ايه ان شاء الله تكونوا جميعا بخير


عطر متشكره جداااا ردك ريحني وهداني وانا على فكره انا لما باقعد مع نفسي واسال ايه اللي ابني عمله اوفر

ما الاقيش واقرر اني اتصرف اهدا من كده لكن برده بافقد سيطرتي ومش بس انا لا ده باباه كمان رغم اننا

الاتنين معترفين انه اتظلم معانا في غربتنا جداااا لانها غربه من نوع خاص غربه على حق كورس مركز 6 سنين هههه ابسط شيء

اني رجعت هنا من سنه خرجت فيهم بالزبط مرتين واحده واحنا بنودي ابني الحضانه والتانيه للمركز الطبي لان


ما فيش مجال لخروج وما فيش حتى اسره مصريه واحده وما فيش مكان ابني يطلع طاقته فيه حتى

حتى لو مره كل شهر ولا شهرين للاسف فعلا ربنا يهونها علينا ان شاء الله


ام يوسف ربنا يهديكي انتي وجوزك لبعض انا كمان امبارح شديت شويه كده وفعلا الغربه بتخلينا نتعامل مع الامور بحساسيه اكتر

والحمد لله فضفضت شويه مع كتكوته على الماسنجر ربنا ييسر لها امورها ان شاء الله وقعدت مع نفسي شويه وقلت اشوف الايجابيات


لاني كده باضيع وباضيع البيت معايا لازم اقف مع نفسي واعد الحاجات اللي بتفرحني ونعم ربنا عليا




وفكرت بجوزي حاولت انسى عصبيته وعنده وافكر في ايجابياته ولما صحاني لصلاة الفجر هو بيصحى الفجر علشان يروح شغله

صالحني وانا كمان مش شديت بس زي ما ماما زوزو نصحتنا عاتبته بنظرتي بس اصلي بالليل كنت فاتحه على الرابع في الزعيق

ههههه


مدام وائل ما شاء الله بودي زي القمر عيونه فيها شقاوه ههههه ربنا يحفظه ويبارك فيه ويلا ابداي اصطادي باه هههههه

الاجازه في شهر 5 وان شاء الله نتقابل في دمياط الجديده او راس البر

ام مريم ربنا يتم حملك على خير ان شاء الله

يومي باه ما فيش حاجه مميزه باطبخ لحمه وفاصوليا بيضا والبيت الحمد لله مترتب بس كل ما اجي امسك ابرة الكروشيه

بنتي عايزه تاخدها فمش عارفه اكمل المفرش اللي بداته قبل ما احمل فيها ههههه


عروس الف سلامه عليكي ربنا يفرج كربك ويشفيكي


كنزي اخبارك ايه دلوقتي ان شاء الله احسن

ميمسي

وكل البنات باتمنى لكم الخير والصحه والسعاده

باتمنى لكم جميعا الصحه والسعاده

باسلم عليكم كلكم واحدة واحدة
ربنا يخليكم ويخلى تجمعنا فى الخير على طول
ايمان بودى ماشاء الله عليه ربنا يخليه
والله خليتينى احس انى فارغه جدا انا ابنى هايتم سنتين الشهر اللى جاى ولسه ماعلمتوش حاجة من اللى قلتى عليها خالص
ربنا يساعدنا
عطر بالنسبه للبودرة استخدمها عادى وانا حامل والا ايه
ام يوسف ايه يعنى 30 سنه تعمل فيكى كده ده فعلا احلى سن وزى ماماما زوزو قالت فى بنات عدوا ال 30 ولسه مافيش لا زوج ولا اولاد
نحمد الله على كل النعم التى لا تحصى ولا تعد
باقى البنات بحبكم كلكم فى الله

السلام عليكم ورحمة الله وبركاته
كل البنات وحشتونى
ايمان ما شاء الله لاقوة الا بالله بودى عينيه كلها مشاغبه ومشاكل وما شاء الله ذكاء
ربنا يبارك لك فيه ويكون من الصالحين
ام يوسف عندى كلام كتير لكى لكن حاسه انى مش عارفه ابدأ منين
اولا موضوع السن فى ناس كتير بنشوفها ونديها اكبر من سنها والعكس
الموضوع مش موضوع سن موضوع ان روحك تبقى شباب متفائله وعايشه فى حدود يومك
مش عارفه هل هو عيب ولا ميزه مش بحب الخطط طويلة المدى والتفكير فى المستقبل
وطموحاته واحلامه والندم على ما فات ليتنى لم افعل كذا
اعيش يومى فقط لانه هو الذى املكه استمتع بيه وانهى اى مشكله سريعا
لان ما فيش وقت ان العمر يمر فى هم وغم
فعيشى يومك فقط بروح ايجابيه وان شاء الله لن تشعرى بالسن فات كام وباقى كام
بالنسبه للغربه كلنا المغتربين مشاعرنا ومشاكلنا وحده
لكن ننظر للغربه بايجابيه اولا الحمد لله انها فى دوله عربيه واسلاميه يكفى اننا بنسمع الاذان كل صلاه
كان الله فى عون مغتلربى الغرب
الحمد لله اننا مش فى منطقه نائيه او قريه فالمجال مفتوح اسواق ومولات
واجمل ما فى الغربه ان كل وقتك لبيتك وولادك بتعلميهم على طريقتك
وبتعرزى فيهم قيمك بدون تدخل من احد يفسد ما تزرعيه وقتك ملكك لوحدك
تستمتعى بيه بدون مقاطعات او الدخول فى دوامة مشاكل من الاقارب ولازم يكون لك دور فى الحل
فانظرى للامور بايجابيه اكثر
مشكلة مشاركة الزوج فى تربية الابناء كلنا بشر ولسنا كاملين
ممكن تكون النقطه دى عيب عند زوجك لكن اكيد فى مميزات اخرى
فتأقلمى مع عيوبه وركزى على مميزاته لانك اكيد انتى كمان عندك مميزات وعيوب لاننا بشر
موضوع الالتزام فى نقطه مهمه شفتها فى ناس كتير ان الزوجه بدون قصد منها
بتنفر زوجها من الالتزام دايما تحسسه انه مقصر مع ربنا
كل حاجه حرام فلانه غير ملتزم بيمل من هذه الكلمه
وكثيرا يكون اسلوب الزوجه للنصح للخير انه يعاند
خلاص مش مصلى عشان اخلص من الحاحك
فى موضوع الالتزام بالدين هو قول وعمل اكيد زوجك لما حا يشوف التزامك
وانطباعه على شخصيتك وانك فعلا فى تغيير فى طباعك وشخصيتك
حا يحب الالتزام وومكن تجذبيه للالتزام باسلوب غير مباشر
رساله مؤثره على الموبايل من فتره لاخرى
مقاله حلوه قريتيها
تهديه شريط لمحاضره او حتى قرآن بصوت حلو
نفترض انه مقصر فى الصلاه او بيجمع الفروض على بعض
وصلى له الرساله عن طريق ابنك كل ما تصلى ابنك يصلى معاكى
واماما زوجك صليت يا يوسف العشا يالا نصلى يالا نقول اذكار النوم
اجذبيه تدريجى بطريقه غير مباشره واحتسبى الاجر لان ثوابك ان شاء الله عظيم
ومشاكل الولاد عندك هى مرحله وحا تعدى فعديها باقل مشاكل ممكنه
والحمد لله انك مش بتشتغلى يعنى قدرتك على الصبر على الولاد اكيد غير زوجك
بعتذر عن الاطاله لكن اتمنى انك تمرى من الفتره دى على خير
اكمل بقى مع سما
اولا ربنا يهدى لك نفسك ويصلح لك كل احوالك
هاتى ورقه وقلم واكتبى كل سلبياتك واعملى خطه انك ان شاء الله تتخلصى منها
اكتبى كل ايجابيات حياتك ان شاء الله ستجدى نعم لا تحصى ولا تعد
عيشى بالروح الايجابيه واكثرى من الدعاء والاستغفار
وانصحك بصلاة ركعتين قيام حتى لو بعد صلاة العشاء ان شاء الله ستجدى راحه
للنفس وهدوء وسكينه
الدنيا ليست دار سعاده واستقرار
انا بشعر ان الحياه مثل الطالب والمذاكره لو ذاكر واهتم بدروسه
ستكون نتيجة الامتحان مفرحه وتعوضه تعب الدراسه والسهر
والحمد لله ان دينا دين وسط يدعونا ان ننعم ونتمتع بحياتنا
ونجتهد ونذاكر للامتحان
اللهم احسن خاتمتنا جميعا فى الامور كلها
وارزقنا السعاده فى الدنيا والاخره
سبحانك اللهم وبحمدك اشهد ان لااله الا انت استغفرك واتوب اليك